تعرفـــوا عنـــي إيــــــه تعرفـــوا عنـــي إيـــــه غيـر طيبتي وابتسامتي جربتــوا مـــرة تقفـــوا جنبــــي قـــدام مرايتـي اتكلمتـوا كتيـر عن نفسكم جربتوا تسمعوا حكايتي ولا عشان ساكت ما بتكلمش زيكم فاكريني مبسوط وبداري فرحي عنكم ده حزن كبير وهموم كتير ومليش غير رب يقضيلي حاجتي عارف ردة فعلكم عشان كده ما بتكلمش عارف طبع قلوبكم لغير نفسها ما بتتألمش ومفيش عزا لقلبي ومين هيقف جنبي ومفيش حد فيكم زي حالتي من اقل تعب بتشكوا وتبكوا اول ما تشوفوني ف بوفر كلامي واراضيكم وتتجمد الدمعة ف عيوني انا مش جبل انا انسان طيبة قلبي للنسيان وقسوة الحياة فوق طاقتي تعرفوا عني إيه غير واحد طاير من الفرح جربتوا تسألوني عني وعن قلبي كام مرة اتجرح تعرفوا اني غريب ولا حد منكم مني قريب ومفيش دليل على وجودي غير بطاقتي شــــــــــــــــــــــــــــــــــــــ . حــــــــــــــــــــــــــــــــــــــ |
أنت فى القلب ياكبير وسوف ستظل فى القلب أخوك نصير |
نعرف عنك كل الخير نعرف عنك انك طيب نعرف عنك انك اخ كريم كنت رائع خالد كل التحية والتقدير مني |
نعرف ان القلوب الطيبة محبة ومتفائلة نعرف ان النفوس اللى جواها خير دايما بتزرع الابتسامة حتى لو بتتالم رغم الانات بين الحروف لكنك تسطرها برقى روحك اخى شاعر اسعدك الله وجعل البسمة لا تفارق قلبك دمت بخير دائما |
مين بس قال كدا ومين زعلك من دا ودا ما انت عارف ان الدنيا علينا منكدا وجايبة علينا وحطة وكمان مزودة اخوتك والله احنا وما تقول تانى كدا وقول ياعم ولاتزعل وكلنا لك فدا ما انت شايف بلدنا احولها اية دول شمتوا فينا العدا صبرا جميل يا سيدي .بكرة تفتح الابواب المتسددا تمنيتنا بكل الخير لك السفيرة |
اقتباس:
وانتا كمان ف القلب يا ابو نصير منورني بوجودك واسعدتني بردك النقي ربنا يوفقك ويسعدك |
اقتباس:
تسلم الاصيلة صاحبة الروح الجميلة اشكرك روني لتواجدك الطيب ك شخصك نورتيني واسعدني ردك الرقيق الطيب ربنا يوفقك ويسعدك |
اقتباس:
ودعواتك القلبية هنا يا فدااااء اشكرك يا نقية الخلق والحضور الجميل دائما امتناني لروعة التفاعل وصدق الاحساس في الرد نورتيني واسعدني تواجدك الطيب فدااااااء ربي يوفقك ويسعدك |
اقتباس:
هي العشرة اللي الواحد بيزعل عليها وبتصعب عليه بس هنا قلوب طيبة وصادقة ما شفنا منها غير كل خير بشكرك لاسترسالك الجميل البليغ سفيرة تشرفت بطيب ردك وتواجدك الخلوق المحترم نورتيني واسعدني وجودك الطيب سفيرتنا الطيبة ربنا يوفقك ويسعدك |
انا مش جبل انا انسان ..... الجملة دي فكرتني بقصيدة كنت كاتبها بقول فيها... : وآنا آبقي آيه غير آني آنسان؟ لا ملاك نازل مـ السما ولا حتي جان آحس الحب جواكي قبل الكلام ما يطلع معاكي م اللسان ..وآوهب حياتي ليكي كلها وآتمني نظرة منك عشقتها وآنسي بيكي آيام الحرمان ..آنا آبقي آيه غير آني آنسان ^^ القصيدة معبره وعاوز آقولك حاجة آن في كتير آوي بيبصو للبني آدم من بره وبيفتكروه عايش حياه طبيعيه عشان مبيتكلمش ولو آتكلم ممكن يحسسهم آنهم ولا حاجة عشان محسوش بيه وبمحنته ..وممكن يكون صمتك نتيجة للردود اللي ممكن تجيلك تبقة عاوز تتكلم بس عارف بعد كلامك ايه هيتقال ..ف تفضل تسكت آحسن معبر جداً الكلام وربنا يفك حزنك .. |
الساعة الآن 05:50 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب