|
الأقرب للحقيقة في "الشكر" لسيادة المستشار.. وكلام الوزير "الدحلاب" هل تابعت أزمة أحمد الشيخ من بدايتها؟ هل أعجبك مشهد النهاية؟ هل استغربته؟ هل تفاجئت به مثلما تفاجأت بمشهد النهاية الرومانسي بين أحمد السقا ومنى زكي، المكرر أساسا من مشهد النهاية لأنور وجدي وليلى مراد؟ صحيح ان مشهد البداية ومشهد النهاية في قضية أحمد الشيخ هما مشهدين عبثيين مكررين بصورة فجة وسخيفة لكنهما كشفا الكثير من الحقائق على النحول التالي: الحقيقة الأولى: اخترق اتحاد الكرة كل اللوائح والقوانين وأيضا كل الأعراف في قضية الشيخ وكان ضعيفا هشا لصالح مرتضى منصور، صحيح ان الأزمة انتهت، ولكننا الآن أمام جهة من المفترض ان تكون حيادية ولها دور فرض النظام، اثبتت بشكل واضح تحيزها لطرف على حساب اخر، سياسيا فقدت أنظمة كبيرة في وطننا العربي شرعيتها بأفعال مماثلة على مستوى أكبر.. ولكن يبدو أن جمال علام أقوى! الحقيقة الثانية: وقت كبير جدا استغرقه محمود طاهر ليتكلم لأول مرة "بصوت الأهلي" الصوت الجليل القوي الحازم الحاسم، قرار الانسحاب لم يكن المشهد الأجمل لطاهر في اليومين الماضيين، المشهد الأجمل انه استيقظ من سباته العميق. الحقيقة الثالثة: المثال الذي ضربه عبدالعزيز عبدالشافي وهو يمثل "القوة الناعمة" في الأهلي في حديثه ضد مرتضى منصور وإحراجه للأخير، يفسر شئ واحد فقط ان "اللي على راسهم بطحة" في البلد كثيرين، وأمثال زيزو قليلين، ومرتضى خير من يستغل "البطحة" ويضعف أمام "النزاهة". الحقيقة الرابعة: ترفض بعض جماهير الزمالك انتقاد مرتضى منصور، ربما لأنه ساعد الفريق على الفوز بالدوري، ولكن الغريب انه عندما يتحدث رئيس الزمالك وفي كل لحظات الغضب يقول "أنا مرتضى منصور" "أنا مرتضى منصور"، والحقيقة انه يرى في نفسه حجم أكبر من نادي الزمالك، والحقيقة الأكبر أنه يرى نفسه أكبر من كيان الدولة! الحقيقة الخامسة: عندما تحدث خالد عبد العزيز وزير الشباب والرياضة عن الأزمة تشعر وكأن كلامه "مطاطا دحلابا" ليس واضحا ليس قويا أو حازما، "في قانون لكن هدفنا اسعاد الشعب المصري" "احنا عايزين النظام يرجع بين الأهلي والزمالك" "انتم أكبر ناديين في مصر" "الأهلي والزمالك اخوات"، الوزير لا يجوز ان يكون "واسطة خير" الوزير يفرض الخير.. والفارق كبير. الحقيقة السادسة: وزير الشباب الرياضة خرج في برنامج تلفزيوني لكي يعظ مسئولي الأهلي والزمالك، ويعطي نصائحه حتى يسود النظام بعد ان فشل كوزير في حلها بالغرف المغلقة، وفي النهاية انتهت الأزمة فعلا على الشاشة ولكن بوساطة خيري رمضان.. نجيبه وزير؟ الحقيقة السابعة: لخص وزير الرياضة كل هموم ومشاكل الجماهير المصرية ونجح في حل كل الألغاز في علاقة الدولة بمرتضى منصور، عندما تحدث سيادة المستشار بصوت عنيف وهو يؤكد "ان مفيش حد في البلد يقدر يلوي دراعه" وكان رد مسئول الدولة: "شكرا"! الحقيقة الثامنة: تحدث من الأهلي في هذه الأزمة أكثر من 5 مسئولين على الأقل، وفي الزمالك مثلهم على الأقل (هم جميعا مرتضى منصور)، وفي اتحاد الكرة 5 مسئولين على الأقل (تحدثوا عكس بعض)، والسؤال هل هناك شخصا من بين هؤلاء يعرف يترجم (Media Officer) اللي بنشوفها في التصريحات التي تخرج من كل الأندية الكبيرة في الدنيا.. وللعلم لو حطيتها على Google Translate مش هيطلعلك عزمي مجاهد. الحقيقة التاسعة: استجاب الله لدعوات زيزو وربنا أهدى مرتضى منصور، وقرر ان يسامح الشعب المصري والجماهير والأهلي والنظام، الف شكر سيادة المستشار كتر خيرك هكذا رد خيري رمضان على المبادرة الكريمة .. صحيح كتر "خير" مرتضى منصور وكل "الشكر". الحقيقة العاشرة: قانون الأرهاب الجديد في حاجة لـ "بند رياضي"؟ |
قضية احمد الشيخ ؟ اللى اتنازل عنها مرتضى منصور صح ؟ وهى هى القضية اللى الاهلاوية بيقولو هما انتصرو فيها والاهلى يحكم صح ؟ مع انك لو بصيتى معايا هتلاقى ان مرتضى هو اللى قدم الشكوى وهو اللى اتنازل وبمزاجه صح ؟ طب انا هكلمك واحده واحده كدة على الحقايق اللى انتى جبتيها اقتباس:
بس عشان الاهلى مش متعود ان اتحاد الكوره يكون حيادى عمل الشويتين دول الاهلى قعد يهرى فى عقود قديمه ولا جديده وساب الموضوع الاساسى هل اللاعب ماضى لناديين ولا لاء وحابب اقولك حاجه الاهلى لو على حق من البداية و اتحاد الكرة مش حيادى كان فى حاجه اسمها الاهلى يطلع على لجنة التظلمات على طول او يكمل شكواه للفيفا وهى هتنصفه لو هو مظلوم فى الموضوع انما لغة الاهلى كانت واضحه وهى لغة تهديد أولا تهديد بالانسحاب ودى مش اول مرة مرة عشان ملعب ومرة عشان لاعب لغة تهديد وتحريض الجمهور بالهجوم على اتحاد الكرة والمفروض ان اى قضية قانونية ممنوع دخول الجمهور فيها لان كل نادى وعنده جماهير واكيد انتى عارفه كدة الاهلى اعلن غضبة الجمهور ولحد دلوقتى ماعرفناش ومفهمناش الجمهور كان هيعمل اية عشان القرار ده ؟ معرفناش غضبة الجمهور معناها اية ولا القوانين عند الاهلاوية دلوقتى بتتغير بالغضبات ؟ انا شايف ان اتحاد الكرة كان محايد فى الموضوع ومرتضى كتر خيرة عشان ميعملش فتنه اتنازل عن القضية وعفا الله عما سلف اقتباس:
اقتباس:
زى ما قولت قبل كدة الشيخ موقع للأهلي قبل يوم 1 اغسطس و بالتالي اصبح موقع لناديين الزمالك قدم الشكوى قبل يوم 1 اغسطس و أعتقد 30 أو 31 يوليو الشكوى متحركتش إلا لما الأهلي تقدم بالعقود الجديدة حتى لو العقد بتاع الزمالك يعتبر لاغي عشان مدفعش القسط بتاع 1 اغسطس لكن في الأول و الآخر الشيخ قبل يوم 1 اغسطس و قبل سقوط عقد الزمالك وقع لناديين دا اللعبة اللي بيلعب عليها .. تنازل مرتضى منصور شىء جميل ولا يخرج الا من رئيس نادى كبير .. اقتباس:
مش هطول عليكى وهجيب اخر حقيقه اقتباس:
مفيش حد فى البلد يقدر يوقفنى و فى وسط المكالمه طقت فى دماغه كعادته كمحب للشو انه يتنازل عن الشكوى ليظهر كمنتصر و فى نهاية المكالمه ذكر بالنص الأتى : " هيخرج ناس تقول انتصرنا و مرتضى أستجاب لضغوط من فوق و كلام تافه من ده و لكن كل ده لا يعنينى " وفى النهايه احب اقولك مستنى المشكله الجايه للاهلى وهنشوف هيحصل فيها ايه والتالته تابته الدوله عدت مرتين حوار الاستقواء واثاره الجماهير انما التالته مش هتعديها وهيتقلب السحر على الساحر |
بص ياكابتن محمود عاوزه اقولك حاجه عاوز تشجع كورة وتستمتع ماتتعصبش مفيش حاجه اسمها اتحاد الكوره ومفيش حاجه اسمها مؤسسات للدوله فيه حاجه اسمها فلوس بتحرك المصالح تحكم اولاا وبيمشوها بينهم بمزاجهم |
اقتباس:
وهو فين التعصب دلوقتى ؟ انا بقولك حقايق وبكلمك فى قضية واحده بس انما لو هنتكلم على اتحاد كورة عمتا ف هو فاشل بما تحمل الكلمة من معنى ولكن على الجميع واتحاد الكرة مش فى صف الزمالك زى ما الكل فاكر ياست الكل النادى الاهلى اتهم الزمالك بالتزوير مع انهم بيدافعو على لاعب مخطىء يبقى اية الوضع هنا ؟ لو هتكلمينى عن اخطاء اتحاد كورة يبقى اتكلم عن اخطاء فى ماتشات الاهلى برضه وتجاوزات فى ماتشات واخرها ماتش اطفال الجونه واللاعب زياد اللى لعب :)) لكن انا بكلمك فى قضية واحده والحمدلله رب العالمين الزمالك قال كلمته واللاعب نزل قرار وقفه ولكن طيبة قلبنا والعطف ع النادى الاهلى اللى خليتنا نتنازل بمعنى اصح زلهم وسيبك منهم :04: |
منكن بقا يا كابتن محمود انت متابع اكتر منى |
ايوه بقى ف واحده قالت برده انك متعصب ههههه هو متعصب اه بس جميل والله القسم انا مش بتصوره من غيره منوره الدنيا ياهبه وتسلم للمجهود والمتابعه |
| الساعة الآن 10:43 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب