|
النـــــاس والدنيــــــا عالبركة عايش بين خلق وناس اندم بعد كل جرح منهم بدوقه عارفهم ميتعاشروش من الأساس ولا يعرفهم حد إلا وضاعت حقوقه ولسه صابر عليهم وبجمل الإحساس يمكن يحسوا ف يـوم ويفوقـوا عشان رضى ربنا رضيت غرور النـاس وهما لسه ف حرمنة بيسوقوا دنيا العجايب مليانة حبايب ولا شفنا بينهم غير حب غايب هي علاقات ف الإسم بس ومفيش حاجات بينهم تتحس من قبل العشرة كانت بالعكس وأتاريها قشرة ومخبية تحتها حزن ومصايب ليه الحب وقته ف الحب قليل والحزن فيه طريقه صعب وطويل ليه الشيء الحقيقي يبقى تمثيل ليه إحساسنا مشي وداسنا والوفا تملي غايب فين أصحابنا اللي كانوا معانا من سنين فين أحبابنا اللي كنا بنقول عنهم طيبين لو ما اتغيروش بتاخدهم الأيام ولا بننساهم ذكرياتنا معاهم ليها رنة أنين دنيا زايلة للهم مايلة للشر سهلة تضحكنا تبكينا تجيبنا تودينا شمال ويميـن قد ما احتفظت بحاجات وراحت خدتها سكة البسمـة وانزاحـت إلا محبتي بتفضل ف كل نبض قلب وحنيــن معرفش ببكي على دنيا ناسياني ولا ذكرى راحت ومش هترجع تاني عايش من غير أمل أملي عايزله أمل مسكين ولسه ساكت يواسيني صمتي بكلمة دامت لمين ف دنيا كان الوفا سجاني فيها وبرائتي بالمؤبد محكوم عليها فقدت الأمل في البشر وسلمتهـــا ل رب العالميــن شــــــــــــــــــــــــــــــــــــــــــــ . حــــــــــــــــــــــــــــــــــــــــــ |
هي علاقات ف الإسم بس ومفيش حاجات بينهم تتحس من قبل العشرة كانت بالعكس وأتاريها قشرة ومخبية تحتها حزن ومصايب صدقت فعلا ياخالد كلمات جميله واحساسيس صادقه اتحرمنى من جديدك خالص احترامى وتقديرى |
اقتباس:
يا ابو طلة حلوة انتا يدوم تواجدك الجميل نورتني واسعدني ردك وحضورك الغالي ربنا يوفقك ويسعدك |
معاك حق مبقاش في حاجه إسمها حب ولا عشره دا كان زمان دلوقتي بتكون مجرد علاقه والسلام حتي الصحاب مش بقو موجودين الدنيا خدتهم ولهتهم بحياتهم مفيش حد بقي فاضي يسأل علي حد ولا يطمن عليه دايما بنقول إن الظروف السبب لكن في الحقيقه لو كان فيه حب حقيقي وصداقه فعلاً عمره ما كان حصل بعد علي الأقل لو مش هتقدر تشوفه إسأل وإطمن عليه لكن دا كمان مش بيحصل تسلم إيدك شاعر بإنتظار جديدك دائماً |
كلمات جميلة عبرت عن واقع حقيقي... بجد عجبتني الكلمات و المعاني العميقة... الله يوفقك اخي و يدوم ابداعك الطيب.... و باذن الله تنشوف منك كل جميل... فدوما تتحفنا اخي بكل جميل و حلو |
اقتباس:
مين دلوقتي بيحب بجد ع صوابع الإيد بيتعد بسمتنا بتيجي صد رد دمعتنا تملي فوق الخد تسلمي ياسمينا الاجمل مرورك وتفاعلك الكريم دايما تفاعلك جميل اسعدتيني ونورتيني بحضورك ربنا يوفقك ويسعدك |
اقتباس:
تسلم يا طيب لتواجدك الطيب البريء نورتني واسعدني وجودك وطيب ردك أخي الغالي ربي يوفقك ويسعدك |
| الساعة الآن 03:48 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب