لاعبــت الأفاعــــي أنــا اللــي لاعبـت الأفاعـــي ف صغـــري مــن غيـر خوف مـن غيـر قلــق لمـا كبـرت أفاعـي كتيـر لفــت ع ضهـــري فريسة متحضرالهم فـي طبــق غالي كنت قبلهم وهما رخصـوا سعـــري حتى اللي مني معاهم عليا اتفق يلاحقنـــي الحــزن اهــرب منــه واجــري ألاقـي الفـرح قـدام منــي سبـــق تعبتني طيبتي وجعني قلبي وشاب شعري بقت حياتي مـا بيـن سطــور وورق يارب رحمتك انا ضايع حاضري ومستقبلي وعمري انتا الخالق وانا انسان بإيديك اتخلق الكون ملكك انا عايز رحمتك مش عايز الكون تحت أمري ارحمني يارب وقوي نقطة اتخلقت من علق فوق الأرض اتحملت كتير ورضيت وكنت بحلي ف كاس صبري لما لقيت عمري ضاع ف حزني مني واتسرق يا فرح يا غايب فينك وفين الحبايب القلب دايب وشارد فكــري يا أرض لو تحتك راحتي هعمل بإيدي النفـــق يا أيام هي عيشة والسلام يا دنيا كفاياكي تفرحي بقهـــري يا أفاعي مفيش داعي تتلوي فوق قلب اتخنــق قد ما لاعبت أفاعي ف صغري قد ما صاحبني سمهم طول عمري قد ما ابتسمت بقول كل بسمة كانت حبر على ورق شـــــــــــــــــــــــــــــــــــــــ . حـــــــــــــــــــــــــــــــــــــــــــــ |
كلمات راقية ورائعة أخي سلمت يداك اخوك من سلطنة عمان |
لا بلاش التشاؤم الجامد ده انت لاعبت الافاعى طول عمرك وكبرت فيهم اجيال لازم تكون عارف خطرهم وسمومهم لك الجمال فصبرا لانه لا يحصل على القلب الطيب الا الطيب دومت بكل الخير اخى الغالى تحياتى لك |
طيب اللى متعود على اللعب مع الافاعى و كبر معاهم بيكون عارف خطرهم وازاى يحترس منهم لكن اوقات نغض الطرف عن العيوب فلما يحصل حاجة يبقى مينفعش نرجع نشتكى خاطرة جميلة اخى سلمت يمينك تحياتى و تقديرى |
انتا الخالق وانا انسان بإيديك اتخلق.. ونعم بالله هوا القاادر على كل شئ ونحن ضعفااء... انت لاعبت الأفااعي وراجع تتلوى وتتعب... مدام الي قدامناا افاعي نتقلبلهم افاعي وكوبراا كمان ومالوو.. محدش يقدر يبئاا فوق حد او يتعبوو ويلعب عليه.. عشان بإيدو يعاملو زي مابيحب يتعامل او بالأحرى المعاامله الي تليق بيه وبالي زيوو... ربناا يسعدك ويوفقك يارب.. جميل ماكتبت .. تحياتي |
ما اكثرها تلك الافاعي الان فتلمسك برقه كانها الحضن الدافي ثم تكسرك بعنف وآلم كلمات رائعه كعادتك تحياتي |
لالالالا محنا كنا من شويه فى صافيه وافيه وجزمه ميرى ولساها ماشيه حفيه هى بتنتقم ولا ايه انت ضربت ال200 ولا ايه يا خالد ^_^ يسبك من الافاعى لا الانسان نفسه اكبر افعى كلمات جميله وحلوه ياخالد يدوووم التميز |
يا أرض لو تحتك راحتي هعمل بإيدي النفـــق هنا ياشاعر خلص الكلام ...... مهما اتعاملنا مع الطبائع المختلفة عنا إلا إننا لا نأمن أبداً شرها كفيت ووفيت ياشاعرنا الطيب تحيتي لروعة طرحك وأسلوبك كن بكل الخير دائما |
اقتباس:
الله محيي اصلك خيو منورني بوجودك واسعدتني اخي ربي يوفقك ويسعدك |
اقتباس:
افاعي بجد بس اللي لاعبوني بشر افاعي ودول بيبخوا سمهم من غير ما الواحد يحس هما كده ف طبعهم غدارين وحاقدين على كل حال ربنا الغني عنهم وعن افعالهم تسلملي اخي الغالي الجميل طارق الجميل تواجدك حلو وتفاعلك احلى يا استاذنا نورتني واسعدني وجودك الجميل ربنا يوفقك ويسعدك |
الساعة الآن 11:59 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب