|
ســــــوء تفاهـــــم ســوء تفاهـم بيـن اتنيــن والسبــب مجهــول واللـي فاهــم الحكايــة خايــف يحكــي ويقـول أصلـه اتكلـم ف الخيــر مـــرة من ضعفه كدبوه وهو اللي عنده السبب والحلول كبرت المشكلة واتعدت ناس كتير قلت الحلول وبقى الهم جدا كبير وهو ساكت خايف يتكلم ويلاقي الكل حواليه عزول من صمته وسكوته اتهموه انه عايز يفرقهم جرحوه أهانوه مشي بعيد عنهم وفارقهم افتكروا إن المشكلة انتهت لما مشي أتاريها بدأت على أصـول اللي لاقى فرصته ف أسفنة وكلام واللي استغل غيابه ودعا لكره وخصام علاقات اتدمرت قلوب اتفرقت هموم اتكومت ولا عارفين مين المسؤول اللي كانوا شاكين فيه طلع مش هو ولا عرفوا إن السبب كان حد عندهم جوا راحوا عشان يرجعوه لقيوه ميت وشهادة وفاته متقيدة ضد مجهـــول كان سوء تفاهم ومات اللي فاهم ولسه القلب واهم وتايهة العقول يا إما ربنا بيظهر الحق يا إما بيستمر ســوء التفاهــم على طــــول شــــــــــــــــــــــــــــــــــــ . حــــــــــــــــــــــــــــــــــــ |
ايوة فاعل الخير كتيرمتهوم وناس قلوبهافيه فول واكل عجول ولاعاوزين غيربس يتهموا الكل انه عزول روعة خلود تسلم الايادى |
اصبحنا فى زمن اللى يقول الحقيقة ويسعى للخير هو سبب الازمة وهو مصدرها الناس بقت تحب المنافق اللى من خلفهم يولع الدنيا وقدامهم يبقى المصلح وفين وفين لما الحقيقة تظهر وتبرئ الساعى فى الخير كلمات قوية ومميزة ومعبرة جدا اخى شاعر قلمك يعانق الابداع دوما سلم لنا نبض الرائع دمت فى حفظ الله |
وآآآه وألف مليون آآآه ع العقول والشك إللي غير كتير قلوب قلب المحبة لكره والعصفور لغول وإللي كان بيتكلم ولا يقول إختار الصمت وفرح العزول تايهة الحقيقة والقاتل صبح مقتول مظبوط كلامك ياشاعر كله كان بدايته سوء تفاهم لكن جمال حروفك ودقة كلامك خلت للكتابة هنا الف معنى ومعنى تسلم ياصاحب القلب الطيب |
دائما نقع تحت مظلة القيل والقال ونقل الاخبار ونصبح فى سوء تفاهم ليل نهار وبسبب كثرة الفتن تشتت الكثير من العلاقات ثم يأتى الندم بعدما تنهار العلاقات وللاسف اغلب مجتمعنا يعانى من تلك المشكله احترامى لك |
مات مظلوم الدنيا فيها كتير من دا حسبي الله ونعمه الوكيل في كل ظالم |
بتحكي واقع بطريقه جميله جدا ... تسلم ايدك خالد |
اقتباس:
ناس كتير دلوقت بتعاني من سوء التفاهم واللي فاهم سوء التفاهم واهمهم انهم صح تسلملي رفعت الجميل انتا الاروع نورتني واسعدني ردك وتواجدك الجميل ربنا يوفقك ويسعدك |
الله كلام قمة في الروعة ولامس القلوب بيحكي واقع مليان عيوب تسلم ايدك علي الطرح المميز :) |
اقتباس:
بس اكيد ربنا عالم بأحوال خلقه وقادر يكشف كل الحقايق اشكرك جدا فداااء للتفاعل الصح منك وتوضيح اسباب سوء التفاهم بردك الجميل تسلمي للتواجد الطيب والتفكير الراقي منك نورتيني واسعدني ردك وحضورك فدااااء ربنا يوفقك ويسعدك |
| الساعة الآن 08:10 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب