منتديات بنات مصر - الحلقة الأولي من "موعد مع طبيبك النفسك" مع رودي

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

الحلقة الأولي من "موعد مع طبيبك النفسك" مع رودي

http://forums.banatmasr.net/imgcache...233alsh3er.png

معانا النهاردة عضوة من أنشط الأعضاء في المنتدي
بتحب التحدي و النشاط و تحب تنشط اللي حواليها
كمان طيبة كده و مبتحبش تزعل حد

الله يخليكي ويكرمك يالولو شهاده اعتز بيها والله

هي من المنصورة و بيقولوا عليهم حلوين بس أنا بقول ماليش دعوة بنات الشرقية أحلي :03:
ماعلينا من نفسنة البنات دي المهم:
معانا الأميرة رودي أو سارة

طبعااحلى من بنات المنصوره بيكفى انك منها
بنات المنصوره اصلا يععع وحشين خالص.

مرسي حبيبتي انتي أحلي أكيد

مرحبا بكِ مع طبيبك النفسي ......
عايزاكي ريلاكس خالص و اتفضلي عالشيزلونج

حاضر
شكلك مطيعة و هنرتاح سوا نياهاااا
مبدئيا تحبي أقولك رودي و لا سارة ؟

رودي كان اسم غالي عليا
وساره كمان
فالاتنين مش بيفرق بس رودى بحبها اكتر

الأسئلة الجاية إجاباتها هتحدد شخصيتك
مبدئيا كده ايه هو لونك المفضل ؟ "اذكري لون واحد فقط"

اللون الوردي
اللى بكتب بيه ده
هذا يدل على شخص يحب تقديم الأفضل ، صعوبة إرضاءه ، يحب الاهتمام بالآخرين

صفي الكلب ؟
اذا أحب فبيكون صديق وفي جدااا واذا غدر فى استطاعه ان ينهى حياة صديقه
وصفك للكلب يدل علي وصفك لنفسك
صفي الفأر ؟
من أصغر المخلوقات حجما ولكنه بيسبب ذعر لكل اللى يشوفه
مع انه جبان وبيخاف من مجرد خرفشه اى حد جنبه
يعني يناسبه مقولة الجبان المخيف
وصفك للفأر يدل علي وصفك لعدوك

اختاري أكثر شكل يعجبك من هؤلااء ؟

http://forums.banatmasr.net/imgcache...234alsh3er.png

رقم 3 شدنى اوي

نشيط ديناميكي مظهري
عندك استعداد لخوض مخاطر عديده للحصول على مركز أو عمل جديد
وبالعكس, الروتين يسبب لك نتائج عكسيه تماماً
ماتسعى اليه حقاًهو أن يكون لك دور فعال في أي شيئ

و الان هذه الاسئلة مطلقة لا تدل اجابتها علي شئ محدد و لكنني أحاول أن أجبرك علي إظهار ما بداخلك
عندما جلستي مع طبيبك النفسي "اللي هو أنا " ايه أول حاجة جه في بالك تحكيها ؟

عن مشكله خاصه سببتلي قلق وتوتر نفسي
وسعيت كتير لحلها ولكن القدر بيعاندنى شويه

بصراحة هل فكرتي مرة تذهبي الي طبيب نفسي أم أنك تكتفين بالكلام مع شخص ترتاحين له فقط ؟

لا فكرت فعلا لما مريت بأزمتين متتاليتين فى وقت قريب
وكان بعدهم مباشرهً وفاة أمى الله يرحمها وحسيت ان الدنيا جات عليا مره واحده
بس مرحتش

ما رأيك في الفكرة الشائعة عند بعض الناس أن من يذهبوا الي طبيب نفسي هم مجانين و يجب أن يخافوا من نظرات الناس اليهم ؟

لا مش مجانين طبعا
الناس كلها مش متزنه نفسيا
واللى يحس بنفسه مضطرب مش يتكسف من نفسه ولا يخجل من حالته
أصل المرض ايا كان نوعه مش بايدينا ولا لينا اختيار فيه
والمرض نفسه مرض زيه زي اى مرض بيتعالج

ما رأيك في مقولة أن جميعنا مرضي نفسييين و لكن بدرجات مختلفة ؟

صحيحه موافقه عليها

ما رأيك في مقولة " حتي تصل الفكرة يجب أن تؤمن بها ؟

هى المقوله صحيحه ومنطقيه
بس مش كل الناس كاشيه بيها\
في واحد ربنا بيديه القدره انه يقنع واحد بحاجه ويخليه يوصل لآعلى درجات القناعه بيها
وهو اصلا مش مؤمن بيها بس بيبقى لها اسباب استثنائيه

و في النهاية أرجو أن تكون الحلقة حازت علي إعجابك
و أقولك تحبي نذييع ؟؟؟
عجبتنى جدا والاسئله بسيطه وخفيفه
وماشي ذيعي
كنت سعيده معاكى والله ياسندس كل سنه وانتى طيبه

أنا أسعد حبيبتي
و في الاخر أحب أشكركم لمتابعتكم و قولوا لي ايه رايكم في التحليلات الشخصية لرودي

جميلةة اوي فكرة البرنامج والاسئله خفيفه وظريفةة
تسلمي سندس وافتتاحك البرنامج برودي عسل خالص
تسلموا بئا ي بنانيت

نجى للدكتوره سندسه طبعا
بالنسبه لراى الشخصى
شخصيه ساره من الشخصيات الجميله عفويه جدا
احيانا بتكون واضحه واحيانا يغلب عليه الغموض
طيبه وممكن تكون صديقه مخلصه جدا
اينعم هاديه جدا بس زعلها وحش اوى
ممكن يكون سكوتها اصعب من عصبيتها
احتوئها للامر بيكون بقدر المتوسط
كمان صندوق الذكريات احيانا بياثر عليه وع تركيزها
التركيز متروك الى الراحه النفسيه
العصف الذهنى بيساعده احيانا بيطلع حلول تكاد تكون منطقيه
ع مااعتقد انها قابله للتغير ف العلاقات الاسريه يعنى عندها الاستعداد انها تتغير لو حاجه وحشه فيها
مش بتيجى بالضغط ولكن عنده القدره ف اسلوب الاقناع احيانا
الهروب احيانا يمثل ف غموضها
ودى بعض النقط الىل انا لاحظتها من اسئله سندس
ارجو ان تتقبلوه كراى شخصى فقط
مجهود حلو منك يا سندسه بالتوفيق وف انتظار الضيف الجاى

أبنتي سندس

اختيارك للصورة وتحليلك لاختيار سارة لها أبهرني

وهذا ينم علىَ أن برنامجك وأسئلتك للضيف مبنية علىَ أساس

علمي وليس مُجرد أي كلام وخلاص

أما أختي سارة فهي تعلم مكانتها عندي وعند جميع الأعضاء

عن نفسي أتفق معها أم أختلف لا يهم

لأنه في الأخير يجمعنا الحُب الأخوي والاحترام المُتبادل

بالتوفيق إن شاء الله وفي إنتظار الحلقات القادمة

تحياتي وودي وورودي

أبو عصام

جميله الحلقة يا سندس
واختارتى بدايتها صح
بأختيارك لـ الاميرة رودى
حبيبة الكل
وتحليلك لشخصيتها تحليل جميل ومنطقى
حلقة جميله والاسئلة خفيفه وبسيطه
مش معقده .. تسلمى حبيبتى
ومنتظرين ضيفك القادم
بالتوفيق لبرنامجك

اقتباس:

المشاركة الأصلية كتبت بواسطة ♥حيآة آلروح♥ (Post 4809986)

حبيبتي الاجمل هو مرورك
نورتي البرنامج بقي :07:

اقتباس:

المشاركة الأصلية كتبت بواسطة ƧĀƉ_ĿŌ∀Ē (Post 4810000)

زيدي يا زيدي عالتحليل مبدع من يوومك
ليك مستقبل ا محموود
ابقي تعالي بقي كل يوم نستفيد منك شوية
متقطعش الجوابات :18:
نورتني يا محمود و استفدت بجد من تعليقك
و ربنا يوفقك في شغلك

اقتباس:

المشاركة الأصلية كتبت بواسطة طبيب الهوى (Post 4810030)

أ. أبو عصام أسعدني مرورك حقاا
و مبسوطة ان الموضوع حصل علي اعجاب حضرتك
و دي شهادة اعتز بيها فعلا
و ياارب دايما منور المنتدي

[info]

[QUOTE=سندس;4810049]زيدي يا زيدي عالتحليل مبدع من يوومك
ليك مستقبل ا محموود
ابقي تعالي بقي كل يوم نستفيد منك شوية
متقطعش الجوابات :18:
نورتني يا محمود و استفدت بجد من تعليقك
و ربنا يوفقك في شغلك

مقبوله منك ياسندسه
عجبتنى استاذ محمود ههههه حسستنى انى مع خدمه عملاء
وما تقطعش الجوابات حسستنى مع رجل البريد
لا ماتخافيش ف كل حلقه ع قلبك
هاتى بقى تمن الاستشاره

حلو الحلقة سندس

مع رودى

تحليل جميل

استمرى سندس بقى