|
ياختي عليها وعلي حلاوتها (مُسابقة ضدي وضدك) الست المصريه يا عيني عليها وعلي حلاوتها .. تعالو نشوف شوية حاجات على السريع كده أيام الإرتباط والخطوبه قمه فى النحنحه والحنيه تحس إنها شويه وهتركب جناحات وتطير"حبيبي بعد الجواز كله هيبقي حب أنا هخليك أسعد واحد فى الدنيا ومش هخليك محتاج أي حاجه" وبعد الجواز "وأنا فاضيالك ورايا غسيل .. ورايا تنضيف .. أنت فاضي شكلك روح إتخمد مش قادرالك تعبانه من شغل البيت" أثبتت دراسات علميه أن المرأه المصريه نكد وكآبه على الإطلاق http://www.vetogate.com/upload/photo...0x1000/871.jpg تموت فى النكد بتدور عليه زي ما بيقولو كده بمُلقاط .. "إنت مجبتليش معاك هديه ليه .. إنت مبقتش تحبني .. طلقني يا خاين يا وحش طلقني طلقني" .. وتلم هدومها وتروح لأمها نيجي بقي للوزن http://www.alkhubr.net/imgcache2/5935.gif قبل الجواز رشيقه مثل النعامه .. وبعد الجواز شبه الدب القُطبي عامله شبه الجاموسه اللي بياكُل فى النجيل لا النجيل بيخلص ولا الجاموسه بتشبع :7777: وطبعاَ فى شئ متقدرش الست المصريه تستغني عنه وهو بالنسبه ليها زي الأكل والشرب ويمكن أهم وهو النميمه http://www.aljaml.com/files/%D8%A7%D...9%84%D9%82.jpg شوفتي أم إبراهيم عملت إيه مع جوزها إمبارح ... أم سيد جابت غساله جديده .. أم مريم إتخانقت مع جوزها وراحت لأمها .. أم أحمد جوزها جابلها فستان .. وهاتك يا لوكلوك ولا شريط الكاسيت اللي سافف وفيه طبعاً مينفعش نغفل حقها وهي النفسنه .. يعني مثلاً تبقي فرح وتشوف واحده لابسه فستان ميعجبهاش "إيه القرف ده فستان بيئه أوي هي جايباه منين من وكالة البلح والله أنا لو لقيته فى الشارع ماخدوش" .. ياستي وإحنا مالنا تاخديه ولا متاخديهوش كل واحد حُر في نفسه ونيجي لأخر حاجه بقي اللي هي بتحب تبص لكل واحده حواليها ... لبس أكل أجهزه أي حاجه .. "حبيبي إشمعني فلانه عندها كذا وأنا معنديش .. إشمعني مش عارف إيه وأنا معنديش .. يعني هي أحسن مني يعني هي مش عارف إيه" ياستي أحسن منك إيه وبتنجان إيه ما تخليكي في حالك وسيبي الناس فى حالها وإرضي باللي عندكـ أنا شايف إن كده كفايه .. أعودو بالعافيه :222: |
مش اوى كده ياحودة انت خليتهاضلمة خالص يمكن يكون صح اللى قلته بس بينى وبينك اناعن نفسى راضى باى نكد منهم مااخبيش عليك انابعشقهم واعزهم اوى ولايمكن نقدرنستغنى عنهم يلا بالتوفيق فى المسابقة |
ماهو النكد مش من فراغ صح ولاايه:04: بالنسبه للصفات دي مينغعش يكون في ست مصريه من غير الصفات دي:150: الا من رحم ربي تسلم ايدك..مُوفق محمود |
لا حول ولا قوة الا بالله هو النكد والكآبه يعني جيباهم معاها في الجهاز ولا دة بيبقوا تأثير من سي ادم اللي منكد عليها عيشتها اللي شايف نفسه توم كروز ومش واخد باله من اي بروز طالعله الست اكيد جسمها بيتغير بسبب الهرمونات والحمل والولادة والرضاعه حاجات انتم يا رجاله متقدروش عليها بالنسبه للنميمه فهي مرض ممكن يصيب الست او الرجل اقعد كدة علي قهوة واسمع رجل مثلا قاعد مع صاحبه هتلاقيه بيلك ولا الستات فلان عمل وفلان سوي واسرار بيته كمان وفي الاخر تقولوا الست هي اللي بتطلع اسرار بيتها بالمختصر مش كل الستات شياطين ولا كل الرجاله ملايكه موفق |
الدرسات اثبتت ان المراءه المصريه الاكثر نكد في العالم وعمرها ما تحفظ السر يا ابني اسكت احنا شايلين كتير وصبرين ربنا معانا ويجعل كلمنا خفيف علي قلبهم هههههه |
لالالالالالالا يا حوده انت جيت علي حوا كتير خلي بالك ان الامام الشافعي قال ال ماتزوج مصريه كانها لم يتزوج الست المصريه فيها حاجات كتير كويسه خالص خالص بس يعني فيها حاحات برضك يعني هههههههههههههههههههه بس انت حكيت بعض الامور ال بتصير احيانا زي النمنمه دي تسلم والله وبالتوفيق يا حبيب |
بصراحه انته طلعت حوار احلى حاجه ف الموضوع انه اخد اطار كوميدى بالتوفيق ياحوده ويارب نشوفك ع طول ف ادم |
قول ياعم محمود سمعنى وشجينى ايمان عملتها وفتحت باب هنسمع فيه أحلى طرب وخناق وكلام زى الزلط بصراحة اجمل من تياترو بكتير موفق يا نجم |
انت منين يا كابتن البت المصرية خفة وحنية تلاقيها ادها بايدك ويعطيك حبيبي ويزيدك. توفر اكلها ليك وداري تعبها عليك وترفع رقبتك فوق وتهتم بكل الحقوق الا حقها هي. والبت المصرية.. تصحيك على بسمة جنان وصوتها نغم والحان .وفطار على اد الحال المهم اللقمة حلال وتربي احلى عيال ..تسالها امها مالك دا شكلوا ميل حالك الواد ابن نفيسة يا بختك يا عزيزة من بين البنات تقول يا امي لالالا دا راجلى طبعة اصيل ولا ارضة بغيرة بديل دا حططنى فى عنية وبيشل عنا كل تقيل. البت المصرية . تسبها وتروح وتغيب تحفظ عرضك يا حبيب وما يقدر حد يجيب سرتها بايتها عيب . انت يا سيد من غير سي متنطط فيها على اية . هاتلك امريكية او حتى فرنسية او من البلاد العربية وانت تكتشف مين .يتحط فى نن العين .ولا هتلك البت اوشين وتشجع بلاد الصين .ان ما نسيت انت مين وانت مين بجلالة قدرك ما تتكلم يا خوية على ادك . فاكر نفسك مين يا اخينا وكل الجايين علينا بنصحك تعتذرو ا اوام وتقولو غلطنا حرام فى الحلوة المصرية . واعرف ان هنا طبيب ب يغوص فى النفوس ويجيب العقد النفسية ..وان ما انقذ الحالة اووووام مطلوب يجري اتصال لمستشفي ال..........ية حلوتها المصرية |
https://encrypted-tbn3.gstatic.com/i...o9_yVM4PjMuBGJ انتو مشاء الله ملايكه بقى والكرش اللى بتعايبه عليه ده ظهر لوحده صح مش حمل وولاده علشان تجيبلك اللى يشيل اسمك واسمك عيلتك وفى الاخر تقولها يا ام كرش :88: عزيزى ادم المودام محتاجة تحس بفرحة وجودها فى حياتك ... محتاجة تشوف ده على وشك زى ما بتشوف نفس تعبيرات الفرحة اما الكهربا بترجع ... المودام حضرتك محتاجة تحس انها مهمة فكر فى الموضوع ده بدل ما تتحول مع الوقت الى "لمبة جاز" نهايته تندلق عليك و تولع فيك ... وبطل كلمه نكد مراتى سر سعادتى http://www.noral7oria.com/vb/images/.../%28203%29.gif عزيزى ... الست برضو بنى ادم زيها زيك ... مش وطواط استرالي متعلق من رجليه على شجرة ... انك تطلب منها شاى وتذاكر للولاد وتكويلك قميصك وتحاسب البقال وتحل مشكله اختك وجوزها فامتجيش كمان تشخط وتتامر زى دكر السلطعون فى موسم التزواج وتقول .. فييييييييييييين الشاااااااى ... هى ااااايه سوبر ومن حضرتك غالبا حتقتلك من كتر غيظها منك ... فيها ايه لو عملت كوبيتين شاى حلوين وتقولها انا شايفك مشغوله فقلت اعملك شاى تظبطى بيه دماغك يا قلبى هتتشل حضرتك http://www.noral7oria.com/vb/images/.../%28203%29.gif عضلات البطن ... و الترابيس و المجانص اللى بتقف قصاد مراية الحمام تدور عليهم ورا الكرش و اللى انت متخيل انهم موجودين و بتتعامل بيهم على هذا الاساس فى البيت .. يا ريت ما يختفوش اول ما مراتك تطلب منك انك تزيح لها "الباجير" .. او تزقلها "الكنبة .. عشان هى تمسح تحتها ... و بلاش وقتها ينقح عليك "الديسك" و يجيلك الشد بتاع "السمانة" ... و تبتدى تحس بدوخة الحمل اللى بتجيلك كل ما طلب من الطلبات دى ينطلب منك ... تحياتى للجميع :h035::h035: |
| الساعة الآن 06:34 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب