مدرسين الثانوية .. خربشة رأي (1) سالخيير عليكو :D دي فكرة برناامج جديدة كل حلقة هعرض رأيى عن احدااث ومواقف بنعيشها فى حياتنا يوميا بصورة مختلفة :116: ملاحظة: اى اسماء ذكرت لا علاقة لها بالواقع :04: # مدرسين ثانوية مدرسين الدروس الخصوصية بتاعت الثانوية من اكتر الفئات الي بتستغل النااس والطلبة تيجو نشوووف :102: عندك استاذ حسنين بتاع الفزيا عايش دور اينشتين وهو بتثبت مع اول سؤال جديد عليه مشفهووش قبل كدا .. ويقولك سيبه هشفهولك .. بتعرف وقتها انك متتعبش نفسك وتسأله تاني على السؤاال دا :D استاذ بيومي بتاع الرياضة بيدي الحصة ب 150 او 200 جنيه .. ويعد يهزر مع سعااد ويقوول لسهام تسلم علي بابا .. ويعدي نص الحصة ويبدأ الحصة في نصها وفجأة بقدرة قادر منبهه يرن ان الساعة وقت الحصة خلصت:102: ابلة اعتمااد بتاعت العربي تعد تحكي مع علاء وسامية ومريموتقولهم شفتوا استاذ حسنين بياخد في الحصة كاام ولا الدرس ببقا 70طالب فى اوضة متر فى متر .. وانتو مش عجبكوا هنا 40 طالب فى اوضة شرحة وبرحة .. جتكوا وكسة طلبةمفترييين شفتوا الدرووس مش انا :49: ابلة سناء بتاعت الفرنساوي .. تسألها رحمة في نطق الكلمة .. تقولها بصي با حبيبتي مش هتعرفي تنطقيها هي حلوة كدا اعرفي شكلها .. خلينا في الـ Unite بتاعت النهاردة .. تساالها هي مش Unite دي انجليزي .. تقولها يا بت متعارضيش مانتي مش هتفهميها الا كدا :45: استااذ عباس الي طرد سعيد عشان عرف انه بياخد درس في نفس المادة عنده وعند مدرس تاني .. وام سعيد تجيله تاني يووم تعيط وتقوله الحق الواد وخده تانى ويزعقلها وفي النهاية يقبله تاني .. ودخل عليه كلام الواد انه ساب المدرس التاني عشانه :D استاذ ايمن بتااع الانجليزي .. شايف نفسه السوبر كل شهر يغير السكرتيرة بتاعته او هي الي تطفش منه .. وطوول الوقت عصبي وشايف ان استاذ فهمي ولا يغهم حاجة وانه احسن مدرس جابته قرية زعزوعة :04: نيجي لاستاذ حسن بتاع الكميا مجمع خريجي كليات الكميا معينهم عنده سكرتيرات .. الطالب يدخل تقابله رشا سكرتيرة الحضوور وتقوله كنت غايب ليه امبارح يقولها لا انتي نسيتي تعلمي عليا امبارح وبتصدقه ويدخل .. يعدي علي رحاب سكرتيرة الواجب يكتبلها كام صفحة ميكملوش نص الواجب وتعلمه صح ويدخل .. وبعد كدا يعدي علي بسنت سكرتيرة الفلوس تقلبه في فلووس الشهر .. واخيرا يعدي علي ابتسام سكرتيرةالامتحانات تديله ورقته وعلي اما يوصل للقاعة بتاعت استاذ حسن يكون نسي هو رايح فين :102::04: ودا كان رأى النهاردة وبكدا نقوول سلااامات :103: |
يا بختهم يا ريتنى طلعت مدرس ثانوى كان الواحد ارتاح من السفر ووجع القلب |
اقتباس:
لا يفتح ستنر ويدى دروووس ^_^ |
هههههههه عندك حق .. دنا عندي مدرس الانجلش بيدي عندي ف بيتي ومجموعه وكده ومش عاجبه وبيتأمر كمان:( ياستي بلاوجع قلب |
ايوه يعنى حصه ب200جنيه ليه يكونش بيشربوا الماده قبل ما بيرن المنبه :04: |
اقتباس:
بس فى مدرس باخد عنده عاادي بيدي الحصة الخاص ب 200 عاادي خااالص هههههههههههه |
طمنتينى على اخويا هيجوز بعدبكرة مفعوصة لسة فى الكلية بس عندنالاسعاررخيصة مااحناالصعايدة الغلابة ربنايهديهم ويهده حيلهم لومااتهدوش منورة شموسة والله وجميل الكلام |
هههههههههه حلوة حلوة بجد عجبني قوي مدرسه الفرنش هو كده يونيت يعني يونيت هههههههههههههههههه بحس مدرسين مصر بياكلوا من لحم الاهالي الحي ربنا يكون في العون واقع لا مفر منه تسلمي يشيماء :07: وفي انتظار الخربشه الجديده |
يالهوى ع النفسنه والحقد الطبقى :49: ما تسبيهم يمصوا دم الناس الغلابه يابنتى واسكتى >_< ده حتى ولا بيتعبوا ولا بيحللوا فلوسهم فى احلى من كدة أنبى :04: ربنا ينقم منهم بقى :105: |
احلى حاجة ابلة اعتماد دى ههههه مش عاجبهم 40 ليه هههههه ناس غريبة فعلا بس طبعا مش كلهم كدة اكيد فى مدرسين كويسين بردو الحمد لله ربنا يهدى تسلم ايدك يا قمر |
الساعة الآن 01:59 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب