منتديات بنات مصر - للنبى الغالى رايحين .. ( مسابقة الحج للعامية)

منتديات بنات مصر (https://forums.banatmasr.net/)

- ابداعات الاعضاء العامية (https://forums.banatmasr.net/f241/)

للنبى الغالى رايحين .. ( مسابقة الحج للعامية)

http://up.n4hr.com/uploads/1411767994441.jpg

للنبى الغالى رايحين

عليه الصلاة والسلام دايمين

وعلى رؤية القبة الخضرة ناويين

تسعد قلوبنا بقرب المقام للنبى الزين

وقبر أبو بكر وعمر للنبى مجاورين

وبين مقامه ومنبره روضة ورياحين

جنة فيها البشرى للفايزين الموفقين

صللاتنا فيها توازى خمسمية برة الحرمين

ويسعد اللى زار النبى وجبتله شافعته يوم الدين

يامحلى جلسة خشوع ونازلة دموع على الخدين

دمعة تنزل تغسل ذنوب والرب عليك ينادى راضيين

وتفتكر أمانة توصلها وسلام وصاك عليه المحبين

وتقول يانبى يسلم عليك أهلى وأحبابى ليك عاشقين

ياسيد الأنبياء ياشفع للمذبين أسقينى شربتين

وأشهد إنى حبيتك وأشهد أنى من الموحدين

تركت بلادى ووالدى ومالى وماملكت اليدين

وجيت أحج بيت الله فرض علىّ ودين

طوفت بالكعبة وحجر أسماعيل ومقام ابراهيم الزين

والصفا والمروة أشواط وصعدت الجبلين

وجبل عرفات وقفنا ونادينا ربنا يجعلنا مقبولين

ومزدلفة بيتنا ومعانا الحصى نرجم الشياطين

وللاضاحى ذبحنا فدى اسماعيل عيه وأبوه سلامين

وقال ربنا أحلقوا وروحنا نطوف طوافين

ونودع مكة الشريفة ونشترى هدايا للغاليين

http://up.graaam.com/img/bdb54a7d7a1...f88289548a.jpg

يارب تقبل حجتنا وردنا لبلادنا سالمين

وأكتبها للجميع ولا تحرم الموحدين زيارة الحرمين

اللهم آمين آمين آمين
أجعل لناياكريم حج بيتك وزيارة حبيبك
محمد صلى الله عليه وسلم
رفعت
2015/9/19

اللهم صلى وسلم وبارك على النبى
ربى يرزق الموحدين اجمعين
حج البيت واداءالفريضه
كلماتك اخذتنامعاه برحله
كامله ونفحات وروحانيات
صورت المشهد بسلوبك السلس
ربى يسعدقلبك
ويرزقك حسن الاقامه
ببيته المحرم
تسلم
لروحك السعاده

اللهم آمين

رائع اخى رفعت مانثر هنا

كلمات جعلت الروح وكأنها تطوف سعدة فى بيت الله

تسلم ايدك وبالتوفيق أن شاء الله

اقتباس:

المشاركة الأصلية كتبت بواسطة راجعة لحبيبى (Post 4847722)

اشكرك
دعنود
شرفنى ردك الجميل
تحياتى

اقتباس:

المشاركة الأصلية كتبت بواسطة فداااااااااااء (Post 4847818)

شكرافداء
بارك الله فيك
مودتى

اللهم صل وسلم وبارك على سيدنا محمد

تسلم ايدك رفعت للكلمات الطيبة

موفق يارب دايما