قواعد إسعاد الزوج الواحد و الأربعين :610: قواعد إسعاد الزوج الواحد و الأربعين: ================ ١- ماتسأليش ابدا عن اي تفاصيل ٢-قوليله حاضر ٣-وطي صوتك ٤-اسكتي احسن ٥-اوعي تساليه انت فين او بتكلم مين ٦-اياكي واياكي تساليه عن باسورد الفيسبوك بتاعه او تحاولي تمسكي موبايله ٧-قوليله حاضر ٨-لو قالك انا شكلي هتجوز عليكي قوليله بصوت ناعم ورقيق وبابتسامة "براحتك ياحبيبي" ٩- قوليله حاضر ١٠-ماتسأليش ليه ١١-اتكلمي دايما عن بطولاته ١٢-اشكريه على كل حاجة بيعملها ....... "ومبيعملهاش" ١٣-قوليله حاضر ١٤-وطي صوتك ١٥- احفظي مواعيده ١٦- سيبيله الريموت يجيب القناة اللي تعجبه ١٧- قوليله حاضر ١٨- امدحي في كل كلمة بيقولها ولا كانه براد بيت في فيلم تروي ١٩-ماتطلبيش منه شيكولاته نهااااااااائي ٢٠- لو اتاخر برة البيت اوعي تكلميه تساليه جاي امتى ٢١- استقبليه بابتسامة ٢٢-لو نده عليكي روحيله جري ولا كانك ميسي في كاس العالم ٢٣-حضريله الحمام "ومتسالهوش الحمام بيتحضر ازاي" ٢٤- قوليله حاضر ٢٥- اوعي تصحيه وهو نايم ٢٦- اوعى تطلبيي منه شيكولاته نهااااااااائي ٢٧-قوليله حاضر ٢٨-اكويله هدومه قبل ماينزل ٢٩-حضريله فطار حتى لو مبيفطرش ٣٠-قوليله دايما اخبار سعيدة ٣١-اعرفي ان القهوة وصحابه شيء مقدس بالنسبة ٣٢-قوليله حاضر ٣٣-مش لازم انه يفتكر عيد ميلادك او عيد جوازكو وفاجئيه انتي بيهم ٣٤-اتكلمي عن وسامته واناقته وخصوصا قدام اهله ٣٥-اوعي تنشغلي بحاجة غيره طول فترة وجوده في البيت "حتى لو مش شايفك اساسا" ٣٦-اوعي تناقشيه في اي كلمة يقولها الا لو سمحلك ٣٧-اهتمي بأناقتك وجمالك وطبيخك وخسي ٣٨-اتفرجي على بنات كاس العالم ٣٩-برضه اوعى تطلبي منه شيكولاته ٤٠-قوليله حاضر القاعده ال 41 لو ماتظبطش بعد ده كله ومشي بما يرضى الله . المقادير حجم 2 لتر بنزين 80 من اوسخ بنزيمه فيكى يا مصر + ولاعه وتاكدى ان الولاعه مليانه وشغاله 100% واطلبى منه انكم تخرجوا فى اى مكان عام وبراحتك بقي يامعلمه . . . |
مهي لو عملت غير كدا هتتبهدل بقة هههه |
ما انتو كده صنف ظااااااالم |
هههههههههههههههههههههههههه هما تمامهم بنزينه :140: |
هههههههههههههههههههههههههههههههه |
ما جبش طبق بلاستك واملاه ميه دافيه واغسله رجليه بالمره ويعيش دور سي السيد |
تدوم الضحكة يااااارب |
الساعة الآن 05:41 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب