|
تحليل منطقي اداره الزمالك السبب فى اللى بيحصل. وللأسف من فترات طويله مش دالوقتى بس. ميدو مش هيحقق اى حاجه انسان مغرور ومتسلط وصعب يعترف بخطأ بس ادينا هنشوف تحليل وافي يامستر محمود تسلم |
مالك يابنى خليك رويح كدا ^_^ انا بس اعتراضى على حاجا بقى يا راجل المقاصه مش فريق تتعادل معاه والداخليه فريق برضو ماينفعش تتعادل معاه انتا بتكلم عن اول وثانى الدورى واحسن فريقين بيقدمو كورة عموما مجلس ادارة الزمالك بيكون صعبان عليه الاستقرار للنادى ودى مش جديدة على مرتضى وانا متوقع سقوط ميدو قريب جدا خاصه وانك داخل على مباريات قويه أنبى والاسماعيلى والاهلى تخيل لو تعادل وخسر فيهم هيكون رد فعل مرتضى ايه دا غير مباراة الداخليه الجايه الصعبه جدا على الزمالك واتوقع التعادل او الخسارة فيها كمان للزمالك لان ميدو اكيد هيفكس فى التشكيل عشان يقول انا موجود . مشكله الزمالك ان فى فرق كبير بينه وبين الاهلى الزمالك لو خسر واتعادل يغير مدرب الاهلى بيصبر على المدرب حتى لو النتائج مش كويسه معاه بس بيحاول يحافظ على المدرب لاكبر فتره ممكنه زى جاريدو الموسم الى فات كان مقدم أداء سيىء جدا ونتائج صعبه بس صبر عليه صحيح الدورى والكاس راحو بس ماينفعش كل مدرب يخر ماتش ويتعادل ماتش والا اتنين اقوله امشى . |
هههههههههه هتصدقني يا غالي لو قولتلك ان كلامك نكته طيب صورة الموضوع ايه علاقتها بموضوعك ؟ انت بتثبت فعلا ان الاهلى حارق دم الزبالكويه يلا اهو انا قولت زبالكويه زي ما انت حاطط الصوره دي رمضان الحراق :18: طب هنتكلم جد بقى انا قولت اعيش دور المتعصب شويه لاقيت انه دور دمه تقيل ومش لوني اصلا المهم التعديلات اللى زي دي حصلت مع الاهلى زي ما هى شغاله معاكوا وانت قللت من الفرق اللى قولت اسمها والعجيب انها افضل الفرق دلوقت وواخده اول المراكز خليك متواضع عشان زمالكك تاخد الدورى :04: كله بطيخ بقى سيب الناس تلعب يا عم المهم الشعب يفرح وينبسط :18: |
اخي الحبيب محمود لاتزعل اخي وتتعب حالك انت ناقد جيد لكره القدم دول انديه ولا نعلم كيف يفكرون وهم جلوس علي كراسيهم العاج علي كل حال الامر غريب واني لاري الاهلي والزمالك فرق عاديه خالص ها العام كنت زمان اشد منك تعصبا للاهلي مليار مره ولعبت مع الاهلي حوالي خمس مباريات وتركت لظروف والان عادي جدا جدا جدا نحن نتعب ونحرق اعصابنا واللاعبين ولا هما هنا شئ مؤلم ان نري ملايين تدفع في لاعبين مستواهم عادي واني اعتقد ان الزمالك كبير علي ميدو وانت شوفت ميدو مع الزمالك قبل هيك التدريب دراسه وعقل واداره مباريات يسلموا اخي الناقد الكبير الذي احب قلمه محمود |
اقتباس:
محدش يقدر ينكر نجاح ادارة الزمالك في الموسم الماضي ولكن مايحدث داخل نادي الزمالك في الفتره الحاليه لا يرضي عشاق ومتابعي الزمالك ! منورني ياغالي |
اقتباس:
ف بالمقارنه بيننا وبين الانديه الاخري نحن أفضل بكثير ! ولكن كما ذكرتي دمعه بان القرارات المتسرعه هي المشكله ولكن وجود مرتضي منصور داخل الزمالك في الفتره الحاليه مهم جدا للرد علي من يتطاول علي نادي الزمالك سواء من الاعلام أو غير الاعلام منوراني دايما |
اقتباس:
هي السبب لما يحدث داخل نادي الزمالك ونحن جميعا ضد إقالة باكيتا أو البعض منا لان بعض جماهير الزمالك تؤيد القرارات انا بتكلم عن شخصي انا وضد كل مايحدث داخل نادينا بالتوفيق للزمالك في الفتره القادمه منوراني دايما رودي والله |
اقتباس:
أعصابي وليا تعقيب علي كلامك كله من الأول للأخر وهبدأ معاك نقطه نقطه ودايما كده لازم نكون مختلفين مع بعض وده اللي بيكون سبب النقاش المحترم اللي بينا لو جينا نقارن الداخليه والمقاصه مع الاهلي و الزمالك والصفقات والوضع والكلام ده هنلاقي ان ليس من الطبيعي ان يتعادل الزمالك مع المقاصه أو ان يخسر الاهلي من المقاصه انت شخصيا راضي ان فريقك يخسر من المقاصه حاجه ترجعلك لكن نحن ك جمهور الزمالك لن نرضي عن هذا تماما نظرا لوجود الفروقات بين الفريقين ! بخصوص ادارة نادي الزمالك اللي حضرتك ذكرت انها غير مستقره ومش عارف بأي منطق بتقول انها غير مستقره ؟ انا خلافي مع ادارة الزمالك بعض القرارات فقط لا غير ولكن بالاحصائيات وعلي الورق ادارة الزمالك الحاليه ادارة ناجحه و كونك انك اهلاوي ف ده يكفي انك تكرهه شخص زي مرتضي منصور ناجح في اداره نادي الزمالك وسبحان الله انت بتكلمني ان مبارياتي القادمه كلها صعبه وانت مبارياتك سهله مع انك لسه هتقابل نفس الفرق تقريبا ومن ضمنهم الزمالك وأفتكر ان صعب التوقع لمباريات الاهلي والزمالك في الفتره الحاليه ! وبخصوص ادارة الزمالك الناجحه في الموسم الماضي وبمقارنه مايحدث هذا الموسم مع الموسم الماضي من اقالات وكلام من ده ف هو امر متشابهه تماما حضرتك بتقولي طبيعه مرتضي منصور عدم الاستقرار ؟! بأي منطق تقولي كده ونحن جميعا ف الفتره السابقه شاهدنا مجلس اداره المنافس التقليدي في مشاكل ودائما وابدا تتحدثون عن الزمالك وتحاولو ابعاد النظر عن مشاكل ناديكو ! بخصوص توقعك لسقوط الزمالك ف أمر طبيعي انك تتوقع كده ولكن احب افكرك ببعض الامور البسيطه من الموسم الماضي وتقريبا ده كان كلامك الموسم الماضي وأولها في بداية الموسم وكانت بداية الزمالك سيئه للغايه و 3 تعادلات متتاليه والاطاحه بحسام حسن وسمعنا من الجميع بان الزمالك انهار والرد الوحيد بان الزمالك كان متصدر البطوله من اليوم الاول لـ الاخير ! ثانيها هروب المدير الفنى باتشيكو قبل مباراة بيوم وأيضا سمعنا بأن الزمالك انهار والحمدلله وقف مرة ثانيه وتماسك ثالثها الخسارة من انبى بفضل محمود عاشور والجميع قال بان الهزيمه ستكون شعار الزمالك فى المبارايات التاليه ولكن تماسك الزمالك مرة اخرى رابعها التعاقد مع فيريرا والاطاحه ب محمد صلاح وكارثة الدفاع الجوى والانشقاق الذى حدث بين مشجعى الملكى والادارة وعمر جابر وبعدها قال الجميع بأن الزمالك مع عودة الدورى لم يتمكن من الصدارة ومع عودة الدور التاني من الدوري الزمالك تصدر البطوله للأخر ! خامسها وده الاهم بالنسبه لكلامك ورد علي كلامك كله خامسها الزمالك الفريق الوحيد فى العالم الذى غير 4 مدربين فى موسم واحد ولم يؤثر على مستوى النادى سادسها الزمالك النادى الوحيد الذى غير جلده بالكامل وتعرض لهذه المواقف وتوج بطلا للدوري العام بخصوص اداره ناديك استنت علي جاريدو وكانت ايه النتيجه ؟ ادارة الزمالك غيرت 4 مدربين الموسم الماضي وكانت ايه النتيجه ؟ أرجو عدم الاستعجال في الحكم علي الزمالك لعدم تكرار سيناريو الموسم الماضي وخصوصا ان فريقك أيضا مستواه متذبذب شويه تلاقيه حلو وشويه تلاقيه اسوء من السيء ! كلامي مش معناه ان مع ادارة الزمالك في القرارات الحاليه انا ضدها ولكن حبيت أوضح بعض الامور ممكن تكون نسيتها |
اقتباس:
توفير مهاجم سوبر في صفوف الفريق وصورة باسم من الماتش ده كان أخر ماتش باسم متألق فيه ف بفكر الناس الماتش اللي باسم سجل فيه والموضوع ملوش علاقه بالاهلي وعلي فكره مش لايق عليك جو التعصب :04: انا لم اقصد التقليل من أي نادي أو اي فريق ولكن بالمقارنه بينهم وبين الاهلي و الزمالك ف ليس من الطبيعي ان يخسر الاهلي من المقاصه أو يتعادل الزمالك مع المقاصه أو يخسر من الجيش ! مايلعبو ياعم انا قولتلهم ماتلعبوش :317: حبيبي ياماجيك |
اقتباس:
موضوع أو تحليل لما يحدث ويأتي العمالقه مثلك للرد ! ولكن كيف لا يصيبني الحزن والقهر وانا أري النادي الذي أعشقه يعاني أشد المعاناه ! بالله عليك كيف لا يصيبني الحزن ؟ وأنا أري ناديا يمر بتلك الظروف التي سيكون سببها تدمير مستقبل الزمالك بعد أن عاد مجددا لمنصة التتويج ! من الواضح بأن ادارة الانديه الشعبيه والكبيره مثل الاهلي والزمالك يعملون لمصالح شخصيه وماهي الا فترة رئاسه فقط لاغير الاهلي والزمالك هذا الموسم مستواهم متراجع تماما واتوقع ان يفقد الاهلي والزمالك نقاط أكتر وأكتر ميدو مدرب كبير جدا ولكن ليس المناسب في الزمالك في الفتره الحاليه السؤال هنا ياغالي هل يعقل أن يتم الحكم علي باكيتا بعد 4 مباريات فقط ؟ لا اعلم كيف تسير أدارة الزمالك الان ! منورني دايما ياغالي ومرورك شرف لي |
| الساعة الآن 10:50 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب