مع السلامه يابلد تنبيه: تنبيه بسيط الكلام بيعبر عنى وعن شخصيتى ورؤيتى الخاصه ومع احترامى لاى شخص ضد كلامى الا انو رؤيتى الشخصيه وبالمناسبه مش سياسى اكتر مهو واقعى :94: مع السلامه مع السلامه يا بلد فيها المظالم تتولد والحق فيها بينجلد وقلوب عايشه فى ندامه مع السلامه مع السلامه للنهار الاملاه حقد ونار واحلام كتير فيه بتنهار ودا لسه هنشوف ياما مع السلامه مكنتش ناويه اودعك ومعدتش قادره اسمعك يابلدى وانتى بتصرخى جوايا وسيبه 100 علامه مع السلامه العيشه فيكى أصعب موت والموت فى ارضك احلى حياه وتعدى بيكى سنين وتفوت وهمك لسه فيكى شيلاه وقوليلى مين فيكى هيرد ظالم وانتى حكمك اصلا ظالم وكرامتى فيكى متهانه وقوليلى لحد امتى هتعشمينى بعيشه حلوه وتوهمينى ان بكره الجاى احلى دا حتى بكره راح بالسلامه ومع السلامه والمركب الا ماشيه بيكى مغرقانى وياريتها حتى تمد ايدها مكتمانى مكسوره ليه وانتى فوق الراس بيقسموكى ال وايه هما الحراس لو كان دا واجبى ان اموت وافديكى اخاف اموت وملقاشى فيكى التراب ومع السلامه عارفه مافيش بأديكى أى حاجه عشانى يابلدى وشايفه دمعه عنيكى منا شيله منها برضو فى قلبى ولأمتى هفضل فيكى اسأل نفسى أمتى يابلدى تقومى بسلامه كلمه الحق فى ميدانك نار بتحرق اوى سجانك والقضبان حسبوها ذل دأنا عزتى ورا قضبانك وبنكوى من ذلى فيكى وعشان عنيكى بيكممونى بسنين فضا وظلم القضا وضرب واهانه ومع السلامه كان ليا فيكى زمان أمل وبرضو ليا رب كبير فوضت وجعى الا ميحتمل دأنا ربى شيلى نصر كبير ومتفرحش يا ظالم باالاجالك دا يوم الحق يا ظالم ملوهش كبير هيجى اليوم وتنذل وحقى هاخده وبعزه منك يوم القيامه ومع السلامه aya yousef 27/2/2016 |
انا الولد اللي اتولد شايلاه كفوف الأحبة وهو شايل همك يا بلد وانتي شايلاله خوف وغربة واديني بقيت فيكي زيادة عدد لو اعد نفسي من ناسك تبوظ الحسبة حلوة الكلمات يا آية وواقع صعب قدرتي تجسديه بكلمات معبرة جدا تسلم ايديكي وحسك الوطني الجميل ربي يوفقك ويسعدك |
جميل الكلام جميلة المشاعر والظالم عليه الله والمظلوم ليه الله تسلمى اية تحياتى |
هتكلم الآول عن الآطار الشعري وهو آنك بدئتي بتوازن مبهر ومرة وحدة هرب منك الوزن يعني لما جيتي قولتي :: مع السلامه مع السلامه يا بلد فيها المظالم تتولد والحق فيها بينجلد وقلوب عايشه فى ندامه مع السلامه مع السلامه للنهار الاملاه حقد ونار واحلام كتير فيه بتنهار ودا لسه هنشوف ياما مع السلامه ::: دول البتين اللي بنسبالي مبهرين كان ف آيدك تكملي بنفس المستوي بس مع آندفاع مشاعرك وآستسلامك لخيالك ..خرجتي اللي جواكي بكل بساطة ودا الآجمل علي فكرة؟ يعني بصرف النظر . :::: .آنا ساعات بكتب وبيهرب مني الوزن ف قصايد كتير بس بكون بكتب بدون آدراك يعني اللي حاسه وبس وآنتي عملتي دا ... ::::: اما الكلام والطريقة والتعبير من آجمل مايكون ف تعبير مواطنة مصرية عن حالها وحال وطنها بكل رُقي وبمعاني تُحترم حتي آن كانت تعارض النظام الا آنها قمة الآدب والفكر الرزين اللي مفيش حد يقدر يعارضك فيه آو ينقادك عليه ::::: وبما آني بحب الشعر والكتابة بحب؟؟ مش شاعر عشان متفكريش آني داخل آفرد عضلاتي عليكي بس^^ آنا بحب الشعر وبحب اللي بيكتب بآحساسه :::: غالباً مبردش علي حد رد طويل ف القسم الآدبي بالذات الا لما آكون حاسس كلامه آو عجبتني حاجة لي ف بقولك القصيدة عجبتني جداً بس آبقي آمسكي ع الآوزان ^^ :: " المنشاوي "! |
ومع السلامة يا حجات كتير كان حلمنا صحيح كبير كنا بنقول الهم راح وودعنا يومها الجراح وقلنا عفا الله ويلا سماح ..... ما قدروش يتحملو يشوفوا الكبار بيكملوا وبذرو البذور وشمروا وقالوا هنحصد امحنا النيل دا نيلنا وملكنا والارض الخصبة ارضنا .......... قلبوا الدنيا وهللوا ورقصوا وغنوا وطبلوا وال ما رضيوا كبلوا وعلى السجن يلا ورحلوا والدم كتييييير اوي تصوروا ............ قالوا الفشلة غاروا خلاص وام الدنيا عنينا ياناس وجابوا يا خوية راجل هلاس بيبكي يا عينى قال اية حساس.. ......... مصوا الدم وزادوا الهم وجابوا الغم قال قناة قالوا الله واخد الكل على قفاة عصابة هو والمعاة وزاد الفقر والمعناة ........... داس على الحر وقال ارهابى وساب جاهل ينهش حجابي وسجن البت وعليكم عتابي .......... انا لله وانا الية راجعون اللهم لا تعلي لهم راية ولا تبلغهم غاية الباقى معروف والله غالب تحياتى واحترامي |
السلامة مكتوبة ليك والخطى مكتوفة منك والوداع يبقى الاخير جابرني بعدي عنك |
ابداع وجمال والبلد ترد السلام بحرقه وتقول انا ذنبي ايه ولادي وظلموني وانا خير البلاد ويارب جمع ووفق وادفع الظلم عني والظالمين واصلح الحال للجاي وهيتولد انا مصر الخير وفيا العز وقهرا العدا من زمان يارب سترك علي وعلي ولادي الاوفياء هم جند البلد تسلمي يارب علي جمال كلماتك وفيها معاني كثيره وتحاكي واقع اليم يسلموا الفكر الجميل والقلم الجميل |
مع السلامه فعلا جميل ما تم سرده يسلم قلمك الراقي يا بنت والدي دام نبضكـ |
مع السلامة والحسرة فى قلبي مع السلامة والدمع فى عينى مع السلامة ياحب وجعنى مع السلامة وما حد سمعني وانا بقلك نفسي تحضنيني يابلدي انا بغير عليك وما بسمح حد يقول عليك حاجة وحشة وبقول فيك ال حاسة قلبي تجاهك هو حب الوطن دة اية وحش يعنى اخفية وما اقول تانى علية بحبك وانتى طردانى وارهابية مسميانى وحتى وانت محربانى وبقول بكرة تتعدلي والشمع بكرة هيقدلي والنصرة بكرة هتعدنى لبسمة من قلبي تانى يابلد فوقى وقومى ولادك وكفاية وخدة فى عنادك دا الخاين ربع على عمادك ولا فاد شعبة ولا فادك ... واية يا بلدي |
بصى بالرغم من كل الحاجات اللى بتسد النفس فى البلد الا انى عندى بصيص امل فى بحر من اليأس وربنا يسترها ... كلماتك جميله واحساسك عالى تسلم ايدك |
الساعة الآن 03:20 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب