|
نشرة أخبار المنتدى بسم الله الرحمن الرحيم كل عيد كنت بعمل موضوع تخيلى عن الأعضاء فى العيد وكنت بسرح مع نفسى فية أوقات وأوقات كنت بعمل تحرياتى ؟وتحرياتى السنة دى عاملة أضرب المرة دى بعد اذن دكتور كنوشة حعمل حلقة عن أخبار المنتدى وكواليسها وعملت تحرياتى من خبرين المنتدى وجائت لى الأخبار الطازة الى حعرضها قدامكم فى التو والحال تابعونا فى (نشرة أخبار المنتدى ) قرر المدعو الحب الصامت الملقب بهيثم السفر الى كولامابوراوذلك لتحديد خطبتة من المضيفة الجوية كلوشا والخبر كتالى قام هيثم برحلة الى بلاد شرق أسيا وهو فى الطائرة قابل مزة حلوة أسمها كلوشا جمال صارخ العيون ضيقة والشعر ناعم والقوام ممشوق وطولها نص متر وبعد تبادل النظرات والمصارحة قامت رحلة من المنصورة الى كولامباورا لتحديد الزفاف السعيد الف مبروك هيثم الزفاف السعيد ... والخبر التالى هو قيام محمود كمال بأفتتاح مطعم عبر البحار للمأكولات البحرية والأرضية الف مبروك يا حودة والخبر الأتى هو سفر طارق سيلفر للهجرة ألى كندا بعد أن تفاقم الوضع السياسى فى مصر لم يعجب الوضع طارق وعاوز يفتح عيادة ولما زهق قرر الهجرة لتكوين مستقبلة المادى والعاطفى ؛؛؛ حنون بعد فترة راحة قررت فتح حضانة كجى وان وكجى تو لفك حالة الملل والزهق وقررت وضع رسوم من الف جنية وانت طالع وسمتها دار حنون للحضانة والرضع الف مبروك حنان والخبر الى جاى دمعة حائرة بعد الزن على دماغها قامت منة برحلة الى تركيا لكسر حرراة الجو والرطوبة بمصر وزيارة نجمتها المفضلة لميس وبعد الحجز طلع غلط فى الرحلة وقامت الطائرة بالذهاب الى سفاجا ومنها الى الأدغال الأفريقية وضاعت عليكى الرحلة منة هرد لك وربنا يعوض عليكى فى حق التذاكر ومنة الى الماجيك بعد التخرج بسلام والاستعداد للعسكرية قرر الماجيك فتح مدرسة عسكرية لبنات وشباب المنتدى والاشتراك فيها مجانى ولاختبار قدرتة الحربية قبل خوض مرحلة التجنيد مبروك ماجيك ومن الأراضى المصرية الى الأراضى السعودية حيث تقطن اركو بلانكو قررت اركو عمل جولة الى تايلاند لاصطياد فيل تايلاندى صغير وتربيتة فى مزرعتها السعيدة داخل الفيس بوك والى المغرب الى انجى قررت أنجى أنشأ جمعية نسوية مغربية سمتها محاربة الرجال فى التو والحال ومن أهداف الجمعية ضرب أى راجل يمشى فى الشارع وقص شعر راسة زيرو ووضع ختم الجمعية عليها مبروك انجى ومنة الى مرشو قام مرشو بعمل الاستعدادات لأفتتاح مركز اللياقة البدنية للرجال المبطرقة وسمى المحل (حودة مرشو )مبروك يا مرشو ومنة ألى أختفاء رفعت وأعتكافة فقد ورد من مصادرى هو ان رفعت يمر بأزمة عاطفية بعد تعرفة على فتاة برازيلية بعد ان قرر رفعت التقدم لها وضعت شروطا تعجيزية أولهم تعلم رفعت للغة البرازيلية ...وثانيهم ترك وطنة مصر وهو ما قوبل بالرفض من طرف رفعت دخلة فى أزمة حبية ولايهمك رفعت تتعوض رودى وأية حكاية قامت رودى وأية حكاية بأنشاء مركز لحصص التدبير المنزلى من تطريز وخياطة وطبخ لتعليم الفتيات من داخل خارج المنتدى مبروك يا بنات ومنة الى ****************** حيث واد حبيب وندوشة بعد ما حبيب زهق من الغربة ولم الدنانير قرر الأستقرار فى مصر وأفتتاح مطعم سماة (الحبيب بعد الغربة )فى الحى الشرقى فى طنطا مبروك حبيب وبعد ما ندوشة نزلت مصر قررت تستقر فى أفتتاح صيدلية لقيت سعر الدينار ******************ى عالى قالت اصبرى يا بت ليكى شوية لما تحوشى ليكى شوية دنانير وبعدها تنزلى تفتحى ليكى مركز طبى بالتوفيق ندوشة وألى هنا نصل ألى ختام الموجز الأخبارى لأخبار المنتدى كان معكم من داخل غرفة العمليات ساحر الأحزان |
وواو الاخبار دى بجد!! مبروووكـ للجميع ان خايفة اعمل حاجة الاقى الخبر منشور هنا^_^ بجد فرحتلكو الف مبروك بالتوفيق معلومات حلوة تسلم ساحر |
ﻳﻌﻄﻴﻚ أﻟﻒ ﻋﺎﻓﻴﺔ ﻋﻠﻰ اﻟﻄﺮح اية احناء الاعلام والصحافة لم تصل الى الصعيد ولا اية بلاش عنصرية اخوى المرة الجاية اهتم بى العشوائيت شوية بارك الله فيك اخبار حلوة كتير مع الاعلام المشهورساحر الأحزان بصراحة سبق صحفى خيطر |
لا بصراحه تحفه الكبير كبير بردك ياابوى دى مش نشره ده افترى ايه كل الاخبار ديه شايفين الصميم كبير ومدير طول عمرك ياغالى نورت الدنيا ياامجد باشا |
هههههههههههههههه الحب صامت هيتجوز واحده طولها نص متر ؟؟ دى على كدة مش بتبان من الارض واكيد شافها ميكروسوب :24: وردودى وايه ممكن تاخدونى معاكم فى المشروع بتاعكم وكمان هشارك فى جمعيه انجى اصلها عجبتنى اما منه بقى بقولها ربنا يعوض عليكى فى تمن التذكرة حبيبتى ....... حلوة النشره المفبركه دى يا امجد مفهاش ولا خبر صح يسـلموا يا كبير :04: |
ههههههههههههههههههههه وانا بقووووول الواد الحبيب راح فين ؟؟ اتاري بقى مش ياينله اثر رجع مصر وخلصت الجرشنات ومبقاش عارف يدفع حق النت وكل شويه يدخل على بروفايل ويقول ماعتديش نت والله والنعمه صعب عليا وكنت حسلفه نت نورت المحكمه هههههههههههههههههه اما عن ندوشه الكنوشه حضرتك وقعت في الكماشه ومش باينلها صيدليه ولا مركز طبي وبيني وبين الدينار يكسب ههههههههههههه استاذ رفعت تعيش وتاخد غيرها .. هو كده الحب بهدله انجي خديني في دراعك يبنتي انا كمان عايزة اختم عليهم هههههههههه رووووووووووووووووووووعه التوبيك ياريت تستمر فيييييييه ههههههههه |
انا ماليش ف الخياطه والتطريز ي امجد اخبارك غلط بقا اتاكد م الكلام الاول :p:p ممكن ااعمل دروس رسم وكلو بحسابه :04::04: |
والله انك دماغ هههههههههههه |
ههههههههههههههههههههههههه لا بجد دي اخبار جامدى هههههه بس تطلع مين حنون دي ؟؟؟ هوفي حد غيري بهيدى الاسم ولا ايه؟ |
ههههه ده بجد هههه اخبار جديده لانتظار الاخبار الجايه تسلم ي مديرنا |
| الساعة الآن 07:11 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب