" رسمتك "! رسمتك وردة فـ كتابي رسمتك قلب ع الصفين رسمتك كل آحبابي رسمتك آنتي نن العين رسمتك دمعه جرحاني رسمتك وحدة بين ملايين رسمتك آنتي علشاني رسمت الفرح فيكي حزين رسمتك نسمة وخداني رسمتك جرح ويا آنين رسمتك جنتي وناري رسمت العشق فيكي حنين رسمت فـ كل آشعاري عذابي وحبي فيكي سنين رسمتك راسمة فوق قلبي ومحفورة ليوم الدين رسمت بدمي آشواقي رسمتك حلم كان باقي رسمت مشاعري آحشائي رسمتك دائي ودوائي رسمت الائي مش لاقي رسمتك مُري وعنائي رسمتك شجني وغنائي رسمتك آرضي وسمائي رسمتك كل ما فيا رسمتك وحدة كات ليا رسمتك ليا مش ليا رسمتك رسمة مخفيه رسمتك ذكري منسيه رسمتك راسمة مش هيا رسمتك كل رسوماتك رسمتك آنتي وبذاتك رسمتك حتي فـ آهاتك رسمت اللبس وحاجاتك رسمتك آنتي وحالاتك رسمت البسمة فـ شفايفك رسمت الحزن بيضايفك رسمت الدمعه فوق جيفنك رسمت الرقة بين خدك رسمتك مرة بشقاوتك رسمتك برضه بقساوتك رسمتك وآنتي فرحانه رسمتك وآنتي حزنانه رسمتك وآنتي هيمانه رسمتك وآنتي ولهانه رسمتك وآنتي نعسانة رسمتك وآنتي عيانه رسمتك وآنتي ظلمانة آنا وقلبي سنين وسنين رسمتك كدبة ع الصفين رسمتك آيوة يامه رسمت ومش لاقي لريشتي مكان تكمل رسمتي فيكي تعبر عـ اللى جوه القلب تلون كل معانيكي تخرج كل آسراري تفكرني بماضيكي رسمتك جنتي وناري رسمت الحب معاديكي رسمت فـ كل آشعاري حياتي زمان وآنا بيكي رسمت الخدعه خدعتني رسمت القسوة فـ عنيكي رسمتك !! المنشاوي |
رسمت إحساسك الجميل يا منشاوي رسمت وأبدعت وقلت أحلى الحكاوي رسمتها كتير رسمت حب كبير رسمتها بكلام ولا ف الأحلام ولا ف الغناوي نسيت تتأكد من ريشتك هي بترسم مين رسمت حب صادق وصفيت ف النهاية حزين وده حال الحب بنرسمهم بنعشقهم وبيجرحونا جرح ملوش مداوي انتا مبدع انتا فنان يا مانش انتا حد جميل ع فكرة وعاجباني شخصيتك ماشاء الله عليك ربنا يحميك ربنا يوفقك ويسعدك |
الله عليك كتير رائع وكتير فنان بترسم بالحروف اجمل احساس جميله قوووى تسلم ايديك |
ي سيدي ي سيدي ايه الجمال ده طلعت مبدع من ورايا 😆 لا بجد احساس عالي وسرد رائع تحياتي لك |
مش تورينا الصورة الي رسمتها بقن ؟ تسلم ايدك امنشاوي |
اقتباس:
يا حبيبي دا شرف ليا اقسم بالله انك تعجب بيا وانا عشان تقول كلام زي دا ف حقي لازم اكون فرحان ومبسوط ان في ناس بتحبني وانت من الشخصيات المحترمة جداً ومن الناس اللي كتابتها بتعجبني اي نعم مبدخلكش ساعات بس دا تآثير مني ..انا متشكر اوي علي كلامك وعلي شهادتك ليا ودعواتك احلي الدعوات وبجد من آحلي التعليقات علي مدار سنين جتلي جوة مواضيعي هو تعليقك ربنا يخليك وشرفتني بجد |
اقتباس:
ربنا يارب يعزك وانا لو آتكلمت عن آعمالك هتبقة شهادتي مجروحه فيكي متشكر آوي علي تعليقك وكلامك وربنا يخليكي ^^ |
كلمات جميله ، كالمعتاد زي ما بقول دايما ناقصها ملحن هههههه و دا هنلاقيه قريب ليك :105: |
اقتباس:
ربنا يخليكي يا هبهوب ^^ منوراني يا عسليه |
اقتباس:
يعني انتي مشوفتيش الكلام دا؟؟ رسمتك راسمة مش هيا رسمتك كل رسوماتك رسمتك آنتي وبذاتك رسمتك حتي فـ آهاتك رسمت اللبس وحاجاتك رسمتك آنتي وحالاتك رسمت البسمة فـ شفايفك تفتكري الرسوم دي ممكن تتعرض علي حد غيري :d |
الساعة الآن 04:34 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب