ضرب نار بين الكبار .. فلمن ستكون الغلبه ؟ http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://banatmisr.com/up3/uploads/1451577609611.jpg زوار منتديات بنات مصر بشكل عام وأقسام الرياضة بشكل خاص نستمر معكم في تغطية مباريات الدوري المصري الممتاز لهذا العام وكما يعلم الجميع بأن دوري هذا العام بعنوان المتعه والاثاره فقط ونعرض لحضراتكم اليوم أولي مباريات العام الجديد التي تنطلق يوم السبت وسيكون هذا اليوم في مصر بعنوان ضرب النار بين الكبار لوجود مبارتين فقط بين الـ 4 فرق الاولي في جدول ترتيب البطوله وكما شاهدناهم في الأسابيع الماضيه يقدمون عروض قويه لم يتوقعها الجميع وبالتأكيد حينما نتحدث عنهم فاعلموا اننا نتحدث عن 4 أنديه لهم وضعهم الخاص في الكوره المصريه بشكل عام - في تمام الساعه الخامسه بتوقيت القاهره سيكون ستاد الاسماعيليه مسرحا لـ لقاء الداخلية صاحب المركز الثاني والمصري صاحب المركز الثالث - في تمام الساعه الثامنه الا ربع بتوقيت القاهره سيكون ستاد بتروسبورت مسرحا لـ لقاء الزمالك صاحب المركز الرابع وحامل اللقب والمقاصة صحاب المركز الاول المقاصه لديه 22 نقطه من 11 مباراه في المركز الاول الداخلية لديه 22 نقطه من 10 مباريات في المركز الثاني المصري لديه 21 نقطه من 10 مباريات في المركز الثالث الزمالك لديه 17 نقطه من 7 مباريات في المركز الرابع فوز المصري علي الداخلية معناه الانفراد بالمركز الاول في حالة هزيمة المقاصه فوز الزمالك معناه إزاحة فريق قوي جدا من أمامه في جدول الترتيب فوز الداخلية معناه أنه يثبت للجميع بانه تيم قوي وسيزاحم الكبار في المقدمه مباريات بعنوان ضرب نار بين الكبار فلمن ستكون الغلبه ؟! http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
صعب التكهُن بالنتائج ولكن لو هنتكلم على المستويات اللى بتأديها فى المباريات الأخيره فالداخليه أقرب للفوز والزمالك إذا أرادو الفوز عليهم بتأمين الجانب الدفاعي بشكل جيد غير ذلك لن تنتهي المباراه بالشكل الذي يتمناه أبناء ميت عقبه تسلم محمود على الطرح |
وعليكم السلام ورحمة الله فعلا هتبقي مباريات قوية والكوره مش فيها مقاييس خالص ممكن نتوقع حاجة ويجي عكسها تماما عموما نتمني نشوف كوره حلوه يدوم النشاط |
اقتباس:
بس عايزك تطمنا عليك دايما بس مش أكتر وهيكون أحسن من الأهلي والزمالك بالفعل ياغالي هذا ما يتمناه أبناء ميت عقبه الفوز ولا شيء غير الفوز وكما تعلم بأن الزمالك يلعب كوره سريعه وهجوميه بحت لوجود لاعيبه في مركز صناعة اللعب والمهاجمين علي أعلي مستوي وقليل لو لقينا مدافعين علي المستوي في الفتره الاخيره وهذا ما يعاني منه الزمالك وخصوصا في الفتره الاخيره ولذلك فرحت وفي نفس الوقت قلقت من صفقة رمزي خالد اللي هتلعب مع الزمالك قريب ان شاء الله مش قصدي علي المباراه دي ولكن فيما بعد لان الزمالك بيعاني جدا من المنطقه دي لو ملاحظ معايا ان مشكلة الزمالك في الفتره الاخيره لو الخصم بيضغط عليه من الشمال المنطقه دي عموما عامله زي الجرح عند الزمالك وهذا ما لا يريده ابناء ميت عقبه كل ما علينا ان نساند فريقنا بكل ما أوتينا من قوه واللاعبين والجهاز الفني بالكامل يعملوا اللي عليهم والتوفيق من عند ربنا بخصوص الداخليه ف برأي انها ستواجه صعوبات كبيره جدا في المباراه نظرا لوجود حسام حسن مع المصري في الفتره الاخيره وانت تعلم تماما بان حسام حسن رجل المهمات الصعبه هذا الموسم كما شاهدناه من قبل وهو يقتنص نقاط المباراه بكل سهوله وفي أخر المباراه ولديه أوراق رابحه اتمني أن نشاهد مباراه تليق فريق بحجم الداخليه هذا العام وبحجم المصري اللي بيقدم أداء ومستوي مرضي لكل أبناء بورسعيد بالتوفيق للزمالك في المباراه الصعبه جدا أمام المقاصه وبالتوفيق للمصري في المباراه الأصعب أمام الداخليه وانت منورني يابو قلب طيب |
اقتباس:
من يلعب ويؤدي داخل الميدان هو من سيكون له الغلبه بالتوفيق للزمالك فيما هو قادم وبالتوفيق للمصري منوراني ندي |
ان شاء الله الزمالك الزمالك مايخليش باله من الدفاع والمقاصه تظبط الاداء عشان عايزين ( نبل الشربات وننبسط ) :517: مباراة الزمالك اكيد صعبه جدا واعتقد هتكون مباراة قويه المقاصه ماشى بشكل جيد جدا معاهم مدرب محترم ميزته انه عارف امكانيات لاعبيه عكس باكيتا الزمالك لسه معرفش امكانيات لاعبى الزمالك دا غير استقاله طارق مصطفى وقبلها الشيشينى فالعمليه اعتقد مش تمام . دا غير ايقاف باسم مرسى الى لسه مقدمش اى حاجا الموسم دا وتقريبا ايقاف كوفى صاحب المستوى الضعيف الفتره الى فاتت مع انى شايف الايقافات دى فى مصلحه الزمالك . المصرى والداخلية مباراة قويه جدا الداخلية عامله موسم رائع واعتقد هتستمر لفتره بالشكل والاداء دا بس مش هتستمر لاخر الموسم اعتقد الداخليه هتعمل حاجا او على الاقل هيكون تعادل ميزة الداخلية لما بتلعب خارج ارضها فريق بيعرف يقفل كويس جدا وفى اخر 10 دقائق بيعرف يخلص نفسه فى هجمات مرتده زى ما عملت مع الاسماعيليى اعتقد هيحصل مع المصرى . عموما نتيجه المبارتين هيكونو فى مصلحه الاهلى فى حاله الفوز على الانتاج الحربى . |
اقتباس:
المباراه الاولي بالفعل بين المتصدر وصاحب المركز الرابع ستكون مباراه قويه جدا وفي ظل غياب محمد كوفي اعتقد ان البديل موجود وانت عارفه كويس و بديل باسم مرسي موجود اتمني مشاركة محمد سالم بدل من مكي في هذه المباراه بالتحديد لعدم توفيق مكي في المباريات الماضيه ربنا يكرم ان شاء الله ونشوف مباريات قويه بين الكبار ومباراة الاهلي امام الانتاج ستكون مباراه سهله جدا والاهلي بخبراته الكبيره هيحسم اللقاء منور صديقي العزيز |
بالنسبالي الداخلية التوفيق كان معاها في فترة كبيرة الموسم دا المقاصة بتقدم اداء افضل منها لكن الداخلية التوفيق ساهم كتير في عدد نقاطها فرص غريبة بتضيع من الخصم وركلات جزاء بتضيع وهما بيسجلوا من انصاف فرص في فرق بتحطهم في ال 18 الماتش كله لكنهم بيسجلوا وبيكسبوا :D توقعاتي تعادل الداخلية والمصري , وفوز الزمالك علي المقاصة امنياتي فوز المصري وفوز الزمالك (y) |
فل عليك يا كبير واللى هيقدر يقتنص الفرص ويستغلها صح هو اللى الفوز هيكون حليفه بقى بس هى الماتشات اتلعبت ولا لسه الاسبوع اللى جاى بقى |
الساعة الآن 10:30 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب