عقدة الخواجة .. (قصة قصيرة) :112: عقدة الخواجة .. (قصة قصيرة) في مول كايرو فيستيفال سيتي الكبير ، في محل أيكيا الشهير ، في المطعم المرفق بالمحل تجلس فتاتان من الطبقة الراقية ، ترتديان أفخر الثياب ، وتبدوا عليهما أثر النعمة .. وفجأة مرّ شابٌ أسمر بلحية طويلة كثة ومعه زوجته المنتقبة وولده الصغير كان الشاب يرتدي تي شيرت سوداء على سروال رمادي ! اي نعم ، سروال فضفاض رمادي ، تماما كالسراويل البيضاء التي يرتديها الناس " تحت الجلابية " فدار الحوار التالي : الفتاة 1 : ايده ايده ، بُصي بُصي على الراجل ده الفتاة 2 : يانهاااري ! ايه القرف ده ! الفتاة 1 : انا مش فاهمة الناس دي بتفكر ازاي ! جاي المول "بالأندر ويـر" ! الفتاة 2 : مش ممكن ، الناس دي ايه ! معندهاش سينس ! الفتاة 1 : أنا مش مصدقة بجد !! الناس دي بجد بتشوه صورة الإسلام ! هم فاكرين نفسهم كدة بيقلدوا الرسول ! الفتاة 2 : لأ طبعا ! سيدنا محمد كان شيك جدا وبـيـلبس أشيك هدوم الفتاة 1 : أنا مش قادرة أصدق ! لو حد أجنبي شاف المنظر ده هايقول على المسلمين ايه ! ..... وفجأة صاح الشاب الأسمر مناديا على ابنه : Hey Abu Bakr , come here .. come on .... فضحكت الفتاتان من الدهشة ! فتاة 1 : ايده !! دول طلعوا أمريكان ! فتاة 2 : هههههههههه ، مش ممكن !! مش مصدقة نفسي فتاة 1 : سبحان الله ! وايه اللي ملبسهم كدة ! فتاة 2 : يا بنتي الناس دول مش بيهمهم المظاهر فتاة 1 : سبحان الله ، فعلا ، عَمَـليّـين أوي فتاة 2 : اه طبعا ، حياتهم كلها كدة ، عمليين جدا جدا ، شوفي مراته كمان لابسة كوتشي مع النقاب فتاة 1 : شكلهم تحفة بصراحة فتاة 2 : فعلا ، الناس دي معندهاش عُقد ، حياتهم بسيطة وعملية اوي فتاة 1 : وهو الإسلام كدة على فكرة ، دين بسيط ومرن ، مش بتاع عقد ومناظر فتاة 2 : طبعا . . . |
الساعة الآن 10:08 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب