|
انفراد المارد الاحمر بصدارة الدورى بعد الاطاحه بمصر المقاصه السلام عليكم ورحمة الله وبركاته http://media.linkonlineworld.com/img..._3_5_21_15.jpg انتهت منذ قليل مباراة اليوم ما بين الاهلى _ مصر المقاصة بنتيجة 2_1 لصالح النادى الاهلى بعد عرض مميز من الفريقين خلال شوطى اللقاء " خلاصة المباراة " بدأت المقاصة ف اول خمس دقايق من الشوط الاول بمحاولة السيطره على مجريات اللقاء بالهجوم والسيطره ع نص الملعب ولكن سرعان ما أدرك المارد الاحمر الامر وبدأت يفرض رتم اسلوبه ولعبه الجماعي بتنقلات الكوره ما بين أرجل اللاعيبه وبالفعل نجحوا في خطف اول اهداف اللقاء بعد تمريرات مميزه مابين اللاعبين الى ان وصلت لقدم رمضان صبحي الذى اقتحم بالكوره منطقة الـ 18 ومن ثم اعطاءها للاعب المتميز عبدالله السعيد لتعود مره اخرى من اقدام السعيد إلى قدم رمضان صبحي الذى اسكنها في شباك حارس مرمى المقاصة ليتم الاعلان على اول اهداف اللقاء وينتهى الشوط الاول بتقدم الاحمر ومن ثم يأتي الشوط الثاني وبدأت المقاصة في محاولة العوده للقاء وبالفعل نجحوا ف ذلك بعد خطأ في خروج حارس الاحمر عادل عبد المنعم ليسبب ذلك إحراز التعادل لصالح المقاصة ومن هنا تزيد محاولات الفريقين في إقتناص الثلاث نقاط ولكن بعد تمريرات حريريه تصل الكوره اللى اقدام عبدالله السعيد ليعطيها سرو باص لعمرو جمال ويسكنها ف الشباك ليعلن عن تقدم الاحمر مره أخرى بثاني أهدافه في اللقاء وينتهى الشوط الثاني والمباراة بتلك النتيجة بتقدم الاحمر على الاخضر بنتيجة 2_1 ،، ومن هنا يستطيع الاحمر الانفراد بصدارة الدورى برصيد 47 نقطة ليأتى من بعده نادى الزمالك برصيد 38 نقطة منتظر نتيجة لقاءه غداً مع المقاولون العرب في السابعه مساءاً على قناة نايل سبورت والحياة ويأتى ف المركز الثالث نادى المصرى برصيد 36 نقطة .. " أسئلة النقاش " * برأيك من كان أفضل لاعبي اللقاء ؟ * مارتن يول مدرب المارد الاحمر الجديد هذا اول لقاء له وضح تقييمك على أداء أول مباراة يأديها ذلك المدرب وما رأيك ف التبديلات اللى أجراها خلال شوطى اللقاء ؟ وللعلم الثلاث تبديلات كانوا محمد هانى بديلاً لحسام عاشور *تبديل اضطرارى* عمرو جمال بديلاً لإيفونا وليد سليمان بديلاً لرمضان صبحي $%$%$ |
انا متابعتش المباراه من البدايه علشان أحكم عليها بشكل عام ولكن الكام دقيقه اللي تابعتهم عرفت قيمة حاجه اسمها حسام عاشور اللاعب الوحيد اللي الاهلي بيقف عليه والدليل ان وقت ما تعب عاشور المقاصه اتعادلت ومازلت مصمم علي رأي بأن حجازي ليس المدافع المميز هو مجرد لاعب بسيط وأقل من البسيط فشل في إيطاليا وعاد اللي الوراء ورجع الدوري المصري بعد فشله في الخارج أما محمد هاني مصمم انه لاعب صغير في السن وله مستقبل كبير ومحتاج فرصه اكبر وأكبر وهيكون مشروع لاعب مميز واتوقع انه يكون الافضل في مركزه في مصر في الفتره القادمه بشرط انه ياخد الفرصه شخصيا مشوفتش أي لمسات للمدرب في الكام دقيقه اللي شوفتهم وعموما مينفعش اننا نحكم عليه من اول لقاء يكون تحت قيادته نستني عليه شويه وربنا يكرم وليد سليمان محتاج يلعب أكتر لانه كان راجع من اصابه من أكتر الناس اللي بحترمها في الاهلي بشكل عام هو وليد مبروك الفوز والثلاث نقاط هارد لك الفريق المجتهد مصر المقاصه تسلم علي المتابعه ياكبير مميز كالعاده |
مبروك لكل الأهلويه |
ما شاء الله اسلوب مميز في تحليل المباراه واني لازلت ومصمم علي ان افضل فريق بمصر بلا منازع في نقل الكره والوصول الي مرمي الخصم هو النادي الاهلي الاهلي اليوم اضاع فوزا ثمينا نتيجه تسرع بعض اللاعبين وعدم التوفيق ووافضل لاعبي الاهلي هو رمضان صبحب وعبد الله واللاعب الذي كان له اثر فعال وكان ممكن يسجل هدفين عمرو جمال ودخل مرمي الاهلي هدف ليس نتيجه لعب المقاصه ولكن دائما وابدا اخاف من ها اللاعب الذي دائما يرجع الكره الي حارس المرمي خطا فادح مسؤل عنه الدفاع يسلموا يارب الكابتن الماجيك |
اقتباس:
وهو اللى بيوزن منطقة الدفاع خصوصا اما يبقى ف حالته والنهارده عمل ماتش كويس واتظبطت له كمان فرصه للتهديف ولكن الحظ مكنش معاه وجاتله الاصابه فا خرج تبديل لمحمد هانى ودخل ف مكان عاشور احمد فتحي ف الوسط دا خلاه بردوا يقل نشاطه خالص عن ماكان عليه ف تبديل عاشور اللاعبيه بتبقى بحالات ولما بتكون ف افضل حالاتها بتعمل ماتشات مميزه بالتوفيق ان شاء الله ف اللى جاى بقى تسلم ي معلم |
اقتباس:
منوره حنين *_^ |
اقتباس:
واكثر ما يميز المارد انه يستطيع نقل الكره بين أرجل اللاعيبه وخصوصا اما بيبقوا ف الفورمه ومزاجهم عالى بيعملوا احلى شغل :04: ربنا يخليك يا عم حازم منورنا دايما اكيد بقى ودى وتقديري لك استاذنا |
مبرووووووووووك للأهلآوية وللأهلي وللعيبة عل الفوز والأداء وتوسيع الفارق.. يارب دايما بقى :) بالنسبة للشوط الأول من أحلى أشواط الأهلي بصراحة كان متسيد بالطول والعرض وماشوفتش غير هجمتين للمقاصة واحدة ضاعت وواحدة شالها أحمد عادل .. مبارة فيها ضغط عالي وتمريرات سريعة ونقل الكورة بسرعة من الخلف للأمام وخط وسط جبار ورمضان والسعيد وغالي ال مستواهم كل يوم بيتطور والأهم منهم عاااااااااااشور ال مسمار بحق وحقيق عمل حركة جميلة لما أنطلق من نص الملعب وكسره لمصيدة التسلل لاعب ملهوش بديل وربنا بيسترها في غيابه .. كمان أحمد فتحي النهردا كان عالي أوي مع صبري رحيل وعرضياتهم كان مضبوطة وأدو متش ممتاز حقيقة .. محمد هاني بيتطور ولاعب ليه مسستقبل كبير .. أحمد عادل مازالت واثقة فيه .. حجازي مينفعش أتكلم عليه لمجرد مبارة وواحدة غلط فيها بمقابل مباريات كتير شال ودافع .. مؤمن زكريا وإيفونا محتاجين يقدو عل الدكة فترة .. إجماليا الأفضل كانو : رمضان والسعيد وفتحي وعاشور .. ♥ المدرب لسه في البداية وهنحكم عليه بعد 3 متشات كمان بس واضح إنه كويس وهيقدر يعمل شغل وياريت لو يلعب الشيخ عشان أنا زهقت :d وبس :d وتسلم إيدك ياماجيك عل الطرح والتحليل الممتاز منور القسم دايما ^^ |
اقتباس:
وهوب فجأه ينزل الخبر اللى بينفى الكلام دا ويوضح انه مستبعد لعدم جهازيته فنياً مع كذا لاعب تانى ^^ ان شاء الله المدرب يقدر يظبط ادمغة اللاعبين وبيوزعهم ف المراكز بشكل مناسب ليهم والاهم ان اللاعيبه نفسها متدلعش ويبقوا رجاله ف الملعب معاكى ف ان عاشور بيأدي أفضل مبارياته مع الاحمر لغاية دلوقت ومادام عبدالله ورمضان ف فورمتهم لازم بنشوف السرو باص والتمريرات السريعه ومؤمن دا مش ممكن يعني واخد اساسى طول ال90 دقيقه امتى هتقعد ع الدكه امؤمن ^^ ربنا ييسر بقى وان شاء الله اللى جاى افضل للمارد منوره سلمي اكيد *_^ |
اقتباس:
هو التمركز الخاطيء لـ قلبي الدفاع ومفيش تفاهم بينهم وبين الحارس زي ما حصل النهارده في هدف المقاصه والمفروض يكون فيه تفاهم أكتر من كده واللي بيميز الاهلي عن الزمالك في الفتره الحاليه هو توظيف اللاعيبه بالشكل السليم والتحرك بدون كره وده اللي افتقده الزمالك بعد رحيل فيريرا لو تلاحظ أوقات بحس ان اللاعيبه حفظت طريقة فيريرا ومن الصعب يغيروها وده عيب كبير جدا في لاعبي الزمالك ! حبيت اعلق بالكلمتين دول ياكبير ومجهود مميز كالعاده بقي |
| الساعة الآن 08:28 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب