|
[ للنقاش ] الاهلي والزمالك بيكسبو عشان الملاعب وشها حلو ! http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://banatmisr.com/up3/uploads/1457112128391.jpg مبدئيا مليون مبروك للإنتاج الحربي الفوز التاريخي علي الزمالك وهو فوز مستحق ولا نقاش في ذلك لان الانتاج لعب بروح وقوه وهو ناقص لاعب عن الزمالك ولذلك الانتاج استحق المكسب بعيد عن التحكيم والحظ والكلام ده وخلينا متفقين ان الحظ وقف ضد الزمالك في هذه المباراه بشكل كبير حيث كاد الزمالك أن يسجل أهداف وأهداف ولكن القائم منعه عن ذلك وأيضا تألق حارس الانتاج الغير عادي حرم الزمالك من التعادل أو المكسب مباراه وعدت ويجب أن لا نبكي علي اللبن المسكوب كثيرا ونفكر فيما هو قادم أحدثكم الان ك مشجع زملكاوي حزين علي نتيجة اللقاء بالفعل ومن يعتقد بأنني لست حزين فهو مخطيء وهذا أمر طبيعي لكل مشجع الانتاج الحربي بشكل عام كما نعلم بأنه صرف ملايين علي ماوصل للي هو فيه فريق الان يوجد له لاعبين مميزين للغايه والاهم لديه ملعب خاص به وهو ملعب السلام معني كلامي إن الانتاج حاليا لديه المقومات اللي تخليه يفوز بالدوري زي الاهلي والزمالك تماما ويجب أن يكون في المقدمه وينافس علي اللقب ولكن كانت وجهة نظري في موضوع سلمي امبارح ان مهما يحصل كل الانديه ممكن تفوز علي الاهلي والزمالك ولكن ليست بالنتيجه الكبيره ولذلك بقول انها عكس التوقعات تماما كما توقعنا من قبل بأن سموحه قد تفوز علي الاهلي ولكن بنتيجه هدف وكانت المفجأه فوز سموحه علي الاهلي بثلاثيه نظيفه أيضا وده اللي كنت حابب أوصله ندخل في موضوعنا بشكل عام ودي حاجه منتشره في الوسط الرياضي وتحديدا في مصر وانا شخصيا مش معترف بيها وبعتبرها تفاهات من أي حد يجيب سيرتها ولكن لابد أن اطرحها للنقاش كما نطرح عليكم كل ما يدور في الشارع المصري ونتناقش سويا عن كل مايحدث الزملكاويه كانوا معتقدين بأن الزمالك عمره ماهيخسر علي ملعب بتروسبورت وبالفعل الزمالك تقريبا حوالي 60 مباراه لم يخسر علي هذا الملعب وكانت نتيجة الخساره تتحول في النهايه لتعادل أو مكسب ولكن كان السبب في ذلك هو إجتهاد لاعبي الزمالك وليس العكس ان الملعب وشه حلو و الكلام ده الاهلي نقل ملعبه وبقي ملعبه الرسمي هو برج العرب عشان وشه حلو عليه كما سمعنا من بعض مشجعي الاهلي من قبل لان الاهلي يخسر علي بتروسبورت ويفوز علي برج العرب وبالفعل في أكثر من مباراه للاهلي علي هذا الملعب كاد أن يخسر ولكنه يعدل النتيجه في النهايه وبالفعل كان السبب هو اجتهاد لاعبي الاهلي وليس العكس إن الملعب وشه حلو و الكلام ده وجهة نظري التي لا قيمه لها وقد تكون صحيحه أو خاطئه ولكن في النهايه هي وجهة نظري في هذا الموضوع بشكل عام أيا كانت صح أو غلط ! الزمالك كان من الممكن أن يخسر من المقاصه وسموحه من قبل ولكن إجتهاد اللاعيبه والروح هي من حولت نتائج هذه المباريات للتعادل عكس مباراة الامس الاهلي كان ممكن ان يخسر من المحله والمصري من قبل ولكن إجتهاد اللاعيبه واللعب بالروح لأخر ثانيه هي من حولت نتائج هذه المباريات للتعادل لكن للأسف احنا بقينا في مصر ماشيين ب مبدأ غريب وعجيب إن ملعب وشه حلو و ملعب وشه مش حلو وعموما كرة القدم مفيش فيها الكلام ده الزمالك بالفعل فضل فتره كبيره جدا يكسب ويتعادل علي بتروسبورت ولعب حوالي 60 مباراه علي هذا الملعب ولم يخسر فيهم وجاء الوقت وخسر الزمالك علي هذا الملعب وبنتيجه كبيره من الانتاج الحربي امبارح الاهلي مهما يكسب في برج العرب أو يتعادل أكيد هيجي الوقت ويخسر مهما طالت الاوقات عكس ما سيد عبدالحفيظ وبعض مشجعي الاهلي فاكرين ان الملعب وشه حلو والاهلي مستحيل يخسر عليه ولكم فيما حدث للزمالك دليل الفكره في الموضوع هنا إن مفيش ملعب وشه حلو ومش حلو ملعب بتروسبورت أضيق من برج العرب ولاعبي الزمالك يجيدون اللعب علي بتروسبورت لانهم بيلاقو بعض بسرعه في المساحات الضيقه عكس لاعبي الاهلي بيجيدو اللعب في المساحات وهذه المساحات بالفعل موجوده في بترو سبورت لكن هذه الملعب عمرها ماكانت ولا هتكون رعب للمنافس وستبقي ملاعب زي أي ملاعب في مصر الانتاج الحربي إستحق المكسب لانه لعب بروح وبرجوله وهو ناقص لعب الزمالك خسر وهو مسيطر علي المباراه ولكن مكنش فيه روح وبسبب كده لم ينهي الزمالك هجماته بشكل سليم وضاعت كلها واستغل الانتاج كل ده علي ما أعتقد ان الموضوع بشكل عام وصل للجميع وسأترك لكم مساحه للنقاش سويا بعيد عن التعصب وهذا ما تعلمته دائما وانا معاكم ونحن نطرح أراءنا علي بعض ونحن هنا لـ نفيد ونستفيد من بعض ! .. اسئله للنقاش .. - هل تقتنع بأن الزمالك يفوز في بتروسبورت بسبب ان الملعب وشه حلو ؟ ونفس الكلام الاهلي يفوز في برج العرب بسبب إن الملعب وشه حلو ؟ - كلمه تعبر بها عن كل من يطلق هذه التصريحات سواء من مشجعي الاهلي أو مشجعي الزمالك بشكل عام علي الملاعب ؟ - هل تعتقد بان الانتاج الحربي سينهي الموسم وهو في مركز متقدم ونراه الموسم القادم في المقدمه وينافس مع الكبار ؟ http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
أنا شيفة إنه الموضوع مش وش حلو ووش مش حلو هيا عادة بتبقى تعود ودراسة للملعب يعني زيي ما برشلونة ونوادي كتير بتلعب خارج ملعبها بتواجه صعوبات كتيرة وممكن يخسرو ولما يجو لملعبهم يبقى كدا عندهم قوة أكبر فتلاقيهم بيفوزو انا عارفة إن برج العرب مش ملعب الأهلي ولا بترو سبورت ملعب الزمالك لكن من كتر ما بيلعبو فيهم وتقريبا بيرتاحو وبيحسو إنهم بيقدمو أداء كويس فيهم فشايفين إنهم بيساعدهم للفوز .. لكن أكيد ممكن جدا يخسرو فيهم وممكن يأدو أسوء أداء في الملاعب ده وأكيد ملهاش دعوة بالوش الحلو ولا لا طول ما إنت بتلعب وتجتهد وتأدي بشكل كويس وروحك عالية والفريق ال قدامك متوتر وإنت ضاغط والمدرب بيفكر صح كل ما نسبة الفوز بتعلى بعيد عن أي ملعب بتلعب عليه .. ده رأئي .. تسـَـلم عل الطرح المتميز كالعادة يامحمود .. ودوام التألق يارب ^^ |
- هل تقتنع بأن الزمالك يفوز في بتروسبورت بسبب ان الملعب وشه حلو ؟ مبدئيآ خلينا متفقين ان القصه مش وش حلو ووش وحش ممكن بيكون بيديهم طاقه أيجابيه فـ بيلعبو بلمستوي المطلوب وطآقه ايجابيه دي بنآءا علي نضافة الملعب والاهتمام بيه لأني بصراحه علي حسب ما بشوف معظم ملاعب مصر فيهآ أهمال ملحوظ ودي ف حد ذاتها فضيحه يعني ونفس الكلام الاهلي يفوز في برج العرب بسبب إن الملعب وشه حلو ؟ - كلمه تعبر بها عن كل من يطلق هذه التصريحات سواء من مشجعي الاهلي أو مشجعي الزمالك بشكل عام علي الملاعب ؟ اقلـهم ياريت نرجع زي زمان ويبقي فيه روح ريآضيه اكتر ويآريت يقبلو الخسارة قبل المكسب لاني اللي بيحب الفريق فعلا هيقف معاه ف الضيق قبل الفرح - هل تعتقد بان الانتاج الحربي سينهي الموسم وهو في مركز متقدم ونراه الموسم القادم في المقدمه وينافس مع الكبار ؟ ممكن لـو هيبقآ فى شوية تركيز واجتهاد اكتر وليهم كل التوفيق . |
روعه موضوع رائع ومميز عاشت الايادي دوم التالق |
| الساعة الآن 05:26 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب