بعد تعادل الاهلي مع ريكرياتيفو الانجولي http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://banatmisr.com/up3/uploads/1457864472521.jpg تعادل الاهلي أمس في اول مباراه له في مشواره الافريقي أمام ريكرياتيفو ضمن مباريات دور الـ ( 32 ) من دوري أبطال افريقيا هذا العام كما تابعنا جميعا بأن الاهلي إستحوذ علي المباراه بشكل كبير ولكن كرة القدم لا تعترف بكل هذا وبالفعل كرة القدم تعترف بمن حرك الشباك واستهتار بعض لاعبي الاهلي في هذه المباراه كانت سبب في هذا التعادل الخادع في أنجولا بعتذر علي عدم طرح الموضوع أمس بعد المباراه مباشرة كالعاده ولكن حبيت أن اطرحه الان لكي نتناقش سويا حول المباراه وحول حظوظ الاهلي في مباراة العوده في القاهره وبمناله التوفيق بإذن الله بالفعل هذا التعادل نتيجه إيجابيه للأهلي علي ارض المنافس ولكن كما ذكرت بأنه في الاول والأخر تعادل خادع أمام فريق أنجولي مميز ويمتلك خط هجوم مميز وسيكون خطر علي الاهلي في مباراة العوده في القاهره هذا طبيعي تقييمي لبعض اللاعبين بعد المباراه وقد تكون وجهة نظري صحيحه وبالفعل قد تكون خاطئه وسنتناقش سويا حول كل شيء ! إيفونا - مؤمن زكريا - عبدالله السعيد التلاته سبب في خروج المباراه بالتعادل السلبي وقد يتفق معي البعض في هذا الامر لما شاهدنا من هذا الثلاثي أحمد فتحي - حسام غالي - رمضان صحبي من خلال متابعتي لهم في المباراه أري بأن مستواهم مقبول اللي حد ما محمد هاني - أحمد حجازي - ربيعه أفضل ناس في الملعب بالفعل وقد يتفق معي الجميع في هذا صالح جمعه مفيش حكم عليه ولكن الكوره الاخيره اللي عملها دخلت دماغي ولو كانت كملت كانت هتسبب خطوره كبيره علي مرمي المنافس زملكاوي ولكن بقول هي مباراه وانتهت بحلوها وبمرها ويجب النظر لمباراه العوده بشكل سليم لانها لم ولن تكون سهله كما يعتقد بعض الاهلاويه نظرا لقوة الفريق الانجولي خارج أرضه والدليل مباراة الدور السابق التي لعبها الاهلي في مباراة العوده يحتاج للتسجيل المبكر ليحسم التأهل مبكرا لأن من خلال متابعتي للفريق الأنجولي لاحظت بأن لديهم لياقه بدنيه قويه وأطوالهم عاليه ولا يعرفون معني للعب العشوائي ولعبهم منظهم وعلي ارضية الملعب ولديهم فكر في تنفيذ الكرات الثابته من خارج المنطقه وهذا ان دل ف يدل علي أن مباراه العوده لم تكون بالسهوله التي يعتقدها مشجعي الاهلي .. اسئله للنقاش .. - ما رأيك في مباراة الاهلي و ريكرياتيفو الأنجولي بشكل عام ؟ - ماهي حظوظ الفريقين في مباراة العوده برأيك ومن يستطيع حسم التأهل ؟ http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
ايوه يا جدعان هو الأهلي كان بيلعب انت مش كنت زملكاوي ليه تكتب عن أهلك ليه ههههههههه قصدي الأهلي انا روكبي حديد هههههههه قال أهلى قال سيبك من دا سمعت تامر عاشور الجديد لو سمعتو انا ماسمعتوش ههههههه عليك واحد هههههههه تلعبني سيجا يالا ابتدي سيب ياض الطوبه ههههههه الطوبه دي مكانها مش هنا انت هتختم من أولها هههههههه |
عودا حميد يا حوده بتقرير ولا اروع بص ياحوده انته زى ما قولت بالضبط ع فاكره الاهلى كان ممكن يخلص الماتش الشوط الاول وانا قلت اكتر من مهر مومن زكريا محتاج يريح شويه ع الدكه علشان يتادب وصراحه الحق يقال الشوط التانى الاهلى كان يستحق الخساره وليس التعادل مباراه غير ارضيه بالمره فعلا واتعقد لو اهتمينا بجد ف مباراه العوده شوف نحقق الفوز والتاكيد ع ذلك الشوط الاول دمت مبدعا ياصاروخ كالعاده |
رفعولنا الضغط ياجدع ماتش ملوش ملامح الشوط الاول كان للاهلى وضيعه من ايده والشوط التانى دا بتاع الحكم هو وفريقه اللى بيحتسبوا التسللات والركنيات ! كان بيتعمد ينفض لاى وقعه للاهلى وفي المقابل اى واحد من الفريق المنافس يرمى نفسه عند ال18 يحسبهالهم ركلة حره هجوم الفريق دا بيميزهم القوة الجسمانيه وفرق الاطوال هيسببوا مشكله ف لقاء الاياب لو مقدرش الدفاع والحارس يتعامل معاهم المباراه كانت صفر ع الشمال للأهلى لقاء العوده محدش قال انها سهله لانها اكيد صعبه الاحمر كان محتاج يريح الدنيا ف اول 45 دقيقه قبل ما يعك وربنا يسهل ف لقاء الاياب ومارتن يظبط التشكيله انا مش عارف متمسك بمؤمن لاخر لحظه ليه ! اما نزل وليد اتغير بدال رمضان وكان المفروض مؤمن ! وصالح كان عايز ياخد فرصه كامله مش ينزل ف اخر الدقايق ! وايفونا بقى المفروض يريح شويه ويبدأ بعمرو المره الجايه او انطوى لو ف لياقته ربنا يقدم اللى فيه خير إن شاء الله تسلم ي معلم للتغطية |
ان شاءالله ف مباراه العوده يقدر يسجل الاهلى فوز مبكر تقرير مميز محمود يسلمو ايديك |
اقتباس:
تسلمي بقي |
اقتباس:
أخوياا الاهلاوي الغالي جدا اللي دايما منورني بردود مميزه بالفعل ياغالي الاهلي إستحوذ علي أوقات المباراه ولكن استهتار بعض اللاعبين هو سبب في التعادل هي نتيجه ايجابيه ولكن أحيانا التعادل يكون خادع بالتوفيق في مباراة العوده منورني دايما ياكبير |
اقتباس:
بس انت مش تايه عن الاجواء الافريقيه عموما و التحكيم الفاضح اللي فيها بالتوفيق في مباراة العوده انشاء الله منورني داينا ياكبير |
اقتباس:
بالتوفيق للأهلي في مباراة العوده منوراني دايما رودي |
مـَاشوفتش المتش بس كلامك موافق تماما لتعليقات الأهلاوية عل مواقع التواصل الأهلي رغم الإستحواذ والفرص الكتيرة لكن فشل في التسجيل وأسوء من في المتش كان مؤمن وإيفونا والسعيد أنا ممكن أعذر السعيد لكن مؤمن وإيفونا طفح بينا الكيل منهم يقعدو في الدكة بقى ونشوف الشيخ وأنطوي وصالح شوية -_- الحمدلله عل كل حال .. مبارة وعدت وبإذن الله نـفوز ونأدي ومنضيعش في مبارة العودة بالتوفيق للمارد الأحمـَر .. ♥ منـَور ياكابتن محمود وتسلم عل المجهود والتحليل الرائع دومت بـَخير :) |
الساعة الآن 02:28 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب