|
اللى مايشوفش م الغربال يبقى اعمى السلام عليكم ورحمة الله وبركاته اعضاء و مشرفين و ادارة المنتدى الغالى بنات مصر http://banatmisr.com/up3/uploads/1438746091521.jpg زى ما قولت فى موضوع ليا قبل كدة ان أى فريق معرض للخسارة بنتيجه كبيرة او صغيره أى فريق معرض لخسارة بطولة بهدف أو بسبعه والزمالك خسر الموسم اللى خلص ده 3 ماتشات اول خسارة من انبى وكانت فضيحه تحكيميه والجميع اتكلم عليها وتانى خسارة من المقاصة و ايضا فضيحه تحكيميه وكان لينا ضربة جزاء فى نص الماتش و ضربة جزاء فى اخر الماتش والحكم بعد ما احتسب ضربة الجزاء الحكم المساعد لغاها تالت خسارة من الاهلى والماتش ده اللى الزمالك استحق فيه الخسارة بجدارة بعد غياب تام لـ لاعبى الزمالك ونجاح وتفوق تكتيكى و تنظيمى من الاهلى و فتحى مبروك بس عاوز اكلمكم عن الزمالك حاليا اللى هو بطل الدورى الزمالك من بداية الموسم الماضى فيه احسن لاعيبة فى مصر والجميع عارف كدة ومحدش ينكر الكلام ده اللاعيبه دى جمهور الوصيف قلل منها فى بداية الموسم ورفعوا شعار سلملنا على الصفقات وكانت النتيجه و الرد على الوصيف و جمهوره اننا سيطرنا على الدورى المصرى 2014/15 ومشوفناش أى منافس لينا ف البطولة لاننا اتصدرنا البطولة من اليوم الاول للاخير والحمدلله متصدرين افريقيا برصيد 9 نقاط من 3 ماتشات ده الزمالك اللى توج بطل الدورى العام 2014/15 وبعد ما الزمالك توج بطل للدورى سمعنا من الوصيف و جمهوره ان الزمالك اخد الدورى الموسم ده و هينام عليه و الاهلى هيسيطر على البطولات اللى جايه كلها طب انت بتتكلم بجد يا اهلاوى ؟ انت مصدق يعنى ؟ تمام قول اللى انت عايزه وانت ممكن تنكر ان الزمالك بطل الدورى بس كلامك ده مش هيغير من الحقيقه شىء انت ممكن ترد عليا و تقولى لا مش الاهلى اللى يحصل معاه كده والاهلى يعنى نظام وتقولى برضه دى استراحة محارب لو الكلام ده هيريحك قوله ممكن كمان تقول ان صفقات الزمالك ضعيفه و مضروبة وخلاص فريق الزمالك بقى ضعيف بس انا ردى عليك هيكون ان اجدادنا قالو قبل كدة اللى مايشوفش م الغربال يبقى اعمى ان يمتلك الزمالك لاعيبه تحصل على الدورى المصرى من اول موسم يلعبوه مع النادى الملكى ده معناه ان الزمالك مش محتاح صفقات كتير كان محتاج حاجات بسيطه بس بعد ما عرفنا صفقات الزمالك الجديده الرؤية بقت واضحه الزمالك الان قبل بداية الموسم الجديد ينصب السيرك للمنافسين وشعارنا الموسم اللى جاى لا للشفقه على الجميع دون استثناء احد ان يمتلك الزمالك باسم مرسى و مكى ومن خلفهم خط الرعب الدوللى ايمن حفنى . حمودى . كهربا . محمد ابراهيم . مصطفى فتحى يا إلهى .. ماذا أنت فاعل بالمنافسين ! واللى مايشوفش م الغربال يبقى اعمى على الجميع فقط الانتظار و مشاهدة زمالكنا 2016 مع امتناع اصحاب القلوب الضعيفه وعلى الوصيف و جمهورة الاجتهاد و اثبات النفس وسيبو الايام تثبت من هيكون البطل زى ما ثبتت دلوقتى محمود الصاروخ |
بص يمكن جمهور الاهلى الوحيد ومش كلهم طبعا الاعمرهم هيتقبلو حقيقه ان الزمالك ابتدى يتحسن وقبل مناخد الدورى دا كلهم كانو بيقولوا اتعلقو بحلم وقبلونا لو خدتو الدورى ودى الزمالك أخد الدورى وتلاقى بقى النفسنه يالله مره من نفسكم والكلام دا بس هو بعد الفوز هقول حاجه للمنفسنين من الاهلاويه عزيزى اللملوم _ أعرف مكانك _ الاسطوره البيضاء قدامك ^_^ وان شاء الله نشوف احسن من كدا السنه دى توبيك جميل ياحوده تسلم :) |
اه والله احنا مش عندنا صانعى العاب دولا مصانع العاب يابا والله لو قدر فيريرا يوفق المجموعه دى و يطلع بيهم زى ما احنا متوقعين هتلاقى اهداف و طريقة لعب عالميه ان شاء الله انا مبسوط ان جمهور الاهلى لسه مقتنع ان الزمالك ما يستحقش الدورى عشان ياخد على ودانه تانى :d |
يا عيني يا عيني ع الزمالك الزعيم ايوة يا ابيض العب وحجم وروض صفقات تخوف وان شاء الله الدوري الجاي زملكاوي ربنا يوفقهم ويعوضوا الاخفاقات السابقة ف السنوات الماضية ويحصدوا كل البطولات ويسعدوا جماهيرهم الوفية ف تشجيعها ليهم تسلم يا حودة ع المجهود الجميل واندفاعك وحماسك منور الدنيا صاروخ باشا ربي يوفقك ويسعدك |
مش عارف اعمل اقتباس للردود هرد عليكو هنا :) اميرة الشعر الشجين جمهور الوصيف كان طموحه الموسم ده انه يكسب الزمالك فقط لانه منافسش ع المرك الاول زى ماقولت .. الماتش الوحيد اللى نجحو فيه هو ماتش الزمالك وقدرو يكسبو بس فى النهاية جدول الترتيب والاحصائيات بتقول مين زعيم البطولة بعد تدعيم الزمالك بصفقات سوبر أقدر اقولك ان هنحافظ ع الدورى الموسم اللى جاى ان شاء الله نورتينى ^^ العقل الباطن احنا كنا بنعانى من المشكلة دى لما كان حفنى يغيب او مصطفى يغيب بس الحمدلله تم تدعيم المناطق المؤثرة ب صفقات سوبر ومعانا مدرب قوى ويقدر يوظف اللاعيبه صح وعاوز اقولك ان جمهور الوصيف عمره ما هيقول كلمه حلوة عليك وهيتمنو المشاكل دايما وهو ده اسلوبهم من بداية الموسم الزمالك بطل الدورى يعنى زعيم مصر 2015 استيقظ العملاق الزملكاوى وتم السيطرة ع الدورى منور ياريس ^^ شاعر الحب الحزين الزمالك من غير الصفقات دى قادر انه يحافظ ع الدورى بس انا بقول بعد التدعيم ده ماتشات الزمالك هتكون للكبار فقط .. وضيف للناس دى شريف و عبدالخالق وسالم اللى جاى احلى ان شاء الله منور ياريس ^^ |
ههههههههههههههه بصراحه بصرف النظر انى اهلاوى ف انا امتنع عن الرد لانى لو رديت حرد رد ولكن اذا كان اللى مايشوف من الغربال يبقى اعمى ده مثل ههههه ما يتقال ع الاسطوره ياكبير هاتلك يارراجل ده انا كرهت افتح الفيس من صفحه الفانز بتاعت الزمالك والرغى هههههه بضحكنى اوى كلمه التحكيم ديه وبلاش تجيب سيره المقاصه ديه بالذات ههههه ع مااظن كان ف تصريحات كتير بسبب الماتش ده فخلى الطابق مستور وخلى لسانى جوا بقى ههههه علشان انا سايبك تفرح ياحرام عشر سنين ماهو برده كتير وزى ما بيقلوا لما المولود يكتير يكتير ايه يارب يخرب بيت لسانى يولدى خلينى ساكت احسن اسكت يالسانى هههههه واى واحد زمالكوى تجرا واتكلم ينتظر منى موضوع بقى ههههههه زى الفل حيبقى نهارو ايود واقولهم انته ياحوده اذن فهى الحرب ايوه وبالذات اللى ف بالى ايوه انتى اول واحده ف الحرب تقعدوا بقى ........... وعذرا ربنا يعلم مسكت لسانى ع الاخر بس اوعدكم ف المضوع لسانى مش حيبطل كلام |
اقتباس:
هبدأ معاك اولا ب ماتش المقاصة // هو أولا المقاصة تستاهل الماتش عملت ماتش عمرها .. ثانيا انا ليا ضربة جزاء فى اخر الماتش لو فاكر بعيد عن أى تصريحات على ما اظن ان خط الـ 18 جزء من منطقة الجزاء وبعد ما الحكم حسب ضربة الجزاء .. المساعد لغاها .. مع العلم الحكم المساعد اللى لغى ضربة الجزاء للزمالك فى الدقيقه 83 فى الماتش ده هو هو نفس الحكم اللى احتسب هدف عماد متعب الأوفسايد فى ماتش الداخلية ؟ مبقولش اننا المفروض نكسب ماتش المقاصة لا احنا كان لينا ضربة جزاء وقادرة انها تعدل النتيجة وكنا سامعين ناس قبل الماتش ده بيوم بيطالبو ب الغاء الدورى تضامنا مع شهداء الجيش وبعد خسارة الزمالك من المقاصة قالو الدورى لسه الملعب والله يرحم اللى مات .. وهى دى مبادئهم ثانيا انا مقتنع بكلامى فعلا ان اللى مايشوفش م الغربال يبقى اعمى انا معايا باسم مرسى تانى هداف الدورى بعد حسام باولو ومعايا محمد ابراهيم عاد من جديد ومعايا حمودى ولو متعرفش مين حمودى افتح ماتشاته امام ريال مدريد و الليفر بول وهتعرف هو مين :04: اللاعيبه اللى انا بتكلم عليها دى زى ما قولتلك انتم رفعتوا شعار فى بداية الموسم سلملنا ع الصفقات وكانت النتيجة الدورى بقى زملكاوى وانت ياللى معاك نجوم مصر زى ما بتقولو عملتو اية ؟ كسبتو الزمالك ؟ كان اقصى طموحكم فى الموسم ده انكو تكسبو الزمالك ولكن فى النهاية جدول الترتيب بيقول من زعيم البطولة اما بخصوص الـ 10 سنين بتوع حضرتك عاوز اعرفك ان تشيلسى فضل مياخدش الدورى 50 عام ، فريق ميلان الايطالى فضل مياخدش الدورى 44 عام ، مانشيستر فضل مياخدش الدورى 26 عام خلاصة كلامى افرح بتاريخك زى مانت عاوز ولكن لابد ان تقبل الحقيقه الحقيقه بتقول ان الزمالك هو بطل مصر 2015 يعنى زعيم مصر 2015 وزى ما قولتلك باسم مرسى و مكى و محمد سالم ووراهم فتحى و حفنى و كهربا و محمد ابراهيم و حمودى ولو مش عارف حجم الاسامى نفسها تبقى متعرفش كورة :04: اتكلم ياحبيبى واعمل مواضيع زى مانت عاوز انا بعمل مواضيع من زمان على فكرة مش اول موضوع يعنى :d تحياتى ليك محمود |
يابنى هو انكرت انى الزمالك بطل الدورى بس الافوره الزياده عن الازوم بتموع وبعد كده الزمالك بطل الدورى قبلت او لم اقبل بس كتر الكلام يولدى اوفر اوى ام عن الاسماء اللى انته ذكرتها انا ما جبت سيرتهم بشى سواء حفنى او باسم مااقدر اقول ع قيمتهم الكرويه شى لانى بصرف النظر انا بحب حفنى وباسم اوى بصرف النظر عن باسم وانه ضحكنى اوى طالع ف برنامج ومش عارف يقول كلمتين ع بعض ولكن الاهميه القيمه الكرويه وديه لا مجال للنقاش فيها وبرده مصمم بطل تستفزنى بكلمه ضربه جزاء ف كل ماتش ياراجل يولدى انا خايف عليكى يجرا ليكى حاجه او يجى شوجر او ضغط ماانته معزور مش قادر تصدق انكم اخدتوا الدورى ماهو كده الزمالك جاب لنصف جمهوره الضغط خد الدورى او ماخدوه لو انته فعلا نادى بتاعك نادى بطولات فالطبيعى انه يومين وخلاص لكن الاحتفال كده طول ولكن انا لازم انمى فيكى روحك الكرويه واسيبك تحتفل ويقولك ف الاخر الاهلاويه موفرين اوى يلا كل سنه وانته طيب تدوبه ف عرق العافيه افرح قبل ما يتاخد منك تانى مره من نفسك طبعا انته عارف انى ف الاخر وف الاول انى بحترمك وغالى عندى ياحوده لازم بقى ارخم عليك بما انى مورشو حبيب الملاين اللى مضبطكم غايب امضاء اهلاوى ولن اكون غير اهلاوى |
اقتباس:
طب ما حضرتك طول عمرك بتكسب الزمالك و عمرك ما احتفلت اشمعنى يوم ماتش الزمالك اللى كسبته احتفلتو و عملتو زيطة زى مايكون ابطال الدورى ولحد النهارده بتتكلمو ع الماتش ده هتقولى ده ماتش قمه وبتاع هقولك ماهو ماتش من ضمن 19 ماتش ليا ف البطولة وخسرت 3 نقط بس فى النهاية بطل الدورى ولو رجعت لـ 2007 لما كسبناكو وقولتو مش مشكلة المهم اننا ابطال الدورى اشمعنى المرادى احتفالات برضه ؟ :04: ثانيا فى لاعيبة مش متعوده انها تظهر مع الاعلام اد كدة وبتكون ناجحه ف الملعب وهو ده المطلوب باسم ناجح فى الملعب و بيأدى اللى مطلوب منه وايمن حفنى وباعتراف مدير الكورة بتاعك انه احرف لاعب ف مصر وايضا باعتراف المدرب بتاعك ان أنجح صفقات ف مصر هى صفقات الزمالك :113: ثانيا انا بكلمك على ماتش المقاصة ومصمم ان كان ليا ضربة جزاء صحيحه ومدورتش عليها بعد الماتش لان انا مقدم موسم قوى والبطولة عندى اهم من ماتش ادخل ياحوده وشوف الماتش بنفسك وهتعرف انا ليا ضربة جزاء ولا لا الفيديو ما بيكدبش :113: ومن غير ما يكون فريقى فريق بطولات هو الان بطل الدورى 2015 يعنى زعيم مصر 2015 ومن حقى احتفل لحد ما الدرع يتنقل لمكان تانى ولا انت شايف اية ؟ الموسم اللى جاى كل ماعليكم الاجتهاد واثبات النفس بس متقولش انكو هتاخدو الدورى لان ده شىء لا يعلمه الا الله وسيبو الايام تثبت من هيكون البطل زى ما ثبتت دلوقتى :04: تقبلو الهزيمه كما تقبلناها من قبلكم تقبلو الحقيقه الزمالك بطل الدورى :07: |
طب انا اهلاوى جدا مش متعصب لانى معرفش يعنى اى تعصب والله زى ما بقولك بس هو انا المفروض ارد اقول اى مبروك للزمالك من كل قلبى وعقبال الموسم الجاى اظن انا كده تمام وغير كده هتقول اصل وفصل سبنا من الكلام ده خلينا بره انا بشجع الريال والريال مخدش الدورى وزعلت بس برضو انا بشجع الريال زى الارسنال بظبط زى ميلان زى كتير مثل بروسيا فى المانيا الواضح قدامى انك زمالكوى واخدتم الدورى والف مبروك بس احنا اتعودنا ان ركز الثاني زيه زى الاخير وسيبك من اللى فات بس احب اقولك حاجه الزمالك ما خدش الدورى علشان جاب افضل الصفقات لا علشان الاهلى مكنش كويس الموسم ده من البدايه لو بتفكر صح وبتفهم كوره هتعرف ان الدورى لى اثنين فقط الزمالك وانبى بس انبى معرفش يكمل انا بفهم كوره وبحب العبه الحلوه واتمنى ان الاسماعيلى يخد هو كمان الدورى وباقى الفرق لان ده هيخدم المنتخب |
| الساعة الآن 11:07 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب