زعلان منى ,, http://banatmisr.com/up3/uploads/1458411292561.png حبيبى على طول ظالمنى وفـ حبه خلاص هايجننى حاله عجيب دايما بيغيب عنى وآخرة صبرى عليه زعلان منى بقى ده كلام هو الحب يكون زعل وملام يومين حلوين وبقيت الشهر خصام عايش ولاعلى باله مبسوط وتمام وأنا اللى بسببه لاباكل ولابنام وما بيسألش عنى حبيبى ليه بيحب الأسية وفـ حياته عاملها غيه وإيه آخرة القصه ديا ده قسوة الدنيا مطلعها عليا وليل نهار معذبنى وأنا كان إيه ذنبى ده أنا عشت عمرى أتمنى رضاه ماهو ده اللى حلمت بيه وبتمناه فـ قلبى مكانه وفـ عنيا شيلاه وهو بالقسوة يعاملنى من بين الناس اخترته ولايوم قدرت على بُعده أستحمل وأقول هايرجع لعقله وجاى يقولى مخاصمنى..! وإيه اللى عليه مصبرنى شاغلنى معاه وفـ حاله محيرنى بيقول نسياه وهو اللى هاملنى ازاى يقدر يبعد عنى ومكانه ده جوا الننى أقول إيه تانى ده أنا فـ حبه بعانى أسيبه بكرا يرجع يترجانى وهاسامحه مع أنه أنانى ربنا يهديك يا تاعبنى.. http://forums.banatmasr.net/images/s...0Smiles/34.gif دمعه حائره mena_hassan 19-3-2016 |
كمية عتاب وملام يا سلام ههههه جميلة يا منون تسلم ايدك حبيبتى والله يصلح الحال اضربي نفسك واشتكيه فى الشرطة والأمور هتعدل هههههه وربنا يعينا على فعل الخير |
اقتباس:
استنى اما اقفل المنتدى وتعالى اشهدى معايا ربنا على المفترى يامرمر :132: |
ياسلام ياقمر حروف راقيه كلها دلع وحب ومين يزعل من منون اكيد دايب من الحنين تسلم ايديكى ياقمر |
اقتباس:
|
لا بصراحه مالوش حق بس يمكن يكون بيتدلع عليكى وعايز يعرف غلاوته عندك وممكن يكون بيحبك جدا ومش عارف يعبر عن حبه ازاى وممكن تكونى انتى المفتريه وبتتصيدى له الأخطاء بس الواضح ان فيه كيميا بينكم ومش هتقدروا تبعدوا عن بعض ربنا يحفظكم ويحميكم ويجمعكم على كل خير |
اقتباس:
نورتينى ياقمر |
اقتباس:
نورتينى يامرمر يا سكر:dp40lu4: |
اقتباس:
نورتنى اشرف ربنا يسعدك وديما منور المنتدى |
حبيبى على طول ظالمنى وفـ حبه خلاص هايجننى حاله عجيب دايما بيغيب عنى وآخرة صبرى عليه زعلان منى ياربي مش ممكن ليه وعلشان ايه اكيد بيدلع شوي وبيشوف مدي الحب اد ايه واهو انتي كتبتي احلي شئ لو شافه اكيد هيقول ويرد عليه بكلام جميل انتي تستاهلي كل ما هو جميل اسال الله ان يسعد قلبك يارب وتكونوا اسعد اتنين بالدنيا وان يبعد عنكم عين الحسد يارب كلماتك جميله خالص وكعادتك تكتبين كل ما هو جميل مع خالص امنياتي لكي باجمل حياه في حب دائم يارب |
الساعة الآن 11:27 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب