|
يوميات مـغترب فى بنـات مصر بسم الله الرحمن الرحيم كل واحد لما بيسافر بيكون حاطط أحلام وردية أنة عدى خلاص مرحلة الأفلاس ودخل على مرحلة تعبئة الأكياس بما لذ وطاب من الدنانير والريالات الشاب بينام ويحلم قبل السفر ويقول أمتى يجى العقد وخلاص أخدها من قصيرها وأفك للعلم الغربة مش بتكون غربة ودة لحالات مش كتير ألى هما العلائلات الأب والأم والأولاد دول بيبقو مع بعض ومهما تغربو مش بيحسو بغربة لأن الجو الأسرى بيكون موجود أو للى رايح زيارة وراجع فى السريع الغربة بتكون صح على أى شاب فى بداية حياتة وبعد الشاب ما يخلص خلاص كل أوراقة ويحجز تذكرة السفر ويوصل البلد الى هو قاصدها وبعد ما يروح خلاص ويستقبل من أصدقائة فى أول تلت أيام هنا بقى يبتدى مرحلة البحث عن العمل ودى مرحلة حتكلم فيها المهم فى الغربة هناك أما تجمع يعنى كام شاب مع بعض فى شقة واحدة.... أو أنك تقعد لحالك فى غرفة واحدة وألى بيحصل كتالى فى السكن المشترك هناك مهام @@@@@ طبعا واجب الضيافة خلص وجينا بقى بعد ما أستلمت العمل للجد عليك مهمات لازم تقوم بيها وهى الشفتات فى تجهيز الواجبات يعنى يبقى عليك أنك تجهز الفطار والعشاء لان وقت الغداء بيكون الكل فى الشغل تجهز بقى وأنت وشطارتك تعرف تطبخ ولا تخلى الأكل سلطة المهم أنك حتتطبخ يعنى حتتطبخ مفيش بقى تزويغ ومش بعرف أعمل ؛؛؛أنت عليك نبطشية يبقى أعملها وأنت ساكت وبعد ما تخلص تقوم على المجلى وتغسل كل ألى جهزت فية من أطباق وبعد كدة يكون عليك يوم تشترى طلبات للسكن ؛؛؛ نخش بعد كدة لو أنت مغترب شاطر حتشترك فى غسالة تغسل فيها هدومك ولو مغترب مسافر تلم قرشنات يبقى تجيب طبق بيلاستك وتغسل فية وأمرك ألى الله ولو حالتك برة كويسة ودخلك مرتفع حتودى ملابسك للدراكلين غسيل وكوى مرحلة الصحيان الصبح بتظبط منبهك الصبح على الصحيان الساعة الخامسة والنصف صباحا لانك على بال ما تتقلب يمين شوية وشمال شوية وأهه بقى لو صحيت لقيت الجو بيمطر يبقى يومك حلو قوى فى الصحيان وتقول أنا أية ألى جبنى من بلدى ما كنت دلوقتى لسة نايم بسى غصب عنك لازم تقوم تعمل نوبة صحيان ولو المية باردة يبقى حتتجمد ولو عندك سخان يبقى كويس انت بتحافظ على صحتك فى الأخر لازم تصحى وتروح لشغلك حتى لو مش قادر تمشى وبعد ما تروح الشغل اوالشغل بيكون من تسع سعات ل12ساعة أنت وحظك يأما ربنا يوقعك فى مسئول أبن حلال يأما ربنا يوقعك فى مسئول يطلع عينك وكل شوية يقلك خلص خلص شو سويت شو عملت أنت جاى تنام جاى تلعب كأن مفيش حد وراة طول اليوم ألا أنت وجاى بكل عقد والهم الى مراتة مطلعة عنبية يطلع همة فيك أنت ؟ وحرام كلمة حلوة تطلع من بقة برغم انك مش مقصر فى شغلك بسى لازم تتحمل أنت فى غربة ولازم بقى تتحمل تعبها وفى النهاية الناس فى مصر منتظرين الهدايا والشنط الى حترجع بيها مهو أنت رايح تجيب وتعبى للحبايب والقرايب وزوجتك منتظرة عتريس وحبيبتك منتظرة عنترة جاى ومحمل والناس طبعا تبقى معشمة فيك كل خير وأنت ما يصح تزعلهم الغربة برغم قسوتها ألا أنها بتعلمك كتير جدا جدا على فكرة كل ألى قلتة دة يعتبر شىء بسيط جدا فى يوميات المغترب فى الغربة أشوفكم بخير |
الغربه مش تصريح سفر ولا بالرحيل بشنطة سفر الغربه هى الغربه عن الروح انك تشعر بالغربه وسط أهلك تشعر بألم الوحده مع نفسك ما أصعب ان تبات على الخد دموعك وتشعر الروح بغربتك ورحيلك ولما تفارق الروح الجسد بوجودك أصعب غربه لما تجلس وسط أهلك فلا تستمع الا لصوت أهااتك وتنظر بعيونهم والروح تنعى حالك فالغربه غربة روح وليست غربة جسد |
مظبوط أمجد والكلام ده برضو سمعته من أكثر من زميل ليا فى الشغل سافرو وقالولي نفس الكلام .. البلد حالها وحش أهاا بس اللى معاه شغل ثابت وبمرتب معقول منصحهوش بالسفر |
انت شكلك زهقان اوي من الغربه يا ساحر الغربه فعلا زهق وقرف وسيبك انت من ده كله الشويه بتوع الصبح دولت المشكله كلها والواحد بيبص من تحت البطانيه شويه شويه علي ما يفكر بس يصحه فيها ساعه ونص الغرب مش فلوس بس الحمد لله عملت فلوس كتير اوي بس هتقولي هيه فين اقولك البيت اخد شويه والجواز اخد شويه والباقي باكل بيه البط اللي في البيت ههههههه انت عمال تحوش من زمان يا ساحر زمانك دلوقتي عملتهم علي قلبك زي الرز ههههههههه ربنا معاك ومعانا |
الغربه حاجه وحشه جدا انا بقولك كده وانا مجرباها وكنت وسط اخوتي مابالك لو متغرب لوحدك.. ربي معك والله شئ مؤلم جدا بس كده يسعي ورا رزقه وربنا كريم ربنا يسعدك يا امجد |
اقتباس:
يا حاجة حتخلى الدموع ترجع فى عينى تانى مش تاخدى الامر برومانسية وخليكى واقعية نورتى شاعرتنا:73: |
اقتباس:
بسى حتلاقى الشغل بدخل معقول مش كتير وانت شاب وفى مقتبل العمر حتعمل اية حتلاقى نفسك مضطر للسفر نورت يا حودة |
اقتباس:
الصحة بقت فى النازل من كتر الكلام:a_006: ضيعت نص الدنانير فى الجواز ماشى انما النص التانى فى اكل البط دلوقتى انت سمنت ومش قادر تجر رجليك:245: اهو كويس انك فاهم الفولة حبيب نورت يا صديق الغربة |
اقتباس:
مجرباها انتى هاجر شكرا ليكى ولردك نورتى |
اقتباس:
بس متخفش الصحه في التمام ايوه في اكل البط جايبلي 7000بطه وبيقولي علشان لما تنزل تاكل بس يا عم اضحك وانبسط وعيش ايامك اعمل زي اخوك وانزل اقعد في مصر علطول |
| الساعة الآن 01:57 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب