|
متوحشنيش بقى تاني _ حصري _ متوحشنيش بقى تاني ... تعبت خلاص ... من نفسي من روحي ... من هجراني حياة الناس ... وأيامي ... من الهوى الساري في شرياني ... من وجع الإحساس ... وليلي الخالي ... من إنساني ... تعبت خلاص ... من حرقة نار وجداني ... من سكوني من خمولي ... من ظنون كل الثواني ... تعبت خلاص ... من دمعتي اللي مش عتقاني ... من ضحكتي اللي مش عارفاني ... منك تعبت ... والله تعبت يا أغلي الناس ... ... عارف ... لو تقولي إنك كارهني مش طايقني مش عايزني ... ولا راجع أبدا تاني ... أرحملي ألف مرة ... ولا اموت كل ليلة علي فرشة الوسواس ... أرحملي من إنك تحايلني ... بكلام في الهوى طاير ... لا بيلمسني ولا بيحضني ... ولا بيرطب ريق الصابر ... متوحشنيش بقى تاني ... تعبت خلاص ... ... ياتجيني ... ياتشوفلك صرفه ترسيني ... نفسي أعيش زي باقي الناس ... فتحي عيسي القاهرة مساء السبت 19-12-2015 |
ما توحشنيش بقى تاني الله الله ده انتا اللي واحشنا يا ابو عيسى وواحشنا كلامك الحلو وإحساسك العالي أستاذ فتحي عيسى نورت المكان برجوعك يدوم ضياء تواجدك الطيب أخي ربنا يوفقك ويسعدك |
جميل ماكتبت ننتظر ابداعك |
متوحشنيش بقة تاني ياغالي وتبعد وتسهرني ليالي مهما ف هجرك طال البعد آنت ف قلبي وبرضه ف بالي متوحشنيش بقة تاني ياغالي |
الله -- الله على الاحساس الجميل حروف توجها أروع احساس تلامس الروح والقلب فتجعلنا نتمنى الا تنتهى بنا حروفك معزوفه ولا أروع تسلم ايديك |
يا سلام يا سلام استاذنا الله علي الكلام الجميل والله ابداع وروعه وجمال واحساس عالي انت فنان وشاعر ومبدع والفكر جميل مع خالص حبي وتقديري لقلمك الجميل |
كلمات عذبه متقنه دائما اجد الابداع بين كلماتك راقيه هى حروفك وقيمه هى كلماتك احترامى |
اقتباس:
علي ترحيبك الغالي مثلك وتشريفك الرائع بكرمه وذوقه وتفاعلك الراقي النبيل شكرا لك أسعدك المولي مودتي وإحترامي |
اقتباس:
يااستاذ تعبت خلاص ... من دمعتي اللي مش عتقاني ... من ضحكتي اللي مش عارفاني ... منك تعبت ... والله تعبت يا أغلي الناس ... ********* ومازال فتحى عيسى يعزف هنا احساس ******* تحياتى وودى ودمت فى حفظ الرحمن ابو نصير |
قلم رائع ارق التحايا |
| الساعة الآن 12:51 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب