|
خد بس هقولك .. شوفت قصة الاربعاء العالمي ؟! http://forum.kooora.com/user.aspx?id...Besm_salam.gif السلام عليكم ورحمة الله وبركاته -- مبدئيا كده حابب اقول كلمتين ان الكوره بشكل عام هتخلص علينا أو عليا بالتحديد النهارده اتفرجت علي ماتش الاهلي وشوفت جول عبدالله السعيد العالمي وبالتخصص ومستني ماتش الزمالك بعده علي طول عشان اتفرج اغمي عليا وتعبت جدا ولما فوقت مقدرتش وشوفت لقطات من الشوط الاول من ماتش الزمالك والشوط التاني أكتره وكان فيه الخلاصه التعصب عموما أو حرقة الدم وحشه اوي وجربتها انا النهارده ! http://banatmisr.com/up3/uploads/1451577609611.jpg " الأربعــاء العــالمي بالنسبــه لنا " وبالتحديد كان هناك 4 مباريات بشكل عام النهارده ضمن مباريات الاسبوع الخامس عشر من الدوري العام لهذا الموسم وكانت مباريات في غاية الاهميه وفي غاية الروعه - استطاع نادي اسوان أن يفوز علي المقاولون العرب بهدفين مقابل هدف في مباراه أكثر من رائعه وسجل لـ اسوان الهدف الاول اللاعب محمد رزق وسجل الهدف الثاني اللاعب المميز إيهاب المصري وفي النهايه يسجل الهدف الوحيد لـ طلائع الجيش اللاعب الجميل جدا فتحي مبروك وكانت مباراه في غاية الاهميه ومبروك لـ اسوان - استطاع طلائع الجيش أن يفوز علي اتحاد الشرطه الضعيف جدا بنتيجه قاسيه جدا وكانت رباعيه مقابل هدف وحيد والغريب أن الشرطه هو من بدأ التسجيل ولكن عاد طلائع الجيش من بعيد وسجل الهدف الاول للشرطه اللاعب خالد سموحي وعاد اللاعب علاء علي ليسجل هدفين للجيش ويأتي بعده اللاعب فرانك ليسجل الهدف الثالث وأخيرا يأتي اللاعب المميز أحمد أوكـا ليسجل الهدف الرابع والاخير للجيش وكانت مباراه في غاية الروعه وأتوقع ان هذه المباراه ستكون سبب في إقالة فتحي مبروك المدير الفني للشرطه نظرا للنتائج السيئه التي يقدمها مع الفريق ! نأتي مجددا ونعود للمتعه والاثاره في لقاء مميز ولقاء من الدرجه الاولي بين الشياطين الحمر وأصحاب الفانله الحمراء النادي الاهلي وبرازيل مصر ودراويش الكره المصريه النادي الاسماعيلي وبالنسبالي شخصيا ولأول مره منذ فتره طويله أستمتعت وبالفعل استمتع غيري من المتابعين والعاشقين لكرة القدم بهذا اللقاء بدأ الاهلي هذا اللقاء وقدم أداء ولا أروع ولا احلي ولا أجمل من كده في الشوط الاول وعــاد صاحب القدم الصاروخيه عبدالله السعيد وسجل الهدف الاول للأهلي في نهاية الشوط الاول ويخرج الاهلي متقدم بهدف علي الدراويش وبالنسبه للشوط الثاني من اللقاء قدم الاسماعيلي أداء مميز ولكن دون خطوره حقيقيه علي الاهلي وانتهي اللقاء بهذه النتيجه وهي هدف عبدالله السعيد وتصدر الاهلي جدول البطوله لمده ساعتين فقط وانتظر لقاء الزمالك القوي جدا وأنا شخصيا أعتقد بأن هبوط أداء الاهلي في الشوط الثاني كان سببه إصابة صبري رحيل واللاعب المميز ومسمار الاهلي حسام غالي وأصبح الاهلي طول الشوط الثاني بدون وسط ملعب مما أعطي أفضليه للإسماعيلي ولكن دون خطوره علي الاهلي ! مبرووك لكل عشاق الاهلي رايحين فين ؟ الموضوع لسه مخلصش لان كان هناك فارس أبيض وعملاق أبيض علي موعد مع لقاء في غاية الاهميه مع المصري العنيــد والجميــل والأكثر من رائع وكانت أخر لقاءات هذا اليوم المميز بين الزمالك و المصري وكان في غاية الروعه ولقاء مميز وجمييييل جدا جدا جدا جدا جدا جدا سواء من الزمالك أو من المصري الزمالك لم يفلح في تسجيييل أي هدف طوال المباراه والمصري ضغط وبقوه وأحرج الزمالك طوال المباراه ولكن الفارس الابيض لم يسكت لـ أبنــاء بورسعيد ودفع بـ لاعب من نوعيه خاصه لاعب مرعب لكل المدافعين والحراس وهو مصطفي فتحي وقبل النهايه بـ 4 دقائق فقط فقدنا الامل وقولنا للأهلي مبروك الصداره ولكن هذا اللاعب كان له رأي تاني خالص وعاد من بعيييييد ليسجل هدف من أجمل وأحلي الاهداف في البطوله هدف بالنسبالي مميز ومميز ومميز من كهربا لـ محمد ابراهيم لـ باسم مرسي وهوووووبا بوش رجله مصطفي فتحي في الجوووووووول وكل ده مش من علي الارض وده حلاوة الهدف الجميل جدا جدا جدا جدا جدا ويتمسك الزمالك في صدارة الدوري ويأتي خلفه الاهلي في المركز الثاني وبس كده خلصت حدوتة الأربعــاء العـــالمي جدول ترتيب البطوله بعد انتهاء الاسبوع الخامس عشر من الدوري الزمالك الاول برصيد 30 نقطه من 13 مباراة الأهلي الثاني برصيد 29 نقطه من 13 مباراة مصر المقاصة الثالث برصيد 27 نقطه من 15 مباراة المصري الرابع برصيد 26 نقطه من 14 مباراة الداخليه الخامس برصيد 25 نقطه من 15 مباراة لقاءات الاسبوع السادس عشر 22 يناير 2016 بتروجيت × انبي 23 يناير 2016 الاتحاد × الاهلي 24 يناير 2016 غزل المحله × الشرطة مصر المقاصة × حرس الحدود الزمالك × سموحه الاسماعيلي × وادي دجلة 31 يناير 2016 الداخلية × اسوان طلائع الجيش × المصري المقاولون العرب × الانتاج الحربي ( اسئله للنقاش ) - رأيك بشكل عام في مبارايات اليوم ؟ وماهي افضل مباراة ؟ - رأيك بشكل عام في زيزو بعد قيادة الاهلي في اول مباراة والفوز علي الدراويش ؟ - رأيك بشكل عام في ميدو بعد الفوز في رابع مباراة مع الزمالك ؟ http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
يا محمود حرام عليك نفسك وصحتك التعصب حاجة وحشه والله مش هتاخد حاجة منهم فى الاخر غير حرقة الدم بسبب لعبهم المنيل بستين نيله :04: انا اعرف شخص زمالكاوى متعصب بس من بعد ما اتأكد ان الزمالك فريق فاشل بطل يهتم بالكورة ولا يتفرج عليها غير نادر جداً ارحم نفسك يا ابنى بدل ما نسمع عنك سمع مش كويس بسبب الكورة اما بخصوصك الاسئلة اللى طرحتها فـ احب اقولك انى مش كورية اوى ولا مدمناها لدرجة انى اسيب المسلسلات بتاعت اللى بحبها علشان خاطر الكورة انا اهلاويه وبحب الاهلى بس مش بتفرج على اى ماتش ولا بهتم انما بفرح لما اعرف ان الاهلى كسب .. لكن لو المنتخب اللى بيلعب لازم اتفرج واشجع منتخب بلدى .. اصلى وطنيه اوى ^_^ ارحم نفسك بقى وحافظ على اللى باقى من صحتك وفى النهاية بحب احييك بجد على مواضيعك وتغطياتك المستمرة |
اقتباس:
احمد الطيب من هو الزمالك والجوائز التي حصدها الزمالك واين ناديكي الان ؟ أرجو المتابعه واما بالنسبة للأزرق ف شيء طبيعي انك تكوني اهلاويه ومش متابعه أو مش كرويه لان أكتر مشجعي الاهلي كده عموما وبالفعل يانور احنا مصريين في جميع الجوانب وكلنا بنحب المنتخب والانتماء الاول والكلي للمنتخب منوراني بجد نور |
اقتباس:
مش علشان انا انثى ماليش فى الكورة لكن بحب النادى بتاعى يبقى كل الاهلاوية كدة :49: متجمعش يا محمود >_< |
الف سلامة عليك اولا يعنى بلاش تعصب مش هتاخد حاجة منو صحتك بردو كالعادة بتبذل مجهود جامد جدا تسلم ايدك بالتوفيق ان شاء الله |
هههههه وهنا ياتى الصاروخ بصرف النظر ع اللى حصل عاجبنى تحليل النهارده يواد ياصاروخ اعتقد انى المباراه كانت ع الزملكاويه صعبه للغايه وان كان ف راى فهو حظ كروى لا اكتر ولكن عندما ياتى هذا الفارس النبيل مصطفى فتحى تسكت الالسنه بصرف النظر فهو هادف قاتل وممتاز وانا عن نفسى استمتعت بيه ولسه اللى جاى احلى ياصاروخ واوع تزعل الاهلاويه يواد منك كله الا نور والترجمه برده حصلت من المقولون من نفس الكوره الثابته نعم انه يوم العالميه فعلا |
اقتباس:
اى حد يزعلك هنا يانور نمشيه احنا حنهرج هى نور بتدخل كل يوم هنا ومن كل قلبى بقول اهلاوى اهلاوى |
صراحه لم اتابع ماتش الاهلى الا اول ربع ساعه و اخر ربع ساعه و الاهلى يستحق الماتش و الاسماعيلى يستحق مركزه المتدنى اما الماتشات التانيه معرفتش اشوفها بسبب ظروف شغلى اما ماتش الزمالك الشهاده لله الماتش ماتش المصرى و الزمالك معملش ببصله فى الماتش و ظهور مزرى و عار على اسم الزمالك ميدو كـ عادته من قبل يجرب تكتيكات جديده امام فرق صعبه فى نظرى هى اصعب من الاهلى نفسه ياريت لو مبطلش يألف و يخترع و يعرف انه بيلعب بفرقه اسمها الزمالك ان مكنش يخش يهاجم بكل خطوطه ويبطل يعتمد ع سرعة و مهارة اللعيبه اللى ماشيه معاه لغاية دلوقتى و الله اعلم هتمشى معاه تانى ولا لا واحنا داخلين على اصعب المباريات هارد لك للمصرى اللى بجد لو بيلاعب اى فرقه تانيه غير الزمالك كنت زعلت على خسارته او حتى تعادله ميدو ارحم الزملكاوية و اتعلم حاجه من فيريرا لو مش هتهاجم بالزمالك روح لاى فريق تانى بيدافع وهو لم يفعل شىء حتى الان ولكن اللعيبه فعلت و اكبر دليل انه بيعمل هجمه او اتنين بالكتير طوال 90 دقيقه ربنا يرحمك يا فيريرا كان يخش يهاجم بكل خطوطه يجبر اى فريق انه يتراجع و كان معظم الاوقات بيجيب هدف او اتنين فى اول ربع ساعه حتى الاهلى فى الـ 2/0 جاب جون فى اول ربع ساعه و ماتش السوبر 3/2 للاهلى جاب جون و ضربة جزاء فى اول ربع ساعه و لولااستهتار اللعيبه لفاز والله انا طول الماتش بتحسبن على مرتضى منصور اللى مشى واحد بيكسبوا زى فيريرا عمل اللى محدش عرف يعمله طوال 12 سنه و فى الاخر عشان اتعادل مشاه - بئس التفكير العقيم - وعلى ميدو اللى داخل من غير مهاجم يخلى اى حد يضغطه فى نص ملعبه |
اقتباس:
تسلمي علي مرورك الأجمل منوراني دايما |
اقتباس:
مش شايفها غريبه شويه ياحوده مع احترامي ؟ يعني يوم بتروجيت الهدف بتاعكو جاي في الثواني الاخيره ويوم الانتاج الحربي في الثواني الاخيره والماتشين كانو صعبين ومع ذلك قولتو روح الفانله الحمرا والنهارده حظ كروي ؟ منور دايما ياغالي |
| الساعة الآن 06:18 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب