|
مرتضي منصور ! http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://alwafd.org/images/news/263539...e2090ec267.jpg في البدايه اسألكم الفاتحه والدعاء لكابتن نادي الزمالك الراحل حماده امام رحمه الله وأسكنه فسيح جناته هو وموتانا وموتي المسلمين جميعا اللهم امين موضوعي عن مرتضي منصور ولتاني مره بتكلم عن مرتضي منصور تلك الشخصيه التي لا يحبها الكثير منا إن لم يكن الجميع ولكن هتكلم عن حاجتين خلينا متفقين مع بعض ان مرتضي منصور مسئول من ضمن المسئولين عن قتل اخواتنا في مجرزة الدفاع الجوي وانا معترف بكده تماما بس بقول مسئول من ضمن المسئولين يعني المسئوليه كامله مش عليه لسبب بسيط جدا كلنا نعرفه لو جبنا المسئوليه كامله علي مرتضي منصور فيه ناس كتير ليهم ايد في الموضوع ده ومش هنتكلم عليهم وده هيكون ظلم زي مثلا وزارة الداخليه كانت مسئوله مسئوليه تامه عن تأمين المباراه والجمهور بشكل عام ده بغض النظر عن انها مسئوله عن حماية المواطنين في الجمهوريه ولو جينا نبص أيامها هنلاقي وزاره الداخليه قالت ايه ؟ نفت التهمه تماما عنها وقالوا ان الناس ماتت بسبب التدافع يعني من الاخر الموضوع منتهي بالنسبه ليهم واللي مش عاجبه يشرب من أي خراره ! وزي مثلا اتحاد الكوره عارفين انه مسئول مباشر عن تنظيم المباريات وهما اللي مسئولين عن قرار عوده الجماهير مره تانيه ومحدش منهم اتكلم .. عشان ماطولش في الموضوع ده عاوز أقول ان مرتضي منصور مسئول من ضمن المسئولين عن مجزرة الدفاع الجوي وانا مش بدافع عن مرتضي والدليل ان بحمله مسئوليه مع الناس دي ولحد النهارده انا ضد مرتضي منصور نفسه ولكن هنتكلم كلمتين بالعقل كده عن مرتضي منصور اللي هو رئيس نادي الزمالك لان حاليا وفي الوقت الحالي في مرتضي منصور رجل النظام ومرتضي رئيس الزمالك انا قولت قبل كده ان كان نفسي الدكتور كمال درويش يكون رئيس للزمالك ولكن لخدمة الكيان دايما بنساند أي حد موجود حتي لو فيه بينا وبينه خلاف ولكن مرتضي وبالفعل أول ما مرتضي منصور نجح في الانتخابات وبقي رئيس للزمالك انا قولت خلاص كده الزمالك هيضيع وعليه العوض وهيكون فيه تخبط اداري أكتر من اللي كان في مجلس ادارة الزمالك السابق واللي استمر لسنين وسنين وأدي ان الاهلي احتكر البطولات السنين الماضيه ولكن لو جينا نحسبها صح من يوم ما مسك مرتضي منصور ونشوف مع بعض مرتضي منصور رئيس الزمالك عمل ايه للنادي ؟ عندك مثلا فريق كرة اليد في الزمالك ماشاء الله حاليا أبطال افريقيا عن جداره وعاملين أداء أكثر من رائع وهما أبطال افريقيا للموسم الماضي وقبل كده كانوا بينافسوا في كاس العالم للأنديه وكل ده ومرتضي منصور رئيس الزمالك ! فريق كرة القدم في الزمالك مع مرتضي منصور كان الاقوي في مصر بلا منازع والدليل حصد بطوله الدوري بعد غياب عن النادي وحصد بطولة الكاس والخروج من الكونفدراليه بعد مباراه تاريخيه أمام النجم الساحلي هنا في القاهره يعني من الاخر فرق شاسع بين فريق كرة القدم قبل كده والفريق حاليا وكل دخ ومرتضي في الزمالك ! احنا ك مشجعين سواء للأهلي او للزمالك بنبص دايما للكيان فقط مش لحاجه تانيه وأيا كان مين هو رئيس النادي ما دام ماشي في الطريق السليم بنسانده لخدمه الكيان حتي لو كان بينا اختلاف سواء سياسي أو شخصي كل ده بيكون علي جنب من أجل الكيان والكلام ده يعرفه اكيد كل ماهو مرتبط بكيان مش ب مباراه او بطوله ! اللي عاوز أوصله حاجتين بس ونفسي الاقي ليهم اجابه من حد ! ليه دايما الناس بتعايرنا ك مشجعين للزمالك ب مرتضي منصور عشان صوته العالي ؟ أو عشان انتمائه السياسي مع ان لو كان حد تاني مكان مرتضي منصور يعني مثلا زي كمال درويش أو رؤوف جاسر ما أكيد كنا هنكون معاهم كده بالظبط ! طيب بتعايرونا عشان صوته العالي وانه راجل فاسد ؟ طيب في مثلا راجل زي حسن حمدي كان متهم في قضايا فساد رياضي ! ومحدش اتكلم عنه ولا حد اتكلم عن ضياء السيد قبل كده ولا حد اتكلم عن تزوير عقود اللاعيبه وبالتحديد في فترة هزيمة الزمالك من بني عبيد وكان المنافس بيزور عقود لاعيبه ومحدش اتكلم عن الموضوع ده والاعلام كله كان احمر ! هيخرج واحد ويقولي بس حسن حمدي كان راجل بطولات وكان لازم نسانده ! طيب ماهو مرتضي منصور بالرغم من فساده السياسي احنا لازم نسانده من أجل كيان الزمالك فقط لاغير ! طيب مرتضي صوته عالي وبيشتم ده وبيشتم ده وكل ده حرام ؟ طيب ما أبسط مثال صالح سليم كان معروف انه بيشرب خمره وهيخرج واحد يقولي بس كان بيعمل من أجل كيان النادي طيب ما مرتضي بيعمل من أجل الكيان ولازم نكون معاه الفكره هنا مش ان انا بقلل من حد ولا قصدي تعصب الفكره كلها حاجه واحده ان احنا اللي رابطنا ب مرتضي منصور هو الزمالك مش أكتر بخصوص ان مرتضي بيشتم كتير في الاعلام والناس بتعايرنا بكده ! هقول مثال بسيط جدا وهيكون مقارنه عشان مطولش عليكم في الموضوع بس عندك مثلا مجالس الزمالك في السنين اللي فاتت كانت طيبه جدا وكيوت بمعني الكلمه وكان الاعلام بيجي علي الزمالك دايما ولما جه مرتضي منصور وقف الكل عند حده وكل واحد بيتطاول علي الزمالك بيعرف يتعامل معاه كويس والأيه الان اتقلبت تماما مع مجلس طاهر مجلس كيوت وطيب وقاعد في لندن علي طول ! السؤال هنا .. - ليه دايما بتخلطوا مرتضي رجل النظام ب مرتضي رئيس الزمالك ؟ مع ان مرتضي رئيس الزمالك شخص ناجح ونقل النادي من خراب لـ عمار ؟ ملحوظه .. اقسم بمن عز شأنه الموضوع مش عشان تعصب الموضوع للنقاش لان فكرت كتير في الموضوع ده واحتارت كتير وكتير جدا وقولت اتناقش معاكم تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
اخى محمود المس فى كلماتك رقي بالغ فى السرد وتعقل منمق فى الحوار وحسن عرض لما تود قولة .وهذة نقطة احييك عليها واقدم احترامي البالغ لحضرتك.. واعيد قولى سابقا انا مليش فى الكرة ومش معنى ذالك اني اجهل هذا المجال كليتا لا فانا اعيش بين اخوة وابناء عمومة واقارب يشجعون ويتحادثون امامي عن هذا وذالك ..ولكن .لا اهتم مطلقا بها .غير انى اثمن جيدا الاخلاق فى اي مكان و اينما حالفنى حظي للسعادة بها وباصحابها .. اقول راي بعيدا عن النادي والكرة وكل هذة الاشياء . واضرب لحضرتك مثال لعلي اقرب ما اود قولة للاذهان .. لو ان هناك اسرة فقيرة عضها الفقر وتعيش فى مجتمع لا يلتفت للفقير الا بفتات يرمي بة لهم .. فخرج من هذه الاسرة شاب يافع قوي راي ان اقرب طريق لانقاذ الاسرة هو الاحتيال والنصب والسرقة ..فسلك هذا المسلك واغتنت الاسرة وتغير حالها واصبحت لها شانها .يهابها الجميع ويخافون ردة فعل معدوم الاخلاق هذا ان غضب عليهم باي سبب. انسمي سقطاتة انجازات ونصفق لة ونشد من عضدة فقط من اجل انة رفع مستوي الاسرة الفقيرة الضائع حقها .. وهل ننظر لة نظرة احترام وتوقير ... وهل من حق الاسرة التى كانت فقيرة ونهض بها تعداده من الابطال ومن الذين يستحقون ان تدرس سيرتهم كقدوة ... لا اخى انة معرة وسبة لهم .مهما كانت نجاحاتة بالنسبة لانقاذ حالتهم .. تحياتى واحترامي دمت بكل خير السفيرة |
شوف اخى محمود الاخلاق اهم بكتير من اى شيء اخر يعنى لو هو انسان به بعض السوء فى الخلق فاكيد الناس لما هتعيب عليه هتقول رئيس نادى فلان كذا وقال كذا وفعل كذا السيئة بتعم والحسنة بتخص اما اذا كنت بتتكلم عن انجازاته فحسن حمدى عمل انجازات فى الاهلى خلال تواجده لكن مكنش بيغلط وهتكلم عن الزمالك حسن شحاته عمل انجازات كبيرة مع المنتخب لكن مكنش بيغلط فى حد الانجازات محتاجة اى حد حد عنده القدرة ممكن تتحقق معاه لكن الاخلاق اهم ومرتضى منصور القاضى سابقا والمستشار حاليا والنائب ايضا هو مرتضى منصور رئيس نادى الزمالك واللى بتتهموه بانه سبب فيما حدث لبعض الشباب وان كنت مش مقتنعة لكن ماشي الامر لا يتجزأ |
اقتباس:
دايما بيعايرونا ب مرتضي منصور و رئيس ناديهم كان فاسد ومازال متهم في قضايا فساد لحد يومنا هذا ! اما مرتضي منصور مفيش حاجه تدينه حاليا غير كلام الناس اتمني تكوني فهماني ومنوراني اكيد والله |
اقتباس:
كلمتيني عن حسن حمدي انه عمل انجازات ومكنش بيغلط ولكن حسن حمدي لحد يومنا هذا مازال متهم في قضايا فساد رياضي و تزوير عقود لاعيبه ولكن ما الدليل بان مرتضي منصور رجل فاسد ؟ مرتضي منصور راجل بيتكلم كتير زي ما بعض مشجعي الانديه الاخري بيقولو ولكن لم يقم احد برفع قضيه عليه ليه ؟ هنا السؤال ان لم يكن مرتضي منصور علي حق كان زمان حد رفع عليه قضيه ! بخصوص لما حدث في مجزرة الدفاع الجوي انا قولت ان مرتضي مسئول من ضمن المسئولين وليس مسئول مسئوليه كامله عن الحادث وفي ظل فجر الداخليه في الوقت الحالي عارفين ان مفيش حق هيرجع ! منوراني فداء |
اقتباس:
والله وجعنى ردك .اية حكاية الفساد يا بلد السمر الطيبين الشقيانين . العندهم فاسد ..والعندكم فاسد بالسمعة .وال عندنا فاسد مع الاصرار والترصد . واخرتها هنضل محروق دمنا كدة كتير .لية كل الفساد دة هو احنا ما نستاهل حد نظيف . كيد فاهمنى .. تحياتى واحترامى |
اقتباس:
في حاجات كتير هنلاقي ان المنظومه كلها فاشله وفاسده سواء اتحاد الكوره المصري أو التحكيم وكل حاجه واهي ف الاخر زي ماتقولي جمعيه ودايره ! مجاملات وفساد وقرف والمظلوم هو المشجع البسيط ! منوراني والله :) |
| الساعة الآن 04:25 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب