منتديات بنات مصر

منتديات بنات مصر (https://forums.banatmasr.net/)
-   منتدى يوميات الاعضاء (https://forums.banatmasr.net/f61/)
-   -   تعرفي ...... (https://forums.banatmasr.net/msryat547150/)

shery 03-13-2016 11:07 PM

تعرفي ......
 
طبعا اغلبنا سمع عن خطوبة وليد ديدا & مريم صقر "ديدا & تعرفى"
احلى قصة حب شفتها ف حياتى
هى قصتهم باختصار
"
كل الحكاية قبل م مريم تعرف اني بحبها ..
كنت كل يوم ادخل اكتب زي قصص يوميا كده
اسمها #تعرفي .
ويوم عن يوم كنت بكتب اكتر واكتر
بدلت الناس تتعلق بالشخصية جدا
مكنتش بكتب اسمها ابدا محدش عرف اسمها غير في اخر كام بوست ليها .
والناس كانت متشوقة انها تشوفها جدا .
المهم مريم اخدت بالها اني بكتبلها وقالتلي انت بتكتبلي انا الكلام ده
قولتلها لا
وفضلت اكتب في بوستات تعرفي فوق 6 شهور
ومع الوقت اعترفت بحبي ليها وروحت اقابل ابوها . اقسم بالله مكنش معايا فلوس
ولا مخطط ل اي حاجة اصلا
وبسبب كده طبعا اترفضت .
اكتئبت جدا وزعلت بس قولت اكيد خير
فضلت اكمل واتعب اكتر من الاول
وكنت بحاول اطمن ع مريم من بعيد لبعيد
اشتغلت طول شهر رمضان .. من غير مااخد اجازة وكنت بشتغل فوق 14 ساعه
حتي ايام العيد اشتغلت فيها كانت مريم دايما معاها ب الدعاء
كانت هي اطيب واحن واحدة بطبطب عليا وبتخفف عني . . وروحت تاني اتقدمت
والحمدلله .. قدرت اوصلها . تعبت جدا عشانها وهي برضه تعبت جدا
كنت بحب اجبلها كل حاجة من غير ماتطلبها مني
بفهمها من نظرة عينها . واي حاجة كانت بيكون نفسها فيها .
كنت لازم لازم اجبهالها . زي العربية كده
فضلت ادور عليها . وجبتهالها لون الفستان
انا عارف ان في ناس كتيرة جدا بتحب اكتر مننا ومخلصة وصدقة اكتر مننا بمليون مرة
.. وعارف كمان ان في ناس بتتعب ونفسها توصل . ابشر ربنا وعد كل واحد وقال وبشر الصابرين . انا كنت مكمل ومطمن بالكلمة دي اووي . وكنت مؤمن ب الدعاء بتاعي وكان عندي يقين بالله اني هوصلها .
والحمدلله الخطوبة اتعملت والقاعه مكنش فيها مكان .
وجالي احسن ناس ف الدنيا وكنت نفسي اشوفهم جدا
دي كل الحكاية هي مش قصة روميو وجوليت
هي مجرد قصة كل واحد ممكن يعيشها .
بس كل م في الحكاية . انا اول م حبيتها تعبت عشانها .
وقولت ي رب اكتبهالي .وربنا طيب وكريم اوي اوي
الحمدلله ..
ودي كل الحكاية

الأميرة رودي 03-14-2016 08:51 AM

اكيد بتكون فرحه مش بتوصف لما يكون حب كبير وينتهى بالزواج والارتباط الحلال
ربنا يسعدهم
تسلمي شيري نورتى المنتدى

دمعه حائره 03-14-2016 09:50 AM

الحب الحقيقى بيكلل بالزواج
وعلاقات النت نادر لما تصدق
بتتوقف على مصداقية الطرفين وجدية الرجل اهم حاجه
هم خلاص اتجوزوا ربنا يسعدهم ويرزقهم بالزرية الصالحة

راجعة لحبيبى 03-14-2016 10:41 AM

مشكوره شيرى
والقصه الرومنسيه
عقبالى وعقبالك
تسلمين

يحيى الفضلي السودان 03-14-2016 01:17 PM

ربنا يسعد الحبان

ويبعد عنهم سموم وهجير

اللهم اجعل الخير في كل خير

shery 03-14-2016 02:10 PM

نورتني ،.....

حازم34 03-14-2016 02:19 PM




هكذا يكون الحب الجميل والصبر والدعاء من الله ان تكون له ويخلص النيه


ويدع الامر لله ويتوكل عليه


ويجتهد ويجد في عمله ليكون هو الكفؤ والقدر لها


جميل الموضوع جدا


الحب الجميل الاصيل الجد هو من يكلل برعايه الله وتوفيه ايا كان مكانه وفي اي زمان اهم شئ الصدق


والرعايه والاهتمام بمن احبها


سيكون كل شئ جميل وعلي ما يرام


تسلمي والله


ولكي مني خالص التحيه والتقدير

shery 03-14-2016 02:23 PM

تسلم
نورتني

حـيـــــآة ❤ 03-14-2016 08:14 PM

الحب الحقيقي هو اللي بينتهي بالحلال
تسلمي ياتحفه

سيناا 03-15-2016 05:18 PM

آحلى شعور بالعالم

لما قلبين يعشقوا بعض

ويتكلل عشقهم بالزواج وتأسيس العائلة


الساعة الآن 03:13 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w