فيدونى ضروري ! السلام عليكم ورحمة الله وبركاته ! من شويه كنت بقرأ اخر الاخبار الرياضه العربيه بشكل عام ولقيت خبر غريب وعجيب جدا ان تونس وقفت النشاط الرياضي عنها ف استغربت الخبر وحبيت اعرف السبب ولكن الحقيقه معرفتش أوصل لحاجه ف دخلت في صحيفه تونسيه لقيت خبر أغرب برضه ان وزارة الداخلية التونسيه أعلنت حظر التجول في تونس كلها وان فيه قلق وكلام من ده ف ممكن اللي يعرف حاجه يدخل يفيدنا ويقولنا الدنيا هناك فيها ايه لان مش فاهم ؟! وربنا يحمي اخواتنا التوانسه ان شاء الله ! محمود الصاروخ |
مش عاارف حاجه والله عن الموضوع دا ... |
فعلا الخبر حقيقى يا محمود وبحاول ادور ف الصحف ولكن المكتوب ف الوقت الحالى بسبب احداث أن الوزارة قررت تأجيل جميع الأنشطة الرياضية حتى نهاية الأسبوع الحالي لدواعي امنية. وكانت اندلعت إحتجاجات في شوارع تونس بعدد من المناطق في الأيام الماضية بعد مرور 5 أعوام على الثورة التونسية، واحتجاج المتظاهرين على الأوضاع المعيشية والبطالة. وشهدت المظاهرات ، نشوب أعمال عنف في أماكن متفرقة ، مما جعل السلطات التونسية تعلن حظر التجوال في كافة ارجاء البلاد. |
فيه قلق ومظاهرات هناك عشان عيد الثورة وحال البلد موش. عاجبهم |
بيقولوا فيه انفلات امنى فى تونس والدنيا خربانه هناك .. ده اللى سمعته والله أعلم .. ربنا يسترها ع الدول العربيه معرفش ايه اخرة الخراب ده كله |
بسمع ان فيه اضرابات فى تونس من فترة تقريبا احتجاجات ومظاهرات حاجة كدا حتى كان صابر الرباعى بيحكى فى برنامجه عن الاحوال ف تونس معرفش اوى عن الموضوع دا يلا ربنا يصلح الحال ف الامه العربيه كلها |
ايو .سمعت بحاجه زي كدا برده تونس مش آمنه حاليا ربنا يصلح الحال دايما |
ربنا يصلح حالها وحالنا وحال البلاد العربية كلها |
نعم فيه مظاهرات من اجل البطاله ولكن ها الشي غريب وتونس قد بدات تستقر والحمد لله اللهم انزل امنك وامانك علي كل بلاد الاسلام |
شكرا ليكم جميعا علي الافاده دي وماتحرمش منكم يارب ربنا يصلح الحال ان شاء الله ويحمي اخواتنا في كل مكان اللهم امين يارب العالمين |
الساعة الآن 02:03 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب