|
يومياتى من ايام قليله وانا فى حالة دوامه كأنى كنت فى سباق .. و فجأه السباق اتلغى بس انا لسه بجرى فى الفضا معرفش بجرى ليه ولا هوصل لفين ! وحتى لما اوصل هستفاد ايه ! بئيت بدون هدف او الهدف بتاعى بيتلاشى قدامى رغم طول حياتى عارف هدفى إلا انى بجد الفتره دى - اصعب فتره - عدت عليا ورغم انى طول عمرى واثق فى نفسى وواثق انى قوى و بواجه اى مشكله بقلب جامد الا انى حاسس انى وقعت فى دوامه عايش .. آه عايش .. لكن حاسس - بجد مش عارف - ! شغلى بئى روتين .. وانا طول عمرى بحب شغلى فجأه اختفى حبى لشغلى واخلاصى بدأ يقل ودى حاجه مديقانى او مش مدايقانى ماهو مبقاش فارق معايا حق ربنا عليا نسيته و مش قادر امد ايديه مكسوف من ربنا و مش جايلى قلب ادعي لانى عارف المشكله فين وعارف ان ربنا عارف انى عارف فين المشكله قلبى بيتقطع من جوايا على حالى و ع نفسى و ع كل ذرة ثقه اتفتت جوايا مكسور اكيد مكسور دا انا حتى مش قادر اقوم ولو قمت هعمل ايه ! حواليا ناس ياما بس انا اللى مش معاهم .. انا فين ؟ والله ما عارف ! قلبى بئى خمسين حته كل حته بتفكر فى حاجه كل حته عاوزه حاجه وانا بينهم بتقطع واللى مزعلنى اكتر انه محدش حاسس باللى فيا كنت بحسب انى عشان بحس باللى حوليا الناس كلها هتحس بيّا او ممكن مكنتش بحس بحد - وانا اللى عامل نفسى فاهم وحاسس - ! ماشى بتخبط فى نفسى و اى حد يجى جنبى بخبط فيه معرفش ليه انا كدا ولا ايه اللى حصل عشان اكون كدا ! الانسان الوحيد اللى بيزعل عليا لو بتقطع مش هحكيله اللى فيّ لانى هموت الف مره لو حسيت انه زعلان وانا اصلاً مش ناقص ! يومياتى ! قول حياتى ! قول مماتى ! قول مهما تقول ما نا مبقتش عارف مبقتش حاسس مبقتش عايش ! |
ياربي ايه كمية اليأس دا .. ربنا كبيير وهو عارف المشكلة بس عاوزك ترووح تدعيله وتترجاه انت عارف المشكلة بس مش عارف الحل. ادعي ربنا يهديك للحل .. ربنا ارحم من انك تخااف تكلمه .. وبلااش كمية السلبية الي في كلاامك خلي كلاامك ايجابي حتي لو انت مش كدا عشان تقدر تتغير وترجع افضل بالتوفيييق ليك |
يا عزيزي الامر ابسط من ذلك بكثير ولكن ولاننا ننغمس احيانا في همومنا البسيطة او نصادف امرا نشعر تجاهه انه عاجزين تماما تبدا مرحلة اللامبالاة كل الحياة عندنا سواء حتي حب وكره الاشياء او البشر او المعالم سواء لكن صدقني اخي الفاضل كل ذلك حله ابسط مما تتخيل فقط ان تستعين بالله ثم تكتب خياراتك في هذه الحياة وايجابيات وسلبيات كل خيار والي ماذا يمكن ان يوصلك ثم ركعتين تتوجه بهما لله تعالي خالصين له بذهن صاف تمام من كل وغش الدنيا وما فيها ثم بكفين حانيين يتضرعان لرب كريم ان يهديك الي سواء السبيل فالقلوب بين اصبعي الرحمن يقلبهما كيف يشاء تحياتي وتقديري اخي واحييك علي اسلوبك الرائق في السرد |
ليه اليأس والأحباط اللي عندك دا كله كلنا جت علينا فتره ووصلنا للحاله اللي إنت فيها دي يعني مش نهاية الكون صعب إنك بعد ما تكون بتحب شغلك للدرجة دي تكرهه دا مش كرهه بس الروتين اللي بقيت تمارسه بيه ومبقاش في حاجه جديده بتفكر فيها يمكن تكون هي اللي وصلت للدرجة دي بس أكيد كلنا عندنا أحلام وطموحات عاوزين نوصلها وحاطين أهداف قدام عنينا نعملها وأكيد بنسعي إننا نحقق دا وعندنا امل في ربنا إنه يقف جنبنا وكمان عندنا ثقه في نفسنا إننا نقدر نعمل كدا وكمان لازم تكون فيه إراده وعزيمه لدا ممكن تكون بعيد عن ربنا أهملت فروضه اللي عليك في وسط دا كله قوم إتوضأ وصلي وإدعي ربنا من قلبك باللي جواك ويكون عندك ثقة إن ربنا هيستجيب لدعائك ربنا بيقول إني قريب أجيب دعوة الداعي إذا دعاني صدقني هتحس براحه غير طبيعيه وهترتاح إن شاء الله شويه خليك إيجابي وفكر في مشكلتك صح هتلاقي الحل بسهولة الحل عندك إنت وإنت قادر إنك توصله وتحل مشكلتك متزعلش من الناس اللي مش حاسه بيك يمكن بردو عندهم اللي مضايقهم أو اللي شاغلهم دلوقتي الدنيا بقت تلاهي وقليل جداً اللي هتلاقيه بيسأل عنك ويطمن عليك ومش تندم إنك وقفت جنب حد أو ساعدته عمل الخير بيكون عند ربنا وأكيد هيجازيك خير عليه مش تستني مساعده أو سؤال من حد خليك قريب من ربنا وهو إن شاء الله هيساعدك ربنا يبعد عنك أي حزن ويسعدك ويوفقك في حياتك يارب |
فعلا عندك حالة يأس كبيره.. وان لم تتغلب على يأسك ده منتش ماشي.. مش هتمشي معاك الدنيا.. يعني الكل تمر به حاله من اليأس وكره الدائره ال عايشين فيها دي.. بس لازم تقوى وبعزيمتك تحارب يأسك ده.. والدنيا مش بتوقف وعلى فكره الفكره مش ف ان يبئا حواليك ناس كتير!! الفكره فمين ال هيقف جنبك ويسمعك:) ربنا يسعدك |
أولآ بلآش اليأس المبآلغ فيه ده , لآنه غلط على صحتك ونفسك واهلك وكل الناس اللى حواليك عمتآ لآن بيأسك ده بتسب ضرر لغيرك ,, عمتآآ حآول تقرب من ربنآ أكتر , انتظم فى صلآتك , مآتحطش اى حاجه فى دماغك غير ربنا سبحانه وتعالى , ماتسمعش لكلام حد وحالك هيتعدل ان شاء الله |
اقتباس:
و تطلبى من ربنا حل فيديهولك فمش تعمليه .. هيكون ليكِ عين تطلبى من ربنا نفس الطلب تانى ؟ وانتى اصلاً عارفه الاجابه ؟ فا انا عارف المشكله و عارف الحل بس مش قادر اعمل الحل دا اكيد اكون عاجز و يائس دا ملخص لحالتى ومنورانى و شكراً لرأيك اللى زود عليا الهمّ المهم مش تتوهى عن الموضوع انا عاوز المشاركات و النجوم :04: |
اقتباس:
و يجعل الصلاة قرة عينى و الصبر خلقى فإن كنت -انا - كذلك حٌلت مشاكلى و كلامك لا يزيدنى الا هماً على همى لانى اعلم كل هذا وانتم تقيمون علىّ الحجج الحُجه تلو الاخرى فاللهم اعفو عنى و اهدنى صراطك المستقيم وردنى الى جنابك رداً جميلاً شكراً اخى الفاضل على الحضور واسعدنى تفكيرك فهذا فعلاً ما احتاجه ولكنِ لا اجد ما اتمسك به |
اقتباس:
ليس الروتين ما يؤلمنى بل الهدف الذى اختفى فتركنى اشعر بالروتين و اشعر بكل شىء حولى فحسست اننى اسعى وراء سراب شكراً لنصيحتك وشكراً محاولة المساعده جزيل الشكر لشخصك الطيب |
اكيد معظمنا بيمر بالحاله دي خاصة اما تكون كل حاجه تمام وفجأة يحصل دروب وبظروفها تلاقي كل حاجه اتلخبطتت كله مع بعض في وقت واحد وساعتها بنشعر بزهق وملل ويأس وحزن عموما حاول مش تعيش ف الحاله ويتملك الحزن منك ومن وسط العتمه دور علي ضوء حتي لو بصيص هتلاقي الامور بدات تتظبط شويه شويه المهم تحاول تخرج من المود بسرعه ّ والله المستعان وربنا يوفقك |
| الساعة الآن 11:19 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب