منتديات بنات مصر - الراي والراي الاخر (شرفونا)

منتديات بنات مصر (https://forums.banatmasr.net/)

- منتدى يوميات الاعضاء (https://forums.banatmasr.net/f61/)

- - الراي والراي الاخر (شرفونا) (https://forums.banatmasr.net/msryat518777/)

الراي والراي الاخر (شرفونا)

http://banatmisr.com/up3/uploads/143830891891.png

اهلا بيكم في برنامجكم الجديد الراي والراي الاخر

فكرة البرنامج باختصار ان حنشوف عضوين هاديين مش مكشوفين في المنتدى حنحاول نسالهم نفس الاساله وكل واحد منهم حيرد لوحده من غير مايعرف اجابات الطرف التاني من الحوار

ومطلوب منكم بعد متقروا رد كل طرف في الحوار على حدى... انكم تعملوا لايك لطرف واحد بس

يا أذار يا شاعر الحب الحزين

واللي عنده عدد لايكز اكتر حيدخل في حوار تاني باساله مختلفه مع طرف تاني .. بس المرة دي هو اللي حيختار الضيف اللي عايز يبقى قدامه في الحوار

اللايك اللي حضراتكم حتضيفوها لحد من الطرفين حتبقى على اساس ان رايه كان اكتر صراحه ووضوح وبعيد عن الدبلوماسيات

ان رايه قريب من رايك

ان شخصيته وكراكتيره في الاجابات عجبك اكتر

وده مساله نسبيه بتختلف من شخص للتاني

اتمنى التفاعل من الجميع وياريت نفتكر ان بس لايك واحده حتى لو عجبكم الردين

بس اكيد في حد اكتر من التاني :) وحابين تشوفوه مع ضيف جديد في المرحله التانيه

اما اذا خلاص لازم لايكين للعضوين .. نوضح في رد حتختاروا مين

http://banatmisr.com/up3/uploads/1438041837253.gif

http://banatmisr.com/up3/uploads/143830891891.png

أذار

في بدايه الحوار...

اهلا بيكي اذار معانا ياريت تكون اجوبتك بكل صراحه وخاليه من الدبلوماسيه واختيار الطرف التاني اللي معاكي كان بناء على اقتراح سفيرا بان احنا حنلاقي اختلاف في وجهه نظركم وحتبقى حلقه حلوة مختلفه معاكم ان شاء الله .. ايه رايك ؟

قبل ما ابدا اجاوب ،
على فكره اخترتوا الشخص الغلط تماما ،
اني ممكن اجادل معاه في الراي ،
و ما اظن حد يتجادل معاه في الراي ، لانه شخص مسالم كتير
و رايه يحترم اكيد ،

نبدا الاساله على مستوى المنتدى واساله خاصه بالطرف التانيي من الحوار :113:

ايه رايك في رمزيه شاعر الحب الحزين

رايي في الرمزيه ،
انا هجاوب كتصميم طبعا ،
ب اشوف انها مش لايقه للاستاذ خالد ،
و رمزيه تصميمها عادي جدا ،
ب اتمنى ماحدش يزعل مني على دا

ايه رايك في تفاعل العضو ومدى قوة ردوده وارائه في المنتدى ؟

- تفاعله كثير واضح للكل ، ما شاء الله عليه
مش يعدي يوم الا وهو مبدع لنا في صندوق الحصريات ،
بالنسبه لردود ، بصراحه و من غير مجامله ،
دايما ردوده بتكون راقيه جدا و مش ممله و لا مكرره
ب استمتع دايما لما ب اقرا رد له ،
و ارائه في المنتدى ، مش عارفه و الله مش اخذت بالي
من الحاجه دي فعلا ، يمكن لان مالوش اراء كتيره
شخص دايما مسالم ههههه

في رايك العضو ... يستحق يكون مشرف في المنتدى

مش اقدر اقيم مستواه بالاشراف ، لان فعلا مش متابعه
للقسم بتاعه و نشاطه فيه ،
ف ان شاء الله بيكون يستحق مشرف و بجداره ،

اكتر عيب فيه ايه

مش ب اعرفه شخصيا ، لذلك مش ب اعرف عنه
اي عيب ،
بس فيه حاجه صغننه من ناحية قصائده ،
انه اغلبيتها بتميل للحزن كتير ،
ف مش عارفه امتى هيبطل يبكينا ، مفتري في قصائده

لو حتنصحه ايه النصيحه اللي تحب تقدمهاله تفيده في تحسين شخصيته من وجهه نظرك

مابشوف في شخصيته حاجه سيئه تحتاج للنصيحه
علشان تتعدل ،

ايه رايك في اخر كتابات شاعر الحب الحزين

دايما مبدع بجد ،
و مش ب اقدر اقيم مستوى كتاباته ،
لان هيكون عيب لو قيمتها ،
كتاباته اكبر بكتير من اني اقيمها انا ،

ايه موقفك من الناس الـ بتعمل نسخ لكتابات حصرية وتنزلها بأسمها ؟؟

هم بالاول لما بيبقوا ناس هبقى اجاوب بقى

الجزء التاني على مستوى الحياه والمجتمع

ايه رايك في المقوله اللي بتقول .. انا حرة اعمل اللي عايزاه بس اللي يقدر يحاكمني ربنا واهلي وبس ودي علاقني بربنا ماحدش له فيها... محدش يجبرني على لبس او تصرف معين ( زي قوانين بعض البلاد العربيه )

* هتكلم مباشره مع النوعيه دي معلش اصل
الكلام دا ب اسمعه كتير من ناس متخلفه و بيستفزني *

اعملي اللي عايزاه و يحكمك الي يحكمك
لما تكوني عايشه في مجتمع غير مجتمعنا ،
في بلاد غير بلادنا ، هنا انتي حره في كل حاجه ،
ان شاء الله تخرجني عريانه ، هنا هي حره فعلا
بينها و بين ربنا بقى ،
لكن اما تيجي في بلاد بتحكمها عادات و تقاليد
و الاهم من هذا الدين ،
و تقولي ما احد يحاكمني و هذي علاقتي بربي
هنا يكون الحق على البلاد الي ما رمتها برى
للمكان الي بيناسب حريتها و ملابسها و تصرفاتها ،

و بس كدا ،

ايه رايك في ان خريجي الدفعه الجديده السنه دي من الشرطه اغلبهم بنات في مصر

امم ، مش عارفه اكيد عن الامر دا ، و يبقى الي عايش
هناك يجاوب بقى ،

هل انت مع ولا ضد السلام مع اسرائيل

هي اسرائيل اصلا بتعرف يعني ايه معنى " السلام"
او عرفته بعد ما اخفت بلاد اسمها فلسطين بالدمار
و الدم و القتل ،،الخ ؟
لو بقى عرفت يعني ايه السلام ، هبقى برضوه ضد
السلام معاها ، ربنا ياخذهم

لو جتلك فرصه عمل في اسرائيل بمبلغ كويس جدا وحيدوكي على حسها الجنسيه الامريكيه بكل صراحه تروحي؟

الجنسيه الامريكيه ؟ ايه الفخر دا !
معلش بقى في الكلمه دي و طز في الجنسيه
الامريكيه برضوه ، /:
دا لو بلدي بذاتها ربنا يعزها عن اسرائيل
قالت تاخذي الجنسيه الامريكيه ، هرفض اكيد
و يعني ايه جنسيه امريكيه !
لو كانت بريطانيه كان ممكن اوافق " ب امزح "
بس دا تعليقي على جزئيه الجنسيه الامريكيه ،
بالنسبه للسؤال ، نو كومنت ،

مع ولا ضد ان الاعلام وسيله لتعريه قاع المجتمع ولابد من عرض الحلو والوحش مش بس الحلو وان ده لا يسوء من صورة البلد في حاجه ....

لو ظل الاعلام قاعد في القاع ، هتبقي الدنيا وحشه ،
في حاجات حلوه كتير ، مش كل حاجه تبقى من القاع
و كمان مش كل حاجه تبقى حلوه ،
علشان ما احد يتصدم بالواقع المرير بعد كدا برضوه ،

مع ولا ضد ان تكون العصمه في ايد الست بعد اللي منشوفه من كتر قضايا الخلع اللي ظهرت في الفترة الاخيرة

و من اعلام الى علاقات اسريه هههه ،
العصمه في ايد الست ،
و الله يا بنتي ، ما عندنا الحاجه دي ،
بس ازاي تكون هي العصمه ب ايدها ،
هتكثر حالات الطلاق هههههههههه
عموما انا ضد اكيد و بقوه كمان ،

ايه رايك في انجراف اغلب الشباب للسفر بره للعمل وعلى امل انه يلاقي شغل في الدول الاجنبيه .. وموافقته انه يشتغل شغل اقل بكتير من مستوى شهادته العلميه

شوفي يا عزيزتي ، انا هتكلم بواقعيه ،
كل واحد بيدور على مصلحته ، مش مهم المكان و لا البلد
ان الشاب بعد ما يخلص دراسه ، و مش لقى في بلده
الوظيفه المناسبه له ، و اخذ قرار يسافر برى
علشان يشتغل و يكون نفسه ، دا مش غلط
الغلط ان الشخص ينام في البيت و ينتظر الشغل
يجي له لحد البيت ، و دا مش هيحصل
اكيد من غير ، الا لو كانت عنده حاجه اسمها " واسطه"
هنا طريق تاني بقى من الكلام ،
و كمان لو اضطر انه يقعد في بلده ، بالمقابل وظيفه
زي ما قلتي اقل بكثير من مستوى شهادته ،
ودي مشكله بتحصل في كتير من البلاد العربيه
للشباب ، فعلا ،
ف دا هيكون مجبور انه يقعد مش بختياره ،
ممكن يكون بسبب ظروفه الاجتماعيه ،
و ممكن يكون غلاء الاسعار ،
و مصاريف الجواز و تذاكر السفر و ما الى اخره ،

وبكده كانت الاساله اللي وجهناها لاذار ودي كانت ردودها :103:

نيجي نشوف رد شاعر الحب :) على نفس الاساله :113:

http://banatmisr.com/up3/uploads/1438041837253.gif

http://banatmisr.com/up3/uploads/143830891891.png

شاعر الحب الحزين

في بدايه الحوار...

اهلا بيك شاعر الحب الحزين معانا ياريت تكون اجوبتك بكل صراحه وخاليه من الدبلوماسيه واختيار الطرف التاني اللي معاك كان بناء على اقتراح سفيرا بان احنا حنلاقي اختلاف في وجهه نظركم وحتبقى حلقه حلوة مختلفه معاكم ان شاء الله .. ايه رايك ؟

انا ما بحب اجامل حدا ابدا بس بصراحة نسبة التعارض ممكن تكون 5 % ههههاي

الا لو اذار كان الها رأي تاني بس ممكن يكون فيه تعارض لأني ما اتعاملت مع اذار كتير

بس في بيننا احترام وتقدير واذار من الناس اللي بحترمهم وبعزهم

يعني اختيار ما بقدر احكم عليه لحد ما اشوف اجابات اذار ان شاء الله موفقين

نبدا الاساله على مستوى المنتدى واساله خاصه بالطرف التانيي من الحوار :113:

ايه رايك في رمزيه اذار

لا مش لايقالها جمجمة لابسة نضارة

المفروض تحط صورة هادية وبريئة زي شخصيتها

ايه رايك في تفاعل العضو ومدى قوة ردوده وارائه في المنتدى ؟

لا هي وجودها نادر جدا ف المنتدى وكل وين ووين لما بنشوفها

بس ردودها من جد مافي منها

في رايك العضو ... يستحق يكون مشرف في المنتدى

نعم تستحق لكن في اقسام تانية غير السجل

زي الصحة والطب البديل والقسم العام

اكتر عيب فيه ايه

اذار من الناس اللي مش ظاهرين كتير ع الشاشة يعني

اعتقد انها لحد الآن مش متأقلمة مع اجواء المنتدى

هي يمكن متواجدة كل يوم بس مع نفسها مش بتظهر كتير ف الاقسام

انا ما شفتش منها اي شي مو منيح بس اذار من الناس اللي بدأت بقوة

في بداية مشاركاتها ف المنتدى وبعد هيك صار مستواها يقل درجة بدرجة

لو حتنصحه ايه النصيحه اللي تحب تقدمهاله تفيده في تحسين شخصيته من وجهه نظرك

تغير رمزيتها وصورة البنت الحولة اللي في الملف الشخصي وتتواجد وتشارك برأيها فمواضيع ونقاشات وتثبت وجودها بشكل افضل ده على مستوى المنتدى
بره المنتدى ما تجلسي لوحدك كتير واكيد النصيحة من الناس اللي بتتعاملي معهم
شخصيا رح تكون افضل من نصيحتي

ايه رايك في اخر كتابات اذار في المنتدى ؟

قرأتلها موضوع عن الصداع عجبني جدا وفيه نصايح حلوة

بصراحة مش متابعها جدا لأن مواضيعها مش بتبقى ف الصندوق

ويمكن ده اللي مقلل نسبة متابعة مواضيعها ومعرفتها بشكل اكبر

ايه موقفك من الناس الـ بتعمل نسخ لكتابات حصرية وتنزلها بأسمها ؟؟

ناس حرامية كلام بس مني وعليا الحمدلله عمري ما اعملها ابدا

بس لو حد نسخ كتابات ليا باسمه يبقى الكلام عجبه ما بزعلش ابدا

عشان كده بخلي اكتر كتاباتي تكون بهدف ونصايح وحكم عشان نكسب ثواب

هي حاجة تزعل صح وما اخبيش عليكي انا كنت زمان ف منتدى تاني ف

حد هنا سرق موضوع ليا ونسخه بإسمه كمان واتفاجأت انه شخصية كبيرة ف المنتدى

وبيني وبينه معرفة كبيرة ومرضتش اراجعه ف الموضوع بس مش هقول اسمه وعادي

بس بختصر الكلام وبقول الإحساس نعمة

الجزء التاني على مستوى الحياه والمجتمع

ايه رايك في المقوله اللي بتقول عن لسان البنات .. انا حره اعمل اللي عايزاه بس اللي يقدر يحاكمني ربنا واهلي وبس ودي علاقني بربنا ماحدش له فيها... محدش يجبرني على لبس او تصرف معين ( زي قوانين بعض البلاد العربيه )

ودي مين ربها ؟ مش ربنا برده ربنا وربها

كلمة انا حرة من البنت يعني مصايب وخراب بيوت وفتن ومعاصي

ابوها شنبه متروض واخوها عم فافي هتبقى بنتهم شيخة يعني

هي حرة ف بيتها لو حرة بره بيتها كل الشباب هيقول انا حر وتستلقى بقى

ايه رايك في ان خريجي الدفعه الجديده السنه دي من الشرطه اغلبهم بنات في مصر

ههههاي قلة رجالة تقولي ايه بقى

يرحم زمنك يا رجولة

هل انت مع ولا ضد السلام مع اسرائيل

انا مع السلام مع كل البلاد اللي في العالم الا اسرائيل وامريكا

واعوانهم يبقى انا ضد السلام مع بلاد كتير من اعوانهم وجواسيسهم

لو جتلك فرصه عمل غي اسرائيل بمبلغ كويس جدا وحيدوك على حسها الجنسيه الامريكيه بكل صراحه تروح؟

بتعرفي عمري ما همني المال ابدا والله العظيم مش هقبل لو بكنوز الدنيا

والجنسية الامريكية تتحرق انا ما بتخلى عن اصلي ابدا والله لو بدي اموت من الجوع

لأن الدنيا مبادئ واصلا بمجرد دخولك اسرائيل رح تتخلى عن مبادئ كتير فبلاش منها

هما بيجوا على بلادنا العربية استخبارات وموساد واحنا لسه بنفكر بشغل ف بلادهم ؟

مع ولا ضد ان الاعلام وسيله لتعريه قاع المجتمع ولابد من عرض الحلو والوحش مش بس الحلو وان ده لا يسوء من صورة البلد في حاجه ....

اه طبعا اكيد عشان نشكر ع الايجابيات ونفرح بيها وننتقد السلبيات ونصلحها

بس بحدود معينة ومن غير شوشرة ومن غير ما نفضح نفسنا بنفسنا

مع ولا ضد ان تكون العصمه في ايد الست بعد اللي بنشوفه من كتر قضايا الخلع اللي ظهرت في الفترة الاخيرة

مفيش حاجة اسمها العصمة ف ايد الست لأن ده هيقويها على زوجها ويضعف شخصيته

وهتعمل اللي عايزاه ومش هيقدر يتكلم كلمة الست غلط تكون ليها العصمة اكبر غلط

ايه رايك في انجراف اغلب الشباب للسفر بره للعمل وعلى امل انه يلاقي شغل في الدول الاجنبيه .. وموافقته انه يشتغل شغل اقل بكتير من مستوى شهادته العلميه

هو مش غلط طول ما هو بيسعى لرزقته بس عيب والله عيب هما ييجوا هنا ع بلدنا

سياح ومعهمش شهادات واحنا نروح نشتغل عندهم ومعانا شهادات

http://banatmisr.com/up3/uploads/1438041837253.gif

في انتظار ارائكم :)

فكرة البرنامج تحفه والاسئله جريئه
واجاباتهم تحفه
تسلموا

الاجابات متقاربه جدا . .
اجابتهم حلوة
اذار جاوبتى بالشكل اللى شايفاه صح
وكمان خالد
بس انا شايفه ان خالد كان عفوى اكتر
وكام شؤال اجاباته كانت ممتازة
احسنتم بجد

تسلمى نوشه عَ الحوار السااخن دا
بالتوفيق

فكره البرنامج لذيذه كالعاده يادوك
بس اكيد ارجو قبل مااكتب راى ماحدش يزعل منى
لانى مااتعودت ادخل اجامل ف حد اتعودت اقول راى بصراحه
بالنسبه لخالد لو ع شخصيه خالد فهو مهذب محترم
ولكن انا اسف مجامل احيانا
يعنى دبلومسى وده اللى شوفته ف الحوار
مش بحب يزعل حد انا عن نفسى بحترمه جدا
لانى من الناس المحترمين اوى اللى بيجبروكى باحترامهم
انك تسكتى اوع تزعل ياخالد بقى احنا اخوات
ام عن الانسه اذار والله انا مااعرفهش بصراحه
ولا حصل اى تواصل قبل كده ف حاجه
ف اكيد حعلق ع الاجابات وليس ع الشخصيه نفسها
لانى مااقدر احكم ع احد لم يسبقنى التعامل معاه
هى جريئه ف ردوده مع التحفظ طبعا ع بعض الاراء اللى
شوفته ليه قبل كده ف موضوعات
ولكن ف النهايه فهى تستحق التقدير والاحترام
سواء هى او اخى الغالى خالد لكم منى كل الاحترام والتقدير
واتمنى ان لايغضب منى احد ولكن د هنا بقى هى اللى طلبت اقول اللى شوفته
ودى لكم

انا هحجز رد وهرجع تاني ^_^

اقتباس:

المشاركة الأصلية كتبت بواسطة ƧĀƉ_ĿŌ∀Ē (Post 4813281)

اكيد كل الاحترام لراي اي حد

طيب بما ان ولا لاذار ولا لشاعر الحب حطيت لايك

حاسس مين يطلع معانا للمرحله التانيه وممكن من الحوار التاني تبقى اجابته اوضح ؟؟

اقتباس:

المشاركة الأصلية كتبت بواسطة Śลяą..ღ (Post 4813280)

نورتي يسوسو برايك وبتفاعلك معانا

اقتباس:

المشاركة الأصلية كتبت بواسطة ♥حيآة آلروح♥ (Post 4813279)

فكرة البرنامج تحفه والاسئله جريئه
واجاباتهم تحفه
تسلموا

تسلمي لرايك يحبيبتي :07: وان شاء الله اللي اختارتي يكون معانا في المرحله التانيه ياخد اكتر عدد من اللايكات وتشوفيه معانا في حوار تاني مع ضيف تاني وعلى الله يختارك قصاده :)