منتديات بنات مصر

منتديات بنات مصر (https://forums.banatmasr.net/)
-   منتدى الرياضة العام (https://forums.banatmasr.net/f167/)
-   -   لك الله ياجمهور الزمالك (https://forums.banatmasr.net/msryat544311/)

محمود الصاروخ 02-14-2016 07:06 PM

لك الله ياجمهور الزمالك
 

http://forum.kooora.com/user.aspx?id...Besm_salam.gif

السلام عليكم ورحمة الله وبركاته
--

http://alwafd.org/images/news/263539...e2090ec267.jpg

انا بصراحه مش هعرف اتكلم في الموضوع ده غير بالعاميه ولا هعرف
أختار كلام ولا حوارات من دي لان ربنا وحده اللي عالم بالواحد !

ولكن لازم الكل يفهم ان انا مش حزين علي لقب الدوري هذا الموسم
انا حزين علي كل حاجه بتحصل في نادينا الحبيب الزمالك وكل الخراب
اللي بسببه مرتضي منصور وقرارات خاطئه وحاجات قرف بنشوفها
في الزمالك اليومين دول وعمرها ما تعجب لا حبيب ولا عدو !

والمشكله ان اللي يجي يتكلم مع مرتضي الرد بتاعه معروف للجميع
" اللي مش عاجبه يشرب من أي خراره "

طيب ياسيادة المستشار انا مشجع زملكاوي وعاشق للزمالك وعمري
ما بصيت لبطوله ولا حبي للزمالك هيوقفه بطوله او غيرها وكنت معاك
الموسم اللي فات ودافعت عنك بكل قوه عندي وحاربت ناس كتير منهم
صحابي وحبايبي وكل ده عشان انت نجحت الموسم اللي فات ومش هننكر ده

ولكن نبدأ من الموسم ده انت عملت ايه ؟ طيب الزمالك ماله ؟؟
مش انت المسئول الاول قدامنا ك جماهير للزمالك ؟

- انت الموسم ده سبب في كل حاجه حصلت لـ مهاجمنا المميز باسم مرسي
وقت ما خرجت وشتمته بإسم امه والراجل مستواه نزل تماما !

- انت الموسم ده مشيت باكيتا بعد 4 ماتشات وجبت لينا ميدو وقولت علي
مسئوليتي الشخصيه وبعد كده فشل ميدو والزمالك وقع علي ايده !

- الزمالك أول مره يخسر كمية نقاط بالشكل ده وحتي لو خسر بيقدم كرة قدم
جميله ومعروفه للجميع ولكن الزمالك الموسم ده معاك لا طعم لا لون ولا اي شيء !

- مشيت خالد قمر واوباما وجبت لينا واحد زي مكي ومايوكا المشكله مش انك
مشيت ولكن المشكله انك جبت ناس مش اد المسئوليه !

- مشيت ابراهيم صلاح اللي هو نص ملعبنا والبديل الوحيد لطارق حامد ومن غير
ماتجيب بديل له وكلنا شايفين حال الزمالك بعد رحيل ابراهيم صلاح اهو !

- وفي النهايه تيجي اول امبارح انت وميدو تفضحو بعض علي الفضائيات
وسيرة أهل وشغل قرف عمره ما حصل في نادي الزمالك ولا في أي نادي
في مصر ومش فاهم ازاي هنكسب كده !

انا مش عارف اكتب ايه أو اقول ايه ولكن هقول انا شربت من الخراره
زي ما مرتضي منصور قالنا وخلصت كل الخرارات عندنا وبطلب من كل
صحابي وحبايبي اللي يعرف طريق خراره تانيه يقولي عليها اجيب منها
شويه لان انا خلاص جبت اخري

الحل في رحيل مرتضي منصور
الحل في رحيل مرتضي منصور
الحل في رحيل مرتضي منصور
الحل في رحيل مرتضي منصور

لك الله ياجمهور الزمالك !
محمود الصاروخ

http://l.yimg.com/lo/api/res/1.2/fxz...s/xcR12773.png


العاشق الذى لم يتب 02-14-2016 08:23 PM

اللى مش عاجبه يشرب من خرارة
اكتفى
واقول ربنايكون بعون الجمهور
وكمان الاهلاوى
وبعدين اشكرك

حازم34 02-15-2016 12:53 PM




قلبي معك اخي الحبيب وناقدنا الرياضي الكبير محمود الصاروخ


ها الامر شئ عادي جدا ممكن يمر به اي فريق كبير


وسيعود الامر ان شاء الله الي محله وتهدا الامور


ولكن يجب ان تكون هناك قياده اخري للنادي غير مرتضي وولده


وقد ذكرت انت اللاعب الخلوق باسم مرسي اني اجزم بان من كان وراء انهيار ها اللاعب


هو مرتضي منصور


وبالتالي لابد من تغيير الاداره وهناك قيادات كبري تقود ناد كبير مثل الزمالك الي الجميل دائما


بالتوفيق يارب



الساعة الآن 04:20 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w