|
الأهلي يجتاز ريكرياتيفو بأبطال إفريقيا ويتأهل لـدور الـ 16 .. ♥ https://fbcdn-sphotos-d-a.akamaihd.n...84091245_o.jpg حقق فريق الأهلي المصري فوزًا على حساب ضيفه ريكرياتيفو دي ليبولو الأنجولي، بهدفين نظيفين مساء السبت، على ملعب برج العرب بالإسكندرية في جولة الإياب بدور الـ32 ببطولة دوري أبطال أفريقيا لكرة القدم.. سجل ثنائية الأهلي رمضان صبحي في الدقيقة 10 والغاني جون أنطوي في الدقيقة 82 .. وشهد اللقاء تفوقاً من جانب الفريق الأحمر وإهدار للعديد من الفرص خاصة عن طريق الجابوني ماليك إيفونا ومؤمن زكريا. وتأهل الأهلي بقيادة مديره الفني الهولندي مارتن يول إلى دور الستة عشر بالبطولة إثر هذا الفوز بفضل تعادله في أنجولا دون أهدف وصعد الفريق الأحمر لمواجهة يانج أفريكانز التنزاني في دور الستة عشر.. مـَجريات اللقاء : الأهلي تفوق منذ البداية بمحاولة من إيفونا ثم هدف رمضان صبحي في الدقيقة العاشرة بعدما راوغ بجوار خط المرمى ببراعة وأودع الكرة في الشباك بالزاوية الضيقة. وواصل الأهلي سيطرته على مجريات الأمور وأهدر إيفونا هدفاً بضربة رأس فوق العارضة وأخطأ أحمد عادل حارس الأهلي في إبعاد الكرة ولكن الدفاع أبعد الخطورة قبل أن ينقذ عبد المنعم مرماه من تسديدة قوية حولها إلى خارج الملعب. وأهدر مؤمن زكريا انفراداً صريحاً بغرابة بعدما فضل التمرير إلى إيفونا الذي أضاع انفراداً آخر من تمريرة سحرية لحسام غالي الذي فشل في استغلال خطأ حارس ريكاردو.. وأهدر رامي ربيعة ضربة رأس قريبة فوق العارضة. وأشرك ريكرياتيفو مهاجمه البرازيلي لويز فيليبي لتنشيط الهجوم ونجح الحارس ريكاردو في إنقاذ مرمى الفريق الأنجولي من انفراد صريح لعبد الله السعيد في الدقيقة 48. وألغى الحكم المساعد هدفاً للأهلي عن طريق رامي ربيعة مدافع الفريق بداعي التسلل في الدقيقة 56.. وفرض الفريق الأنجولي. وأضاع فرصتين محققتين ثم أجرى مارتن يول المدرب الهولندي تغييراً بخروج عبد الله السعيد لصالح وليد سليمان في الدقيقة 62 وأشرك مدرب ريكرياتيفو تغييراً بنزول كبيبي على حساب إيدي بيوم في الدقيقة 65 لتنشيط الهجوم. واصل إيفونا إضاعة فرص بالجملة بينما أنقذ محمد هاني فرصة هدف محقق من ريكرياتيفو في الدقيقة 76. ولعب أنطوي بدلاً من إيفونا في الدقيقة 79، ليسجل الهدف الثاني في الدقيقة 83 من خلال تمريرة عرضية متقنة من وليد سليمان. وأشرك يول اللاعب أحمد الشيخ على حساب رمضان صبحي وتصدى الحارس أحمد عادل لانفراد من جانب ريكرياتيفو.. وبذلك إنتهى اللقاء بـفوز المارد الاحمر .. ♥ .................................................. .............................. مبروك لجمـَاهير الأحمر وللفريق واللعيبة .. :193: بالنسبة للأهلي في الشوط الأأول كان الأداء ضعيف جدا رغم إن المنافس مش قد كدا ونفس ال حصل في المتش ال فات مفيش إستغلال للفرص وإستغلال مصايد التسلل أبدا وبطء هجومي وده طبعا بفضل مؤمن وإيفونا -_- الفريق الأنجولي ضغط عل الأهلي دفاعيا !! وده أثر عل خط الوسط ومشفناش عبد الله السعيد بيأدي كويس في الشوط الثاني الفشل في تسجيل هدف ثاني من بداية الشوط ده أثر عل المستوى الفني للعيبة وغالي وفتحي كانو بيرجعو لورا كتير لدرجة كنا هنشوفهم دفاع مش وسط عرضيات كتتتتيرة كالعادة وسيئة ومن غير هدف .. فرص كالعادة بردو بتضيع بغرابة شديدة وفي لعيبة بتتفنن بكدا ههههه https://scontent-mxp1-1.xx.fbcdn.net...9e&oe=578D3B93 يعني بإختصار : مهارة رمضان صبحي هيا ال حسمت المتش سواء بهدفه الأول ال بمجهود فردي خرافي وبالتمريرة ال بالكعب في الهدف التاني 19 سنة وبالروح والمهارة ده ماشاء الله ياريت الكل كيفك يارمضان :m46: وطبعا وأكيد هو رجل المبارة .. أحمد عادل كان 10 عل 10 ويارب دايما متألق كدا .. وليد سليمان ماينفعش ميكونش مؤثر .. محمد هاني كل الثقة فيه .. زهقنا وإحنا بنقول مؤمن وإيفونا يقعدو عل الدكة بذات وإن الشيخ وأنطوى عملو أداء جيد رغم قلة اللعب .. وفي السولية كمان لو محتار في بديل يا أستاذ مارتن هههه المهم الحمدلله عل الفوز والمكسب وبإذن الله يتحسن الأداء ونشوف نتايج كويسة وإفريقياااا يا أهلي .. شــَاركوني بأرائكم ونقدكم في المبارة ؟ ومن أفضل وأسوأ لاعبي اللقاء ؟ وكيف ترون مشوار الأهلي في قادم مباريات البطولة ؟! تـَحياتي : ســَلمى ^-^ |
بعيد عن الاداء مبروك تأهل الاهلي والزمالك النهارده ومعاهم المقاصه وأهو رمضان بقي يسجل اهداف زي اهداف مصطفي فتحي من خرم ابره مش ان الكل يبقي زيه يعني سلمي ههههههه مبروك علينا تأهل الثلاث أنديه وعقبال انبي بكره ان شاء الله تسلمي علي التغطيه المميزه كالعاده |
اقتباس:
مــَبروك للجميـَع وعقبال إنبي .. أنا بقول ياريت الكل كيفك للـ زيه في سنه وفي الأهلي يامحمود :) ومنووووور دايما ياكابتن وتسلم عل المروووور ^^ |
الف مبرووك للاهلى يستحق الصعود رغم ان الاداء كان متوسط ولكنه كان افضل من الضيف بالعموم فاستحق الفوز اسوء لاعب كالعاده كان مؤمن وشاهدت جماهير الاهلى غاضبه عليه جدا وفعلا رمضان صبحى نجم اللقاء وافضل لاعب فى الاهلى اصبح قوى جدا ومستواه اصبح عالى ومفيد وابتعد عن الانانيه وكمان مبروك للزمالك والمقاصه وان شاء الله كل الفرق المصريه والمنتخب يواصلوا النجاح الف شكر لكى سلمى على التقرير تحياتى لكى |
الف مبروك للأهلى زعيم افريقيا الاول |
عندك حق بقى والشخص اللى المفروض يقعد شويه ع الدكه فعلا هو ايفونا مش في حالته الطبيعية وهو نفسه عارف داا وجوده من عدمه مش بيفرق وبيضيع الفرص المحققه ع فرقته والمهاجمين البدلاء موجودين عمرو و انطوى وعن مؤمن بياخد ال90 دقيقه وكأنه احسن لاعب ف الفريق = d مؤمن اداءه ف الدفاع جيد هو من اكتر الناس اللى بتجري ف الملعب وبيتوقع تمريرات الخصم وبيقدر يوصل للكوره ويقطعها ولكن نيجي عند الهجوم بيقلب بطه بلدي = d موجود ف التبديل كفاءات وناس عايزه تاخد فرصه اديهم فرصتهم امارتن :04: وعن اداء اليوم للاعيبه اكيد رمضان صبحي كان رجل اللقاء لاعيب مهارى وقوى واحمد عادل يمكن كان محتاج اصابة اكرامي عشان ياخد فرصته وهو بيأدي كويس مبروك للمارد الاحمر وكل الفرق المصريه تغطية كالعاده مميزه سلمي الله ينور بقى |
.....ألف ألف مبروك للأهلي ياختي وانا روكبي حديد والأهلي حديد....وسلم لنا بقي عالتروماي ههههههههه انا ماليش في الكوره ولا بحبها بس بحب أغلس عليكو |
اقتباس:
الغضب ده طبيعي لإنه عدت أكتر من خمس مباريات ومستوى مؤمن متحسنش ,, لازم يرجع لنفسه ويشد حيله ويعرف إنه الأهلي أكبر من ال بيعمله ده -_- في نفس الوقت منقدرش نستغنى عنه ده الحراااق بس لازم يقعد عل الدكة ويتقرص من ودانه هو وإيفونا وهما اكتر ناس غضبانين عل نفسهم قبل الجمهور .. يارب يستمر رمضان عل المستوى والأداء ده الأهلي محتاج إن اللعيبة تستمر في أدائها الممتاز وميحصلش تذبذب بالتوفيق للفرق المصرية .. تشكر ياكابتن عل المرور الجميل كالعادة ومنوووور جدا ^^ |
اقتباس:
منور يا أخ هيما وتسلم عل المرور ^^ |
اقتباس:
بس المدرب الوحيد ال مش عارف باين :24: مش معنا إنه شال كم كورة في الدفاع يبقى ده مؤمن ال نعرفه لا لازم يتقرص شوية ويقعد عل الدكة عشان يعرف إن الفرص مش ببلاش .. الإستمرار في الأداء الممتاز مطلب كروي يا ناس :11nk2: تسسلم ياماجيك ومنور دايما بردودك الحلوة وتششكر عل المرور ^^ |
| الساعة الآن 12:44 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب