|
" بسلامة "! راجعة شادة حيلها فاكرة مهما تقول هجيلها ايوة قلبي كان شايلها بس مش معناته تبقة ماشيه جراني ف ديلها عمري ماقبل الآهانه ماشي فات وقت المحبه وآتنسيت من كل حاجه بس كنت زمان ف قلبك كل حاجة ف كل حاجة اوعي تنسي ان فيكي لسة ريحتي ؟ زي مانسيتي حياتي اوعي تنسي انك زمان كنتي بتعتي؟ زى مانسيتي كلامك معايه حاولي تفتكري البدايه كان مُناكي بس رحتي راجعه تقسي وتجرحي حاطة نفسك مطرحي؟ عمري مااقبل المقارنه وضعي دايماً كان معاكي آني آجرح ووضعك آنتي تستسمحي كل شيئ حولينا يشهد كل حتة مابنا مشهد بنا آكبر مسرحية حب ظهرت للجميع كان بطلها مُش مُطيع مش وفي وخاين وقاسي والمشاهد كات مقاسي قصاد عيونك ف آرتجال والكراسي كومبليت والجميع شاهد وقال مسرحية حب آيه دا حوار عبيط بس كله شاف حكايتي لما فُتحت الستار والكالوس كان ليا وحدي مستخبي م الجميع جوه منه حقيقتي ليكي جوه منه بير آسرار جوه منه سطور حقيقة ايوة مكتوب فيها قاسي وانك انتي البريئة بس دا مكنش آفتراضي واما قولت لقلبي يقسي حتي قلبي مكنش راضي بس كله عشان بحبك فيدته آيه الطريق نجري فيه واحنا ف نهايته بنعكس آتجاهنا كل واحد فينا سكة انتي دُنيا ووادي تاني عيشة حلوة ولقمة حلوة خدم وعربيات وسواقين ايشي هندي وايشي الماني اما انا ؟ رزقي بيومه شخص لما يجوع بياكل من همومه حالي حال وطني وآهله ايوة بنا فروق كتير مستحيل كنت آكمل ايوة كنت بخون ف قلبك لجل تنسي حياتي خالص كنت بقتل فيا شوقي كنت ببعد عن حياتك لجل حبك مش عشان كل اللي ظاهر لما تفتح الستارة بس دا مش مبرر آني آسح عليكي دايماً؟ بس دا مش مبرر آني آقبل الآهانه؟ ايوة من حقك تعاتبي لو جرحتك اتجرحت كتير معاكي طول غيابك كل آملي آني آشوفك كل آملي آني المح ف الكتابة جمال حروفك حتي اسمك مش مفارق آسمي خالص بس انا الغلطان حقيقي كان زماني نسيته خالص دي قصيدة آعتزالي من حياتك آو خروجك من طريقي دي القصيدة اللي اتكتب فيها الحقيقي؟ وخلي عندك فكر دايماً آن آنا هفضل كا آسمي طول حياتي شخص رافع راسي جسمي ايوة فارس والفارس عمره مانخ فارقة ايه تبقي معايه ولا بخ؟ اللي كان تاعب ضميري جرحي ليكي والوفاء اللي عشانك كان حقيقته طول غيابك هو قسوة قلبي ديه مش عشان بموت ف هجرك؟ كل شيئ ماشي طبيعي والحياة مش واقفة عندك؟ ايه اللي يفرق بينك آنتي وبين جميع اللي عرفتهم؟ ايوة زيك زيهم كلهم علامات بآسمي بس اكبر بوطعه كانت جوه منك ؟ كل حتة فيكي رسمي شدي حيلك عاللي ممكن تسحبيه جراه ف ديلك اما آنا ؟ عمري ماابكي لا عليكي ولا لغيرك بسلامة |
عندك حروف عالية اوي بس توهت وانا بقرا متجودش وكنت تقدر تعملها سلسلة لكن مرة واحدة صعبة اوي بس انت هايل بجد وبارع جدا تحياتي |
هي فعلا طويلة جدا بس ده دليل على الاحداث الكتيرة اللي اتتابعت في الحكاية بصراحة حسيت ف متعة كبيرة جدا وانا بقرأ يعني بصراحة طريقتك في التعبير مفيش منها قدرت تعبر عن مواقف كتيرة وبرغم صعوبة المضمون الا إنك خليته أروع ما يكون بتعبيراتك الحلوة تسلم ويسلم نبض قلبك يا مانش ربي يوفقك ويسعدك |
قصه حب وجرح وفراق والم وتنتهي بالندم و التوعد بالنسيان كلمات تلقائيه قاسيه مؤثرة سلمت يداك تحياتي |
كتنظيم كلمات و عرض الفكرة فهى خاطرة مبدعة اخى و ان حبينا نناقش الفكرة هقول ليه زى ما جرحنا زمان و احنا عارفين حتى لو لهدف ما نتحمل الجرح الحين كرد كانتصار للكرامة و كسر القلب مش شرط الانسان يفضل فى نفس مكانه عليه يحافظ على المكانة دى مش يضيعها بايده و يرجع يستغرب ليه الجرح من اقرب انسان بيضل ينزف و مش بيطيب ابدا بس القلب بيتقفل عشان نعرف نعيش بتمنى تتقبل رأيى المتواضع فى مناقشة فكرة الخاطرة سلمت يمينك اخى تحياتى |
طويله اوى :) بس حلوه يا فارس .. |
مع السلامة يا خويا والقلب داعي لها ولا تزعل نفسك انت :04: |
اقتباس:
ربنا يخليك متشكر آوي لزوقك هي فعلاً كانت ممكن تتعمل سلسلة بس انا كتبتها ف خمس دقايق تقريباً وحتي بعد ما كتبتها مابصتش لآزاي هيكون الآداء او التجويد ..وآعتمدت المهم أنها من القلب ووصلتلكم متشكر آوي |
اقتباس:
ربنا يخليك ياشاعر آنا متشكر جداً علي مداخلتك وتعليقك الرائع ف شخصي المتواضع ,, نورت القصيدة وآضفت لها بردك كل الشكر والتقدير لمرورك الطيب تقديري |
اقتباس:
منوراني يا آيمي ,, وشاكر لزوقك الرفيع وكلماتك الراقيه ,, تقديري! |
| الساعة الآن 05:50 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب