سألني ابني سؤال....
 

سألني ابني سؤال
رديت وانا موجوع
و قلته في الحال
متغير الموضوع
.
ليه احنا مستحملين
عيشة المرار والطين
و الكل شاكي وحزين
من العذاب والجوع
.
اللي بيحميني ليه
دايما محمر عنيه
لازم اقوله يا بيه
و كأنه شئ مشروع
.
العامل المطحون...دايما
ياكل عيش حاف
والباشا... من غير تعب
بياخدله عشر تلاف
ويا ريته بيهم قنوع
.
الظلم رايح لفين
واحنا اللي بيه موجوعين
قولولي اشكي لمين
و صوتنا مش مسموع
.
سألني ابني سؤال
رديت وانا موجوع
وقلته في الحال
متغير الموضوع

احيانا بيكون ف اسئله مش عارفين لها جواب
او الافضل بالنسبه للابن
الجهل بالشىء احسن من العلم به
حتى يعيش الطفل بخياله
بعيدا عن واقع مر عايشينه
جميل رغم النزف
تقديري

فعلاً سؤال يوجع
لأن لا اجابة له

تحيتي

احلى شىء انك قلت له غير الموضوع

كلمات رائعه تسلم ايديك اخى

لحد إيمتى بس حنفضل نهرب..!!؟

نبعد عن السؤال، نلف.. ونتغرب..!

والحقيقة شمس حارقة منا بتقرب

لازم نلاقي حل.. نكون منهم اقرب

نبطل فيها نبعد..نبطل فيها نهرب..!



ماشاء الله
- حاسة انو قلمك موهوب بالكتابة العامية ..وقدرت توصل الفكرة بكل سلاسة ..!
ومابعرف كيف بعد ماقريت كلماتك ،ماحسيت الا وانا عم رد ع سطورك بالعامية المصرية
كمان.. ويمكن هي تاني مرة برد باللهجة المصرية ع موضوع.


- خالص شكري وتقديري
نغم الشام بعد المغيب..

رغم الحزن الي فيه بزياده
بس رائع تسلم

السكوت احيانا وتجاهل المواضيع افضل من الرد عليها والكلام فيها ..
بما ان لا احد يسمع فالسكوت افضل ..

حزينه سطورك..
راقت لي..
تحياتي

والله حضرتك اثرتي في نفسي اشكالية
ايهما افضل ؟
عزل الطفل عن المنغصات اليومية
ليحيا طفولته ويستمتع بها
ام القيام بتدريبه منذ الصغر علي مواجهة
المشكلات وسبل حلها
.
احب مرورك دوما
فالقارئ الجيد عملة نادرة
تحياتي لسموك

مرور كريم
وشرف عظيم
تحياتي لسموك

.
الاحساس بالعجز امام الابناء
احساس مقييييييييت
شكرا مرورك العطر
تحياتي لسموك