تصرفات غلط ممكن متاخدش بالك منها بس بتجرح اوى
 

.
..
:320:


تصرفات غلط ممكن متاخدش بالك منها بس بتجرح اوى

ماتجرحش ست عجوزة بتكرر الكلام عشان حضرتك زهقت...

متجرحيش واحدة وتقوليلها معندكيش ولاد ليه إيه السبب !!! اكيد ده فضول مش سند...
متجرحش حد قال كلمة إنجليزى غلط .. وتقوله هى بتتنطق كده مش كده !!! إبن الناس بالمعاملة مش باللغات !! ..

متجرحيش واحدة مطلقة او خطوبتها إتفسخت وكل شوية تقوليلها عاملة إيه النهاردة !!! ليه تحسسيها بالضعف

متساعدش حد قدام الناس وتفضحه قال يعنى عايز تبقى قدوة لغيرك !!! المساعدة قدام ربنا مش الناس !!
متقوليش لزميلتك هو إنتى معندكيش غير الطقم ده كل يوم !!! ده مش فكاهة ده تطفل ..

متحرجش طفلك قدام الناس وتزعقله ... علمه يبقى عزيز النفس قدام نفسه قبل الناس ..

ماتجبش لحد هدية وتصر إنه يفتحها قصاد الناس فى وقتها !!! دى هدية ولا دعايا !!! ..

لو قدمت لحد حاجة مش شعبية ومعروفة والحد ده سألك ده إسمه إيه ... متتفزلكش وتقوله معقولة مادقتوش قبل كده مش عارف !!! ده ضيافة ولا مظاهر !! ..

لو مع حد بيشترى لبس وإقترحتى عليه لبس معين ماتفضلش تلحى يشتريه حتى لو عاجبه مايمكن غالى عليه ... قولى رأيك وخلاص ..

العكس كمان لو حد قالك على حاجة مش عجباكى ,, ده حلو اوى ... ماتبصيش بقرف وتقولي إيه العك ده فلاح موووت ... خليكى ذوق بأخلاقك قبل إستايلك ..

ماتجرحش ..ماتطفلش...ماتتكبرش..مش عشان بس إنت مايتعملش فيك كده من ناس تانية....لا لكن عشان الناس مش مستحملة وجع فوق وجعها...خف الناس شايلة ياما...صح ولا ؟؟؟
.
.
.

جمييييله بجد يانوجا

الاشخاص دى كمان لو تلاحظى الناس بتبعد عنها غالبا

وممكن الواحد يبقى شايل الموقف دا لصاحبه ويبعد العلاقه بينه وبين صاحبه عشان موقف زى دا

او الولد اللى باباه او مامته زعقوله قدام الناس لو هو حساس مش هينسى الموقف دا خاااالص

وممكن كل دا يطلع بعفويه ومن غير قصد

بس المفروض الواحد يخلى باله

تسلمى يانوجا

كلام فى الصميم
تسلمى انجى

بالظبط :701:

اللهم علمنا ما جهلنااااااااااااااااااا

شكرا ليكم على المرور ..

كلام جميل
وبيدخل في نطاق ان الدين المعامله

جزاكم الله خيرا ونفع بكم

شكرا ليكم على المرور ..