قُـمْـرَة !! السلام عليكم ورحمة الله :11nk2: صباح او مساء الخير وجمعة مباركة على الجميع ان شاء الله انا من فترة كبيرة جداً مدخلتش المنتدى لظروف كده اشتقتلكم والله بس انهاردة جي بخصوص موضوع مهم جداً وخصوصاً ان في موهوبين كتير معانا قُـمْـرَة http://www.almrsal.com/wp-content/up.../qomrah-Tv.jpg --------- مين فينا ميعرفش أ. أحمد الشقيري وبرنامجه الرائع (خواطر ) صاحب ال 11 موسم والغني عن التعريف http://www.traidnt.net/vb/images/img...09/10/1697.jpg طبعاً البرنامج بتاعه لأسباب تخصه انتهى مواسمه ولكن هيظهر بفكرة جديدة وهي قُـمْـرَة قمرة ملخصها... هو فيلم قصير في 3 دقائق تعبر عن الإحسان بمتعة وفائدة... أي حاجة فيها إحسان شايفها في حياتك ممكن تقدمها معاك من دقيقة ل 3 دقائق بس أهم حاجة تكون قوية وتوصل رسالتها القيمة في ابسط صورة ممكنة وبأفضل جودة... في موضوعات تقدر تشارك في احدها زي مثلاً مشكلة مصاعب الزواج او العنصرية او البيئة وغيرها وبردو في أشكال كتير للمشاركة ممكن كاميرا خفية او انفوجرافيك متحرك او تمثيل وغيره... هو بالظبط باقي 40 يوم على التقديم بس الوقت بيعدي بسرعة واخر موعد للتقديم 15 مارس طبعا الأعمال المرشحة هتعرض على قناة MBC الراعية للمسابقة وعدد الافراد بالفريق مفتوح مش مقيد يعني من فرد واحد لغاية ما تحب وفي ناس ثقيلة جداً داخلة المسابقة دي على مستوى العالم العربي ------------- ونيجي للجوائز (طبعاً مش نجوم ولا مشاركات :m62: ) الجوائز مقسمة على فئتين من المشاركين هما فئة الشركات المشاركة وفئة الأفراد الجوائز لكل فئة هي مليون ريال سعودي يعني بالمصري للأفراد 2 مليون جنيه مقسمة على المراكز الأولى طبعاً جوائز قيمة تستحق الجهد ولكن الأهم هو العمل الذي يستحق هذه المراكز وطبعاً المشاركة في عمل زي ده حاجة تفتخر بس انك شاركت فيها وقد ايه 3 دقائق مش حاجة صعبة لكن الأهم هي الفكرة التي تنافس وتزاحم وتستحق الفوز.... ------------------------------- طبعاً ده مش من سبيل الدعاية لكن انا شايف ان في ناس هنا تقدر تشارك وتفوز كمان وموهوبة جداً سواء بأفكارها او بتنفيذها فقولت لو حد ميعرفش بالفكرة دي يكون عنده علم وطبعاً اولا واخيرا خلي نيتك في الخير وسبيل من سبل إصلاح المجتمع ولمعلومات اكتر عن الموضوع ده رابط موقع قمرة ظ‚ظ…ط±ط© | Qomrah للناس الي مستغربة من الإسم قمرة هو اول اسم اطلق على أداء التصوير الي هي بقت (كاميرا) دلوقتي :m62: ولو أي حد عنده استفسار او مساعدة انا موجود اهون ^_^ والناس الي عندها افكار قوية بس مفيش معاهم آليات التنفيذ تقدر تتعاون مع ناس معاهم الأدوات بس تنقصهم الأفكار... ويارب دايماً متجمعين على الخير وافتكر دايما (ان الله لا يضيع أجر من أحسن عملا ) بالتوفيق للجميع --- |
حمد لله على السلامه عبد الله نورت المنتدى سعيدة انك رجعت والاخبار الجميله دى انا بيعجبنى كل مايقدمة احمد الشقيرى |
فكره ايجابيه راعه اشكرك لعرض الموضوع و اعلامنا به جزاك الله الجنه |
تسلم على الموضوع .. وحمد الله على السلامه منور المنتدي تاني |
اول ما شوفت الموضوع افتكرت أ/حازم = d تسلم بقى يا معلم لموضوعك ان شاء الله اللى فيه خير ربنا يقدمه ومنور الموقع من اول وجديد ،، بالتوفيق دايما |
يامليون هلا بيك عبد الله حمدالله بالسلامه نورت المنتدى من تانى يارب تداوم معانا انت شخصيه خلوقه ومحترم موضوع جميل ولفته رائعه منك |
منور من جديد وان شاء الله اخر الغيبات جزاك الله خير |
حبيت ارحب قبل لقرا موضوع منورررررر بووووود منور كتيرات 🌹🌹🌹 |
احمد الشقيري دايما مبدع كنت قرات ع الفكرة دي من فترة اهوو بينمي مواهب شباب ضايعه تسسلم ع مجهودكك ^^ نورت من جديد |
شوفت إعلان عن الفكره على mbc من قبل أفكار وتقديمات أحمد الشقيري كلها قيمه وهادفه مبادرة طيبه منك عبدالله ودى فرصه كويسه ﻻصحاب المواهب سعداء بوجودك مره تانيه أن شاءالله يارب آخر الغيبات |
الساعة الآن 04:39 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب