|
هل هي مشكلة مدرب ؟ ادارة ؟ لاعبين ؟! http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://banatmisr.com/up3/uploads/1445800133731.jpg في البدايه انا من فتره طرحت موضوع واتكلمت فيه بشكل عام عن فيريرا بس كان هو مدرب الزمالك في الوقت ده ومن أوائل الناس اللي طالبت برحيل فيريرا والسبب كان بسيط جدا ان فيريرا مع الزمالك كان جاب أخره بما تحمل الكلمه من معني هو مدرب عجوز ولكن ذكي جدا في قراءة الماتشات بس احنا كنا عاوزين راجل يقدم كل جديد للفريق مش يفضل سابت علي مبدأ ويفقد نقاط واحنا نتفرج وخلاص فيريرا مع الزمالك صنع مجموعه من اللاعبين وبالفعل جعلهم من أفضل لاعبي مصر ولكن انا شخصيا مقتنع بسياسة التدريب اللي بتقول ان لازم كان يحافظ عليهم بشكل عام وعشان يحافظ عليهم لازم يقدم ليهم كل يوم جديد ودي مكانتش عند فيريرا واتكلمت انا في الموضوع ده قبل كده ويمكن ناس كتير فاكره ! المهم قرأت اخبار من صحيفه برتغاليه بتقول ان الاهلي اليومين دول بيتفاوض مع السد عشان يجيب فيريرا مدرب للأهلي وتمام مفيش أي مشكله وبتمناله التوفيق ف أي مكان يروحه لانه ساعدنا الموسم الماضي كتير جدا ولكن هل المشكله في الاهلي هي مشكلة مدير فني ؟ أم مشكلة مجلس إدارة ؟ أم مشكلة لاعبين ؟ مجلس ادارة الاهلي مشي بيسيرو بناءا علي طلبات الجماهير لانها رافضه بيسيرو والغريب هنا ان مجلس ادارة الاهلي عمره ما مشي وره الجمهور وكتير بنعرف أو بنسمع ان مشاكل الاهلي عموما مابتخرجش بره وبتكون في النادي فقط لاغير حاليا أصبحت كل حاجه في الاعلام واللي مايشتري يتفرج وسمعنا قبل كده ان مجلس الادارة بيتطاول علي بعضه وخلافات ومشاكل من دي ! الموضوع ملوش علاقه بانتمائي ولكن الموضوع للنقاش - هل تعتقد بأن فيريرا هو رجل المرحله الحاليه في الاهلي ؟ - هل مشكلة الاهلي حاليا في المدرب أم في الادارة أم في اللاعبين ؟ http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
اولا موضوعك لذيذ النهارده ياحودا والله اكيد فيريرا هذا الماكر رجل ذو عقليه مميزه احيانا بصرف النظر اللى حصل مع الزمالك الزمالك فريق كبير واى حد يتمنى يقوم بتدريبه وان كان هناك فصال او مقارنه بين فيريرا او ميدو ف انا شايف ميدو مش الحل اما بالنسبه الى الاهلى والله هى اكتر من مشكله الاولى وهى مشكله خط الدفاع شويه وخط الوسط محتاج يتصبر وكمان مشكله مجلس الاداره مشكله من ضمن الفنيات فعلا اما عن قصه المدرب فعلا محتاج حد حاسم ذو عقليه منظمه الاهلى محتاج تنظيم واعاده ترتيب اوراق خالص شكرى وتقديرى ياصاروخ |
في البداية اقتنعت بفيريرا اول شهرين تقريبا وبعد كدة مقتنعتش انه مدرب كبير ! دايما بشوفه عقيم ومعندوش جديد وبيلعب علي المهارات الفردية . وكنت ولازلت ضده ومستغرب من الوضع اللي واخده في عقول الزمالكاوية مع انه مكنش عالي ابدا فنيا وكان عنده اخطاء قاتلة والاكيد لو كان كمل مع الزمالك مكانش الزمالك هياخد الدوري نهائيا . بخصوص الاهلي , بيسيرو اللي ساب الاهلي علي فكرة مش الاهلي اللي سابه ادارة الاهلي بتجمل من وضعها علشان معارضينها ميلاقوش حاجة عليهم لكن واضح انه الراجل ساب الاهلي مش العكس وتوليه لمهمة بورتو البرتغالي في تاني يوم رحيله اكيد مش صدفة كونية مثلا الراجل متفق معاهم وخلع لنادي من كبار اوربا . ثالثا متمناش فيريرا يمسك الاهلي ولو انه لو مسك مش هكون زعلان مثلا ! لكن انا نفسي مانويل جوزيه هو اللي يمسك الاهلي |
| الساعة الآن 05:49 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب