|
انت جيت يا رمضان (مسابقه ضدي وضدك ) تحيه طيبه للجميع فاكرين انت جيت يا رمضان -------- مسرحيه كانت من زمان بتصور حال حواء اول شهر زواج حواء جميله وحبوبه وقلبها حته سكره وتاني شهر جميله وقلبها ريحان وفل كمان وتعدي الايام سلامات ونايمه ومش قادره الحقني حاسه بدوخه يا رمضان سلامات يا نور العين ما يكنش ال بالي بالك ايوا ياراجل الله الله انا سعيد ومبسوط هيجي ولي العهد والدنيا هتنور بيه والكل مبسوط وسعيد ودانا الاهات وسيبك ياراجل مش عاوزه عزومات ريحه الاكل بتتعبني ومش طايقه ريحتك خليك بعيد عني كلامك صحيح يا فتكات ايوا كدا واسال حاضر يعدوا علي خير الايام والساعات واشوفك شايله ولي العهد وفين ايام زمان لما كنت حواء بتحمل وتولد من غير اه واهات ولا متابعه عند الطبيبات وصحتهم زي الفل وتاكل ناشف اخضر هات الوقت اختلف حبيبي واستحمل علشان خاطري وكلها لحظات حاضر امرك يا ست الستات وطول اليوم اه واهات ومش قادره وصور واشعات واكل مخصوص وحياتك ولازم كل الطلبات والبيبي ولد ولا بنت لازم نعرف علشان الاستعدادات وعلي مذركير رايحين خد وهات مش ابنك ال جاي حاضر يا ست الستان وفي يوم ولحظه من اللحظات الحق يا رمضان الظاهر ابنك جاي والحمد لله وصل ونور الدنيا ورمضان اصبح في خبر كان الولد الاهم يا رمضان دا نور عينينا ولا ايه رد يا راجل ايوا صحيح واملي وفرحتي كمان بس لازم تعرفي اني بحبك تكوني زي زمان انيقه رشيقه مهتمه بالموضه والتغيير اليومي كمان ياراجل انت اتجنيت الولد واخد وقتي وجهدي كمان يا رمضان نعم شيل الواد علي ما احشي البتنجان وحشت البتنجان والكوسه كمان وانا برضع واغير البامبرز كمان يا رمضان خلي بالك من الفرن علي ما اكلم ماما واخواتي في الفيس مشغولين خطوبه اختي الله يكون في العون ولو المحشي استوي اطفي الفرن واستني شويه شوف الغساله تبع البيبي ربي يخليك يا رمضان طيب وانا فين خلاص يا راجل نام وارتاح يجي عليك الصباح انا طول النهار مشغوله وابنك مجنني عياط ومش عاوز يروح عني وتمر الايام والرشيقه الانيقه زادت في الوزن وعدت الميه كمان واه يا ركبتي والاولاد كتروا وطول النهار روح وتعالي يا رمضان اصبحت ام العيال ورمضان ولا علي البال وعندها من كل شكل ولون وهو اللبس ما يتغير والحجه التعب من ولادك والشقي يا رمضان اقول فينك يا زمان لما كانت حوريه بتلبس علي الموضه ووزنها خمسين وطول اليوم امام المرايا وتقولي رايك حبيبي ايه افضل افكر وتقولي مالك سارح ليه متغير ليه زهقت مني ولا ايه احكي يا رمضان انا عارفه اني الاولاد ابعدوني عنك وانت عاوزني هايفه ولا شاكيرا ولا نانسي كمان انا مش عاوزك حد من دول خالص انا عاوزك تكوني ام العيال وحلوه وجميله والمكياج مش هياخد من وقتك دقايق والاقيكي في احسن حال والله يا حواء سهل وبسيط خالص وكل حاجه الان غير زمان يعني لا هتتعبي ولا تشكي كل شئ توماتيكي توماتيكي وحتي السرير كمان عاوزك تكوني زهره منوره ليا وللعيال انتي قنديل البيت ليه تطفيه بيدك وكل شئ حدك وحياتك غيري فكرك وارجعي زي اول شهر وتاني شهر وانسي اني اتغير عليكي ابدا خليكي فل وورد وريحان وكل شئ سهل وبسيط واوعدك بكل جمال واشيلك جوا القلب زي زمان انا تعبت يا حوا والجمال كتير ومتوفر وحياتك ارجعي زي زمان دا عيب خطير في حوا لما حياتها تخليها للاولاد وبس ورمضان غلبان انت جيت يا رمضان يا وليه اتلحلحي والبسي ونوري رمضان عنده لسان وبيشوف كل يوم جمال وجمال واكيد هيتغير ويسوء حالك مع الايام هي دي حواء مع الايام طبعا م كلهم بس فيه حواء كتير ماشيه علي هادا الحال |
ممممممم يااااربي كل دا فى قلبك وساكت . كل دة عملتة حواء ..دا كدة بقت كارثة او قول بلاء وانت يا عينى يا سي حازم .ماشي على الحق وملازم مساعدة حتى بحنية وجايب الوردة ال هي وتقول لها يا اغلى مالية انت شكلك تعبان اليوم .خليك حببتى ما تقوم من النوم .وانا اصحى لعيالى واقوم .البس وودي المدارس .انا يا عمري بكي حاسس والنعمة لاجبلك الفطار ولقمة فى بقك هم يا فار. وتجدد فيها ناشطها وتنسي نصبها ال شاطها فى شبكت قلبك يا سي حازم البت كانت ملكة جمال وكان للكل حلم وخيال .واخترتك يا سيد الرجال دلوقتى خلاص ما هى عجابك ..صحتها راحت صحيح ويالك هاملها لا رحمة وعانياة .شكلها ما هو عجبك اية الحكاية . هو ممكن اسال عندكم فى البيت مراية.. تكنش شكل شاروخان ولا تكون يا عينى الجنتل مان .والله دا انت هتجبلى جنان احمد ربنا يا اخينا ..وياك تانى تيجى علينا . اصل والنعمة تكون ندمان . واضرب لحوا تعظيم سلام . |
انت جيت شهقه يا رمضان حقا انت جيت شهقه يا رمضان ينيلك يا ابو صيام..... ايه يا عم دا |
اقتباس:
ما انا عارف انكم في الرد لبلب وما يفوتكم فوته هو انا حكيت اني مقصر يا خرابي علي عقل حواء في الرد استاذه وما جابتهاش ولاده وتلاقيها بالف لسان طيب ايه رايك لو كنت احسن من شاروخان وكنت جنتل مان وبساعدها في كل طلباتها كمان وعمري ماقصرت بس احكوا عين العقل يا جدعان خليكوا منصفين وقلوا الحق ولو كان فين بالذمه دا كلام وهو الاهمال ليه ما احنا ال تقدر عليه وطول عمرنا منصفين لا بنبص علي كيم ولا صابرينا بنقول عندنا ام العيال ملكه وقمر كمان بس ال في قلبنا قلناه ولازم نحكي ونقول تمام التمام عندك حق يا ادم انا عارف لا حق ولا مستحق اهم حاجه تكون حواء مستريحه بس نورتي استاذه الكلمه والله وردك الجميل طبعا حواء لها الخير كله بس بنحكي بس ونقول ال في قلبنا لكي مني خالص التحيه والامنيات الجميله ادم الغلبان |
اقتباس:
ههههههههههههههههههههههههههههههههههههههههه هههههههههههههههههههههههههههههههههههههه هههههههههههههههههههههههههههههههه ياربي علي الجمال والرد الحلو دا مش ممكن تصدقي انا نسيت خالص شهقه يا رمضان والله ضحكت كتير ربي يسعد قلبك انا قلت ال في قلبي وقلب ناس كتير هههههههههههههههههه نورتي والله لكي مني خالص التحيه اسعدني مرورك الجميل دايما |
كل ده عملته فيك ربنايكون فى عونك ياعم رمضان ههههه والله انت عسل ياحازم حلو الكلام بالتوفيق |
حضرتك شايل ومعبي ههههههه مش عارفه مالكم علي حواء دي جميله خالص بالعكس :( تسلم أ.حازم موفق |
اقتباس:
تصور كل دا وساكت ومتحمل ههههههههههههههه انت العسل كله والله يا رفعت اسعدني مرورك بس خلي بالك حواء بيكون لها تكه بسيطه كدا حلووووه كتير بتخلي الواحد يتحمل ههههههههههههه اسعدني مروك الجميل |
اقتباس:
شفتي بقي متحمل وشايل كل دا طيب ما انا قلت قلبها عسل وقلبها فل ورد وكل شئ جميل حواء فيها كل شئ جميل بس لما تهمل بتهمل وبرضك ما بنقصر طبعا حواء جميله خالص خالص خالص نورتي والله واسعدني مرورك يسلموا يارب يا اطيب حواء |
انت جيت يا رمضان كل سنه وانت طيب ياخويا مش عايز الواد استحمل بقي بعدين بذمتك اشيخ فيه رجل بيغير البامبرز للعيال بطل تتفرج علي افلام جرب كدة تشيل بيبي و اقف في المطبخ واعمل اكل وانت شايله والله ما تقدروا ولا تستحملوا اللي احنا فيه بعدين هو ايه اللي كله توماتيكي دة حوا تبقي قاعدة علي السرير وتدوس علي الريموت تشتغل الغساله شويه تدوس الغسيل يطلع لوحدة ويتنشر كمان ساعه تدوس تاني يتلم ويطبق ويتحط في الدولاب ياعم اتكلموا كلام معقول ولو سابت الواد وقعدت قدام المرايا شويه تزعقوا سايبه الواد يتفلق وقاعدة حضرتك قدام المرايا بلاش افترا علي حوا وخلاص وقبل ما تتكلموا علي شكل ولا وزن حوا بصوا في المرايا الاول وعجبي موفق |
| الساعة الآن 06:27 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب