|
فيزا في البدايه بعتذر جدا لعدم مشاركتى في مسابقه (التحدى) و تلبيه الدعوة و كنت بتمنى أكون متواجد و أنافس مع صديقى العزيز شاعر الأحساس إللى بباركله ع الفوز و المستوى الطيب إللى قدمه فى المسابقة وجدا بفتقد كل الأخوه و الأخوات إللى كانوا موجودين أثناء تواجدى هنا و كل عام و حضراتكم جميعا بخير ******** فيزا إللى عايش فيها نفسه يلقى على باسبوره فيزا وإللى برا هزمه يأسه غربته مابقتش ميزه وإللى واقف بين بينين لسه قدّامه البابين لو قفل باب الحنين تنجرح نفسه العزيزه إختيار مافيهوش بدايل ينجد الروح من وجعها و الرحيل بين دمعه شايل ذكريات رافضين وداعها من بلاد الله لخلقه البراح مين إللى خانقه والونس إيه إللى قالقه والخطاوى مين خدعها قاسيه غربه روحنا فيها بين خطى الأوطان وجعنا الشراع خان السفينه ولا سلمنا لوجعنا إيه إللى خلانا جازفنا كان طموحنا ولا زيفنا ف السفر حاضنين نزيفنا وخوفنا بيعاند رجوعنا وإللى عايش فيها نفسه يلقى على باسبوره فيزا وإللى برا هزمه يأسه غربته مابقتش ميزه الرحااال |
الغربه عمرها ماكانت ميـزه الغربه مقبــره الروح وانتحار الرغبه فى احتضان كل شئ جميل بتحبه الغربه اضطهاد الوطن ليك.... كلمات قويه زي ماعودتنا ي أيمن عــــــوده جميله ويارب دايما موجود بالخيــر لآتحرمنا من روائعك |
إيه إللى خلانا جازفنا كان طموحنا ولا زيفنا ف السفر حاضنين نزيفنا وخوفنا بيعاند رجوعنا وإللى عايش فيها نفسه يلقى على باسبوره فيزا وإللى برا هزمه يأسه غربته مابقتش ميزه بصراحه مش عارف ابدا ازاى واقول ايه بس كل اللى اقدر اقوله حسيت انه مش كلام حسيت انى مش مركز ف الكلمات لا نقلتنى لواقع محسوس اما بالنسبه للمسابقه خسرنا كتير اننا مااستمعتنا معاك كلمات جميله اخى الفاضل الرحال المتمرد |
عن المسابقه فحصل خير واكيد كان يهمنا وجودك العنوان جه كافي ومميز ,, حبيته والمضمون مفيش كلام بعد اللي قولتله الاحلام ومحاوله تحقيقها وزحمه الظروف وان اختلفت هي اللي بتجبر الكثير للغربه بخرج من قسي الظروف لقسي الهجر والبعد والحرمان من الوطن والاهل طريقين ع نفس الصعوبه بس الاصعب الاختيار وقوة التحمل لنهاية الطريق اللي بدايته اختيارك مش مجرد كلمات هيكفيها الاعجاب لكن تجسيد الواقع بروعه الاسلوب دا ضروري تكون من قلم الرحال احسنت لروحك السعادة |
أرجوك مجدداً لا يغيب طيفك عن الاوراق كلماتك تنطق بكل سحر وجمال لتصل إلى القمه وتتعدى حدود الوصف والكتابه أحاسيسك أحاسيس صادقة تمتلك قلبا ينبض بالوفاء ويملؤه الأمل أسلوبك رائع كلماتك متناغمة لا أجد ما أقول أمام هذا التعبير أعترف لك قلمي لا تبتسم الا بحضورك ونثر عبيرك بين سطوري يمدها بالأمل |
وحشتنا حاجاتك الحلوة ايمن وجميل كلامك ما تحرمنا منة بقى وعودة حميدة لرحالنا |
حمداً لله علىَ سلامتك يا أيمن والحمد لله أنك بخير وسلام وكل عام وأنت وأسرتك بخير وسلام عودة بقصيدة عامية قيمة الفكر كعادتك مُتقنة المُفردات لكن أعلم يا أيمن أننا نستطيع هزيمة غُربة المكان لكننا لا نستطيع هزيمة غُربة النفس فحاول جاهداً أن تبتعد عنها ولا تَكُن فريسة لها دعواتي لك أن يهبك الله هدوء القلب والسكينة وراحة البال آمين تقييمي البسيط + ***** 5 تحياتي لقلمك المُبدِع والراقي والعذب رغم الألم أبو عصام |
من أقوى وأروع وأبدع ما خطه قلمك يارحال والله كل كلمة وكل حرف وكل مسافة فاضية مابين الكلمة والتانية بتحكي حجات كتير ووجع كبير الكلام هنا لاينتهي ابدا يارحال ابدعت ابدعت ابدعت ولاتكفي ابدعت ويعلم الله تحيتي لك وكل تقديري |
رائع أنت يا رجل وهذا القلم المتمرس المعموس في الابداع اتمني ايها الحبيب تكون أخر الغياب كنت هنا صادق الحس والاحساس ايمن لك كل الود واعجابي بكل حرف نثرته هنا خالص تحياتي القيصـر |
كلمات رائعة وإن كنت اتفق مع اخى طبيب الهوى غربة المكان يمكن التغلب عليها لكن غربة النفس اقسى وألم الله لا يكتب على احد وجع الغربة بنوعيها المكانى والنفسى تجسيد ولا اروع بسطور براقة ومميزة فى تعبيراتها رائع قلمك وقيم حرفك تسلم اناملك |
| الساعة الآن 01:10 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب