100 مرة
 

بلوم نفسي.. واقول نفسي
واهي غلطة متتكررش
واقول علي الحاجة 100 مرة
ومبتحصلش
تتغير كل حاجة في عيني
لكن انا مبتغيرش
انا اضعف.. انا مش قادر اتغير
اموت واعرف.. ليه الاحلام بتتمرر
وكل فكرة جميلة.. نحسبها سنين طويلة
وفي لحظة نكتشف.. عمر الاحلام دي قصير
سقف الطموح مربوط.. بالحالة والعيشة
وكل جديد.. قديم برضه
مشهد وعمال يتكرر
يوم يعدي.. ويوم يروح
ومفيش مجال تندم
علي حلم راح او فاتك
لو كل واحد.. وقفت حياته عشان علطة
هتتلخبط كل حساباتك
علشان مفيش بنا ملاك
او حد مبيغلطش
وارجع الوف نفسي.. واقول نفسي
واهي غلطة متتكررش،
واقول علي الحاجة 100 مرة
ومبتحصلش
Ahmed adel
5-1-2016

احنا كدا نلوم نفسنا ونرجع تانى نكرر

كلمات يائسة ونبض حزين

تفائل بالخير

تسلم ايدك لما نثر هنا
اسعدك الرحمن

ولما يتعلق الامر بالقلب لا تصدق الوعود
القلب يقسم ويقسم ويقسم ثم بعدها يعود
ولا يهتم لاي رادع ولا يخاف منا شهود
والقلب يرجع فى كلامة 1000

الجميع يخطئ ولا مجال لمحاسبة الذات

والاحلام عمر ماتحقيقها كان سهل

راقتني كلماتك

دمت بخير أ.أحمد

هي النفس البشريه كدة
تغلط وما تتعلم من الغلط وتغلط مرات ومرات
وفي كل مرة يكون الندم هو البطل
لكن نتناسى دوما تلك الاخطاء
و نعود الكرّه

الندم مش بيفيد فى حاجه ومش مهم نغلط
المهم نستفيد من الغلط ومنكرروش
بس اوقات احنا بنعشق اخطائنا وللاسف نكررها تانى
تسلم كلمات رائعه

أغلبنا بيعيش نفس اﻻخطاء
نعرف انها خطأ..ندي وعود لنفسنا ونرجع نكررها.
أهم حاجه فعلا يكون اﻻنسان منا عنده عزيمة مايقعش فى الخطأ.

تعبير بسيط و رائع
تسلم أحمد