منتديات بنات مصر

منتديات بنات مصر (https://forums.banatmasr.net/)
-   إستراحة آدم الثقافية (https://forums.banatmasr.net/f267/)
-   -   الف باء نون ادم (تابع المسابقه ) (https://forums.banatmasr.net/msryat523549/)

Stop Ana Eltop 09-18-2015 08:26 PM

الف باء نون ادم (تابع المسابقه )
 
السلام عليكم ورحمة الله وبركاته
ازيكم عاملين ايه ان شاء الله تماام

الف باء نون ادم
عنوان الموضوع مالوش اى معنى
حبيت بس اغير عن اسم المسابقه :04::04:

ادم نص المجتمع الة بيتجوز النص التانى عشان يجيبوا المجتمع كله
هو النص وحده المصغره فى بناء اى مجتمع
لو صلح هيصلح المجتمع عامه لو فسد هيبقى الوضع زى ما احنا عايشيين كدا

1- كيفية التعامل مع آدم في طفولته ليكون رجلا يعتمد عليه

ادم الصغير زيه زى الكاس الفاضى بالظبط
احنا الى بنملاه ونشكله زى ما احنا عاوزين بالظبط
وزى ما اى حاجه جديده بنجيبها بيبقى لها كتالوج للتعامل عشان ماتفسدش
كذلك الطفل الصغير بيبقاله كتالوج تعامل
مع السنه وسير الصحابة نربيه على نهج الرسول والصحابه
ننشئه ازاى فعلا الدين يبقى اساسه وازاى يمشى على طريقه
وقتها فعلا هنعلمه معنى الرجوله ونعرف نطلعه راجل يعتمد عليه فى اى وقت واى مكان


2- ماهي الاساسيات في تربيه آدم ؟

الاسياسيات فى التربية هى الدين
الدين والاخلاق بس لانه بينبع منهم كل حاجه صح وكويسه
لو هأسس عماره مثلا ههتم بالطوب والزلط والرمل
عشان العمار دى تبقى قويه مهما الرياح او العواصف تيجى ما تأثرش فيها
كذلك انا لو اسست ابنى على اى حاجه غير الدين والاخلاق
مع اول مطب مش هلاقيه


3- كيف تتوافر القدوة لآدم ؟

العين مابتتمناش حاجه الا الى احسن
والنفس بتهوى الاعلى
عشان كدا القدوه هى الام والاب اول
لانها اول صورة بتظهر قدام عنين الطفل من غير مايعرف العالم الخارجى شبهه ايه
اول حاجه بيشوفها وحتى لو وحشه بيشوفها حلوه لانه مايعرفش غيرهاا
القدوه بتتوافر بحسن الاختيار من البداية
الاب والام يختاروا كويس اوى ويحسنوا نفسهم
عشان هما مراية ولازم صورتهم الى هو ابنهم يطلع كويس


4- من هو المؤثر الأول بحياة آدم ؟

اول مؤثر امه لانها اول حاجه بتصب فى الكاس
وبيشرب منها قدر المستطاع
بيشرب منها وقت ما بيبقى صغيرر اوى والتعليم فى الصغر بقن
هى المؤثر طول حياته لانه مهما بيتعلم بيرجع لتعليم امه
الى شرب منه او بق

5- ماهي سلبيات المجتمع على آدم ؟

- القدسيه لادم
هو دايما مقدس ادم وقداسته دى بتخليه مصدر غلط بدون حساب

- رمى كل الاعباء على ادم
بعتبار اله متحركه مطلوب منه كل حاجه عشان ياخد شئ بسيط هو عارف

- معاملته على انه القوى الوحيده فى المجتمع
تهميش دور حوا يعنى

كل دا بيأثر على ادم بالسلب انه بيجرده عن اصله وحقيقته
وبيحوله لقوه شريره متحركه عنده استعداد يعمل اى حاجه غلط عشان يعيش زى ما المجتمع عوده
مهما كانت الخساائر

انتهى

.Lamar 09-18-2015 10:26 PM

موضوع جميل يا هبة واحلى ما فيه العنوان هههه

تسلم ايديكى

وبالتوفيق فى المسابقة

الفيلسـوف 09-19-2015 04:33 AM

توضيح مختصر ورائع ياهبه
سلمت يداكى للسرد الرائع
عجبتنى اوى تشبيهاتك كاس وكتالوج
دمتى بكل ود

Abdallah 09-19-2015 07:34 AM

فى اول كلامك تحامل على الرجل
مع ان كل موضوعك بيبرأه من اللى وصلنا له
الرجل نصف المجتمع اذا صلح صلح المجتمع و اذا فسد فسد المجتمع
و بعدين قولتىادم الصغير زيه زى الكاس الفاضى بالظبط
احنا الى بنملاه ونشكله زى ما احنا عاوزين بالظبط
كلامك متعارض تماما ، هوه مين هيشيكل ادم الصغير
مش امه و امه دى مش حواا اذا حواا هى الاساس
لذلك احنا بنقول دايما ان المرأه هى المجتمع
بس طبعا اتنازل ذلك المجتمع عن واجباته و راح يلبس
و يحط الميكب و تنزل تمارس حقوقها شغل سياسه و موضه
و يبقى طظ فى ادم الصغير و الكبير كمان مفيش مشكله عندنا
بس لما تلاقى واحد بيتحرش بيكى هتقولى امه مش عرفت تربيه
هتروحى تربى ابنك عشان مش يعمل كده فى بنات الناس
مع ان مستحيل بنت تخاف على اختيها او جاريتها اصلا
عكس الولد تماما صاحبى لو بيتخانق بيلقينا فى ظهره
موضوعك مهم و لفت انتباهى و اشكرك ع الادله بموضوعك
تقبلى مرورى و احترامى


Stop Ana Eltop 09-19-2015 07:40 PM

اقتباس:

المشاركة الأصلية كتبت بواسطة abdallah (Post 4846940)
فى اول كلامك تحامل على الرجل
مع ان كل موضوعك بيبرأه من اللى وصلنا له
الرجل نصف المجتمع اذا صلح صلح المجتمع و اذا فسد فسد المجتمع
و بعدين قولتىادم الصغير زيه زى الكاس الفاضى بالظبط
احنا الى بنملاه ونشكله زى ما احنا عاوزين بالظبط
كلامك متعارض تماما ، هوه مين هيشيكل ادم الصغير
مش امه و امه دى مش حواا اذا حواا هى الاساس
لذلك احنا بنقول دايما ان المرأه هى المجتمع




كنت مستنية التعليق دا والله
لاء المرأه مش هى المجتمع
فكرة انه الست وظيفتها تربى والراجل وظيفته يشتغل دى فكرة متدنية اووى اوووى اوووى

الاتنين وظيفتهم التربية
الام عليها النص والاب عليه النص
فهمنى ازاى كدا الام هى الى هتربى لواحدها والاب قاعد بيه وظيفته يجيب شوية فلوس ؟؟
هو قدوة ابنه الاول وهو لازم يشارك فى تربيته وتعليمه
الام مسئوله مسؤليه كامله عن الاهتمام بالطفل
اهتمام باكله وشربه ونضافته ونومه اما عند التربية والاخلاق الاتنين مسئولين
وكمان الاب دا هو الى بيختار الام ووقت ماهو بيبقى فاسد بيختار واحده فاسده زيه

يطلعوا عيال فاسدين يعيدوا الكره من اول وجديد وبكدا يفسد المجتمع كله
الاساس الولد مش البنت ابداا

انا كلامى مش متناقض بس فكرة التربية والفلوس دى هى الى غلط
الى بيصب فى الكاس كلا من الام والاب الطبقه الى تحت بعدها بقا المدرسه والشارع والحياة وكله
بس لو الاساس صالح مفيش حاجه هتأثر فيه

Stop Ana Eltop 09-19-2015 07:42 PM

اقتباس:

المشاركة الأصلية كتبت بواسطة ƧĀƉ_ĿŌ∀Ē (Post 4846925)
توضيح مختصر ورائع ياهبه
سلمت يداكى للسرد الرائع
عجبتنى اوى تشبيهاتك كاس وكتالوج
دمتى بكل ود

تسلم ع المرور
نورت

Stop Ana Eltop 09-19-2015 07:43 PM

اقتباس:

المشاركة الأصلية كتبت بواسطة .lamar (Post 4846716)
موضوع جميل يا هبة واحلى ما فيه العنوان هههه

تسلم ايديكى

وبالتوفيق فى المسابقة

تسلمى بقن
يابه قولت اغير ومالقتش عنوان منااسب

نورتى

Abdallah 09-19-2015 09:25 PM

المرأه و الرجل مسؤليه مشتركه < ماشى كلامك
مع انى كنت بطالب المرأه انها تربى شويه مع الرجل
لان فى بيوت اتحول فيها المرأه بتجيب فلوس مقابل تحقيقها طموحها
و الراجل بقى عباره عن زياده دخل و غير للواد و يرضع صناعى
و كدا يعنى بقى حمل البيت على الرجل ، طبعا العدل حلو و التعاون احلى

Stop Ana Eltop 09-19-2015 09:32 PM

مفيش مشكلة انه الست تدخل فلوس طالما مش هتقصر فى واجبها
ما الراجل بيدخل فلوس هو كمان ومطلوب منه مايقصرش فى واجبه

المسئولية مشتركه فى كل الامور
والتنظيم بين الاتنين هيخلى كل واحد يتقدم ويحقق ذاته
وفى نفسالوقت مايقصرش تجاه ابنائه

اسراء رشاد 10-14-2015 12:43 PM

جميل .... بالتوفيق دايما


الساعة الآن 12:37 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w