منتديات بنات مصر

منتديات بنات مصر (https://forums.banatmasr.net/)
-   إستراحة آدم الثقافية (https://forums.banatmasr.net/f267/)
-   -   حواء ف ضيافه ادم( Nefertiti) (https://forums.banatmasr.net/msryat524932/)

الفيلسـوف 10-05-2015 09:23 PM

حواء ف ضيافه ادم( Nefertiti)
 

http://banatmisr.com/up3/uploads/1444072449241.gif


مشرفة سابقه






السلام عليكم

نورتنى يا سما


وعليك السلام

نورك اكيد

تسلم كلك ذوق


ايه احساسك واانا بعتلك العساكر بتوعى ياخدوكى


احنا مبنخفش حضرتك

انا بس كنت عايزة حراسات خاصه

عشان بيكون شكلهم حلو :04:



من سيده مصر الاولى الى ملكه جمال المنتدى

هل هناك اختلاف


ياااااااااا

سيدة مصر الاولي دي امنيه

مجرد حلم من احلامي مختلف تماما مفهوم اللقب عندي

عن كل التصورات اللي ممكن تخطر علي بال حد

ويمكن في يوم احقق وحدي الحلم دون سخافه الاستناد لحد يمنحك اللقب

لانك عارف اللقب دا بس ملكيه لزوجه رئيس

بس جايز معايا يكون حصري لام او اخت الرئيس مثلا :04:


ملكه جمال المنتدي اللقب دا بئه


بعيد كل البعد عن الدعايا الجماليه للشكل

او حتي ناخده من زوايا الغرور

اللقب جه صدفه وحبيته وانا مش من احباب التغيير

عشان كدة مفكرتش اشيله


وما بين دا ودا فانا برضو سارة

مهما اختلفت النظرات والالقاب



من هى سما ف سطور


سما هي اكتر حد بعشقه في حياتي

اكتر حد مفتقداه

الوحيدة اللي افرح بمقارنتي بيه وكمان افتخر بدا

هي الشخصية اللي انا جزء مصغر منها صورة وشخصية

سما هي الوجع اللي بيدق بيها القلب من سنين

وهيفضل يدق لحد ما النبض يقف




احساس ثم ادراك ثم نتيجه ثم كيان

كيف يتم شعورك واحساسك بين هولاء


بنفس الترتيب اللي سئلت بيه

انا اصدق ما فيا احساسي

بيرتب عليها تلاقائي الادراك والنتيجه والكيان




النجاح والفشل ماذا يمثلوا لكى


النجاح حياه فرحه ارادة قوية

الفشل بدايه




سما من الشخصيات المتقلبه فعليا هل يوثر

ذلك ف التعامل


متقلبه جدا

عصبيه بغباء ومنفعله وسريعه الغضب

لكن بنفس القوة مستحملش الزعل والخصمام والبعد

في ثواني بصالح وبعتذر واصفي

وهنا التناقض :18:


علي حسب حالتي وقتها هيكون رد فعلي

بس طبيعي في النهائي هتلاقي مني كل خير :04:




الاستماع والانصات هو مفاتيح النجاح

هل تجدى نفسك ذلك الشخص


ايوة بسمع بس بعد ما اعمل المصيبه

يعني لما اهدي واغلط واعك الدنيا

اسمع العتاب وانا اليفه خالص وحاسه بالذنب

غير كدة مبسمعش حضرتك :04:





نصيب الانسان موجود بين يديه

هل تومنى بهذه المقوله ام لا ولماذا


اه ممكن لو في الاجتهاد الشخصي والنحاج العملي

لكن بوجه عام صعب

في امور اجتهادنا وتصممنا وحدها مش كفايه

الرد الوحيد بيكون قسمه ونصيب :03:




ماهو مصدر الدوافع ومن اين تاتى الدوافع بالنسبه لوجهه نظرك


الارادة والتصميم وعدم الاعتراف بالفشل

المصدقيه والايمان والامان والدعم




بدون دوافع لايكون عندنا رغبه ف اى شى

مع ام ضد ولماذا


الدوافع بنسبه كبيرة من جوانا

لازم نتعود ان الدافع الاكبر مننا مش من حد



رغبات مشتعله ماذا تعنى هذه المقوله بالنسبه لكى


لما شوفت الكلمه مفتكرتش غير ابني واخويا

هما كل معاني الرغبه




من طفله الى فتاه الى ناضجه الى ام

تفتكرى كل مرحله اثرت ف حياتك وكيف كانت


تأثير كل فترة مختلفه صعب حتي احدد انهي افضل

لان كل مرحله بتمني ذكرياتها بحلوها ومرها

مفيش اجمل من الطفوله ولا ارق من نسمات بدايه مراحل الانوثه

وكل دول ولا حاجة جنب الاحاسيس الجديدة كوني بقيت

ملكيه خاصه لجزء صغير مني

ببساطه اصغر ام بلا ام





مرحله جامعيه هل لها كانت اثر قوى ف حياتك


ذكريات الجامعه عندي مش بالقوة

لاني اتجوزت في سنه تانية وثالثه في اول امتحان روحت

وكنت هموت لاني كنت بانتظار حمني

وتغيبت وحاليا هروح الليسانس انا وابني :18:


مش حاجة حلوة والنبي :116:




ادم ف سطور مختصره بالنسبه لكى


آدم الاب والاخ والابن

الحماية والآمان

مفهوم القوة والرجوله



اياك والضعفين اليتيم والمراه

ماذا يمثل هذا الحديث بالنسبه لكى


كفايه كلام ربنا


واما اليتم فلا تقهر


تخيل كميه الضعف اللي موجودة في قلب الانثي

كمان زود عليهم الخوف والجرح وقسوة القلوب

وغياب الحماية والحنان والسند والقهر

اللي ورا كلمه يتم



الواقعيه والخيال هل اثروا ف شخصيه ساره


انا شخصية خياليه

عايشه في حلم اسمه مثاليه الخيال

دايما بيصدمني الواقع :04:



بالرغم انى قلمك مميز مش بتكتبى ف ادم

ولا ادم محرمات يعنى ههههه


بعيد عنك لو كتبت عنكوا

هتحظر لطول لساني

احمد ربنا اني مبجيش :18::18:



من فضفضه الى خزعبلات الى معتزله

هل هناك سبب ما


لا دا معاش مبكر لدواعي نفسية

الفضفضه والخزعبلات حبايبي

والفضفضه دي زي بنتي اللي مخلفتهاش بس بنتها

وكمان عشان النشئ الجديد ياخد فرصته يا محمود يخويا




قضايا ف وضع التنفيذ واعاده التاهيل ف حياتك

ف كلمتين


الطموح والامومه :04:


عيوب ومميزات سما ف سطور


المزايا اني لسه انسانه

العيوب عد ورايا


عصبيه وعنيدة وصوتي عالي :18:




وكفايا عليكى يابنتى كده

وانتظرونا ف حلقه افى مع سما


ايدي ورمت يخربيت كدة

:04::04::04:


http://banatmisr.com/up3/uploads/1444072449282.gif


نوريانا 10-05-2015 10:03 PM

مشكووووووور

.Lamar 10-06-2015 02:19 AM

ضيفتك اليوم اخى انسانة مميزة بردودها وتواجدها

و حقيقى الاسئلة كانت كتير حلوة

و الموضوع كله رائع


تحياتى وتقديرى

انجي_1 10-06-2015 11:26 AM

دي على فكرة
صديقتي العسولة
فاهم ؟
يلا سلام

phalsteen 10-08-2015 07:50 PM

ميرسي محمود ع الاستضافه
اتنسبط بالحوار معاك
واسئلتك اخي

phalsteen 10-08-2015 07:50 PM

اقتباس:

المشاركة الأصلية كتبت بواسطة انجي_1 (Post 4857185)
دي على فكرة
صديقتي العسولة
فاهم ؟
يلا سلام

وانتي اختي حببتي :07:

phalsteen 10-08-2015 07:51 PM

اقتباس:

المشاركة الأصلية كتبت بواسطة .lamar (Post 4857068)
ضيفتك اليوم اخى انسانة مميزة بردودها وتواجدها

و حقيقى الاسئلة كانت كتير حلوة

و الموضوع كله رائع


تحياتى وتقديرى


وجودك معني الروعه حببتي :07:

phalsteen 10-08-2015 07:52 PM

اقتباس:

المشاركة الأصلية كتبت بواسطة نوريانا (Post 4856978)
مشكووووووور

نورت اخي :116:

الأميرة رودي 10-09-2015 12:26 PM

كلامك جميل ياسما .
عجبنى الحوار كله كأسئله واجابات.
نورتى حبيبتى
تسلم محمود إدارة اللقاء فوق المتميزه
ف انتظار ضيف جديد

اسراء رشاد 10-14-2015 11:59 AM

جميل .... بالتوفيق دايما


الساعة الآن 10:52 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w