منتديات بنات مصر

منتديات بنات مصر (https://forums.banatmasr.net/)
-   إستراحة آدم الثقافية (https://forums.banatmasr.net/f267/)
-   -   رجل فقد عقله (مسابقة ضدى ضدك ) (https://forums.banatmasr.net/msryat540947/)

(طائر الشرق) 01-10-2016 10:54 PM

رجل فقد عقله (مسابقة ضدى ضدك )
 
1 مرفق


السلام عليكم ورحمة الله

مساكم الله بالخير

وبعد صراع طويل أشترك لا أنسحب

أيمان عملتها فينا وعرفت تدخلنا حلقة الملاكمة

ودخلنا فى صراع ميعرفش نهايته غير ربنا :m34:

كنا راضين ومستحملين وقلنا عيشة وأخرتها موته

لكن هى دى الحياة فيها بسمه وزوجه مفترية

ندخل فى الموضوع

هرد بأعلى صوت

مين يقول على نفسه غلطان فى الزمن ده هى فين الحقيقة

من البداية اتعهدنا على الحلوة والمره اصل الكلام كان فى الحب

من غير فلوس من غير تكاليف رسالة فيها كلمتين حلوين وزيارة

لبيت أهلها هم يا دوب ثنيتين كنتى لابسه وش ملاك برئ والأبتسامه

صاحبك الأنتيم والرقه يا عينى والحنان والصوت متسمعوش الودان

والأحلام كبيرة يا عينى قصور وصبيان وبنات أنا هعينك عليها يا روحى

مش قالو خلف كل رجل عظيم امرأة وأنا زى العبيط صدقت كلامك

دينت نفسى لليسوى وميسواش وبعد الفاس موقعت فى الراس شفت

وش تانى أتضح أنى أتجوزت ست أسمها عباس رايح فين وجاى منين

جبت ايه ومجبتش ليه ولما ارد وأقول يا بنت الناس الرحمة حلوة تصرخ

هو أنا مش زى الناس ولا انا أقل من فلانه ولا علانه أخرج وأقول اللهم

أخزيك يا شيطان يمكن أعصابها تعبانه أسيبها ترتاح ولا أرجع ألقاها

نعسانه ويعدى يوم ورا يوم وديونا تنزاح وحالنا يتعدل ونعرف نرتاح وأنا

بقول بينى وبين نفسى فين كلامك ياعم عباس قصدى يا مراتى لما قلتى

خلف كل راجل مقهور امرأة لما ارجع من شغلى القاها نايمه والبيت يضرب

يقلب وكل حاجه فيه متكركبه وانا اللى بحلم أنى أرجع ألقاها وردة مفتحه

والأبتسامة مبتفرقش وشها والكلمة الحلوة مفيش غيرها فى بُقها وبيتنا

الصغنن جنه مفيش زيها لكن الظاهر أنا كنت بحلم أو أنى فى زمن غير الزمن

أو أنى اتخدعت وتجوزت أختها فتكات وياويلى ياىسواد ليلى لو زعلتها يوم

أسمع نشرة الأخبار بعنوان يا حسرة وانا زى مين من البنات وأسمع كلام

ضرب نار تنسى كل اللى فات وتقول أنا مشفتش معاك يوم حلو ليه يارب كل

البنات متهنين الا أنا بختى كده زعلانه منى لأنى يوم حاولت أنى أفهمها أن

الأنوثة مش أظافر ملونه ولا مكياج فوق رمشها أو أنها تغير ملامح وشها

مفيش وراها حاجه غير أهتمامها بنفسها أما أنا والبيت رمتنا ورا ضهرها

ولما أخرج هربان منها أدور على الضحكة بين صحابى تقول عنى خاين بدور

أزاى اهرب منها ولو قلت رايح أصلى تقول عملها حجه تغور بيها من هنا

أحترت وحتار دليلى ولما أغضب لأنى بشر وأرفع صوتى ترد وتقول عندك

أنت مش جيبنى من الشارع أنا بنت ناس أنت متعرفش أنا بنت مين بيت أبويا

أولى بيا وفى النهاية أطلع أنا غلطان

أروح أراضى وبوس الأيادى وقول أنا ندمان بحافظ على بيتى وسمعتى بين الجيران

أرجع مكسور الخاطر ومقهور ويستلمنى الشيطان وأصدقاء السوء أتجوز عليها

وهات ست ستها واحرق قلبها ويشيع الخبر ويوصل مراتى وترجع من تانى تلبس

وشها

أنتهى

السفيره عزيزه 01-11-2016 12:11 AM

دا انا قلت انت ال فيهم .تعقلهم وتهديهم
مالك بقى ياسي طاير .عمال على حوا تتساير
والله عقلي فى امرك حاير ...
رحت لابوها وبوست ادية وقلت يا عمى تتطلب اية
قلك يا بنى تكون راجل تصون البت وانا عاجل اودهالك لحد البيت
فرحت ومن شوقك قلت ياريت ...
والحمد لله بقالك بيت .وعيال جميلة زي ما تمنيت .هتحمد ربك ولا اية.
الحلوة مالها قولى يا بية .مشغلولة عنك فى المطبخ .وتجري تكوي
وتظبط .وتروح السوق وتتخبط .ومنضفة بيتك وسريرك وما تدوق
لقمة من غيرك ..وتموت من خوفها لو تتاخر ..وانت سجايرك بتعفر
ورفعلى راسك عليها افوق ....ياعمونا فوق ..

ياااارب صبرنا ....كل دة فى قلبكم .
من غير حوا متعرف تعيش
والسعادة هى يا اما مفيش
وجرب كدة لو خرجت وما تجيش
البيت بح بح وما تقوليش
وتعظيم سلام لحواء

العاشق الذى لم يتب 01-11-2016 08:41 AM

انت بدأت مين يقول على روحه غلطان
لايمك يكون ذلك
لكن لايمنع ان هناك عاقلون
من الطرفين وبعد هدوءالثورةيقرويعترف بغلطه
والله لااملك
سوى ان يهدى الله الجميع
حيث المشاكل الزوجية
تعد من اكبرمتاعب الحياة
وأشدها ألما
بارك الله فيك
مبدعناالطائر
بالتوفيق فى المسابقة

حازم34 01-11-2016 09:49 AM




هو دا الكلام


قلت ووفيت

وخلي حوا ترد


الله عليك


بسلموا


ايمان طلعت 01-11-2016 11:13 AM

والله انتم حيرتونا معاكم
انت تقول مهتمه بنفسها ومكياج وبتاع
وسيباني والولاد
و واحد يقول مهتميه يالولاد ومش مهتميه بنفسها ولا بتحط مكياج
انتم لا عجبكوا كدة ولا كدة
عشان تعرفوا بس انكم عايزين تطلعوا حواء وحشه وخلاص
بعدين بقي حوا هي اللي بتبعت رسايل وعمله فيها ملاك وتطلع عباس هههه
ادم بقي يبقي عامل فيها مهند العرب ويطلع في الاخر توفيق الدقن
والله انتم جننتونا
موفق بقي

فداااااااااااء 01-11-2016 12:46 PM

حد يدور على رقم زوجته عايزين نقولها على اللى كاتبه بنهدى النفوس احنا http://forums.banatmasr.net/images/s...0Smiles/78.gif

هقولك زى نجيب الريحانى اييييه دا كله اييييه دا كله :1577:

انا قلت هلاقيك المنصف لينا اتاريك شايل ومعبي:018:

والله حرام روح ان شاء الله فتكات ما ترحمك :613:http://forums.banatmasr.net/images/s...0Smiles/78.gif

موفق اخى

الفيلسـوف 01-11-2016 01:13 PM

ههههههه حبيبى ياعصام والنعمه انته راجل زى العسل ممتاز جدا ايوه بقى نور ادم كده بكتابتك المميزه رائع ياعصام منور القسم دايما

واد حبيب 01-11-2016 01:26 PM

اتكلم وقلبك جامد
ولا يعمك يا برنس
اهنا في ضهرك علطول
لكن وربنا لو الحريم ضربوك انا ولا اعرفك ههههه

(طائر الشرق) 01-11-2016 01:58 PM

اقتباس:

المشاركة الأصلية كتبت بواسطة السفيره عزيزه;(يمنع عرض أرقام الهواتف بدون أذن الإدارة)
دا انا قلت انت ال فيهم .تعقلهم وتهديهم
مالك بقى ياسي طاير .عمال على حوا تتساير
والله عقلي فى امرك حاير ...
رحت لابوها وبوست ادية وقلت يا عمى تتطلب اية
قلك يا بنى تكون راجل تصون البت وانا عاجل اودهالك لحد البيت
فرحت ومن شوقك قلت ياريت ...
والحمد لله بقالك بيت .وعيال جميلة زي ما تمنيت .هتحمد ربك ولا اية.
الحلوة مالها قولى يا بية .مشغلولة عنك فى المطبخ .وتجري تكوي
وتظبط .وتروح السوق وتتخبط .ومنضفة بيتك وسريرك وما تدوق
لقمة من غيرك ..وتموت من خوفها لو تتاخر ..وانت سجايرك بتعفر
ورفعلى راسك عليها افوق ....ياعمونا فوق ..

ياااارب صبرنا ....كل دة فى قلبكم .
من غير حوا متعرف تعيش
والسعادة هى يا اما مفيش
وجرب كدة لو خرجت وما تجيش
البيت بح بح وما تقوليش
وتعظيم سلام لحواء

أعمل ايه يا سفيره

أجيبها يمين تيجى شمال

وانا والله على طول شغال

بحاولى أبنى القصر وأكبر العيال

والنكد زى النغم فاق قمم الجبال

ربنا وحده عليه صلاح الحال

دعواتى

(طائر الشرق) 01-11-2016 02:01 PM

اقتباس:

المشاركة الأصلية كتبت بواسطة العاشق الذى لم يتب;(يمنع عرض أرقام الهواتف بدون أذن الإدارة)
انت بدأت مين يقول على روحه غلطان
لايمك يكون ذلك
لكن لايمنع ان هناك عاقلون
من الطرفين وبعد هدوءالثورةيقرويعترف بغلطه
والله لااملك
سوى ان يهدى الله الجميع
حيث المشاكل الزوجية
تعد من اكبرمتاعب الحياة
وأشدها ألما
بارك الله فيك
مبدعناالطائر
بالتوفيق فى المسابقة


ربنا يصلح الحال يا صاحبى

هى دى الحياة فات منها الكتير

وربك وحده عالم بما تبقى منها

منور ياعم رفت يا محترم

دعواتى


الساعة الآن 12:14 PM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w