منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   " رسالـة للريس "! (https://forums.banatmasr.net/msryat545004/)

αЛαstoOorα 02-21-2016 02:09 PM

" رسالـة للريس "!
 
سعادة الريس السيسي
ياحاكم مصر يارئيسي
بقدم ليك آنا سلامي
وبتمني صدي صوتي
يطير ويهج بكلامي
ويوصل جوه روح قلبك
سعادة الريس السيسي
آنا الغلبان وبيحبك
آنا اللي نزلت ف الشارع
آنادي بآعلي صوت ليا
يامصر آدينا حريه
ولحظة مانادتني ياريس
لقتني وراك واقف جنبك
آنا ياريس راجل غلبان
وآنا اللي وقفت آنتخبك؟
ووقت ساعتها حبيتك
ومن جوايه حسيتك
آنا لقيتك بتحميني
من الآرهاب بتفديني
وتفدي عيالي بحياتك
لا آنا بفهم ف سياستنا
ولا معايه تاريخ ذاتك
لا آنا واخد علام عالي
ولا ف دماغي متنور ؟
آنا يدوبك بفك الخط
وقولت آهو آنت هتدور
هتسآل ع الغلابة ياريس
وتنصف اللي فيها مظلوم
آنا ياريس بقالي شهور
مادوقت النوم
آنا ياريس آبو المجرم
آحمد منصور
آنا آبني 3 سنوات وحبه كسور

بقة مجرم منين وآزاي؟
وآنت حامينا بالدستور؟
آنا ياريس راجل غلبان
لقيت حكومتنا جيالي
بدون سابق كدا آنظار
تقولي القبض ع المجرم
آحمد منصور
آخدت ضنايا بين حضني
نزلت عياط وكنت بثور
بدون سابق كدا آنظار
لقيت آبني بقة مُقاتل
بيرفع آلي فوق كتفه
معاه مولتوف بيشعل نار
ومطلوب للمحاكمة عليه
فضلت آبكي وآنا قصادي
سعادة البيه
يابيه آزاي آنا ضنايا
مكملشي كدا السنتين
لا محاكم تكون راضيه
ولا رحمة وعدل ودين
آنا آهون عليا آموت
تقطعو لحمي بالسكاكين
ولا تاخدو كدا مني
ضنايا ولحمي قدامي
فضلت آسرخ ياناس
دا حرام
خادوني راموني ف الآقسام
قعدت شهور ف حجز لومان
وآنا ياريس راجل غلبان
مليش ف السكة آياها
بقيت ف بلاهه ومتاهه
وبقة ضنايا من الآخوان
سعادة الريس السيسي
ياحامى بلدنا يارئيسي
ياآب لكل طفل بريئ
آنا آبني يكون مجرم
وهو ف سنه منها بريئ؟
رسالتي ياريسي ديه
بقولها بحورئه جوايه
آنا ف لحظة بقيت مجرم
وبتسطر علي ضنايا
سعادة الريس السيسي
مين المسؤل؟
ياريسنا آنا بحبك
وبدعيلك كدا علي طول
يارب يمد فيك عمرك
آنا آبني آحمد منصور
آكيد معتبره برضه آبنك
آنا بدموعي بكتبلك
تجيب حقه تشوف حالتي
آنا ياريس راجل غلبان
وببعتلك آهو رسالتي
""

آهداء للطفل آحمد منصور
وللحاج منصور
https://www.youtube.com/watch?v=n61OQ-UVsIM

المنشاوي


الفيلسـوف 02-21-2016 02:29 PM

ال ولسه بوجوع
يدور جواك وتحس بندم
ولا الف اه تحكى ماتشكى جواه القلب اللى اتكسر
يصرخ وبقول كفايا امتى ارتاح

صدقنى قريتها ومش عارف اكمل
تسلم ايدك يافارس
خالص ودى وتقديرى

شاعرة الرومانسيه 02-21-2016 02:59 PM

الله عليك يافارس

من أروع ما كتبت

تسلم ايديك

دمعه حائره 02-21-2016 03:09 PM

مهزله بكل المقاييس اللى بيحصل ده
كلام رائع وفى الصميم واتمنى الرساله توصل
تسلم فارس ابدعت

۩۩ elMagic ۩۩ 02-21-2016 03:11 PM

بس بقى قطعت قلبتيني اعم :04:
هى جامده فعلا وكلام يهز القلب
تسلم يا معلم

αЛαstoOorα 02-21-2016 04:58 PM

اقتباس:

المشاركة الأصلية كتبت بواسطة ƧĀƉ_ĿŌ∀Ē (Post 4961384)
ال ولسه بوجوع
يدور جواك وتحس بندم
ولا الف اه تحكى ماتشكى جواه القلب اللى اتكسر
يصرخ وبقول كفايا امتى ارتاح

صدقنى قريتها ومش عارف اكمل
تسلم ايدك يافارس
خالص ودى وتقديرى


منورني ياغالي وربنا يقف مع عم منصور

Words Whisper 02-21-2016 07:12 PM

أنا بآ مش بحبه
ومن قبل مايمسك وأنا متأكدة انه فاشل
واحد زي دا طبيعي ف وقته نضحك على همنا ..


تسلم حضرتك ..

العاشق الذى لم يتب 02-21-2016 08:52 PM

عاوزة الصبرالحكاية
تسلم ايدك
منش
تحياتى


الساعة الآن 09:58 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w