|
كان ياما كان (مسابقة كان زمان) كان ياما كان كان فيه زمان قلب بينبض بالإحساس رافض كل ذنوب الناس وذنوبه لو نزلت أرضه يهجرها ويبات ندمان كان ياما كان بيسبّح بالحمد وراضى بيشقشق فى صباحه النادى عصفور الأحلام الأخضر وحارس سكّته رضوان كان ياما كان وتعدّى من عمره سنين يبقى الماضى فيها دفين والقلب المحتار من حاله يفضل على حاله حزين لا هو طالع ولا نازل ولا خارج ولا داخل وأهو بين البينين واقف ومش شايف ولا عارف طريقه منين بيمدّ خطاه مع الزحمه وتزيد التوهه ف الضلمه وينادى عليه رفيق عمره وماهوش سامع ولا كلمه وخلاص القلب أهو اتحوّل وكأنه اتعاد من الأول نسى الماضى وأيامه وأحلامه اللى قُدامّه بقت هى دى ذنوبه زمان والنبض خلاص فيه مبقاش حياته تموت وموته أهو عاش بيدوّر فيه على ذكرى لإحساسه ومبيلقاش ويبات القلب بين أهلهُ وكل آماله تندهلهُ يروح ليهم بأشواقه ويرجع منهم على مهلهُ يشيل م المرسى دى حباله ويرسى ف شط موعود ناوى يدور بترحاله فى كل مرسى موجود والبحر غريق واهو نازل وايه يا قلبى يستاهل تسيب البر وتجازف هو أنت يعنى مش خايف؟ ياما قبلك كتير غرقو وأنا شايفك كده غرقان كان ياما كان |
وكان زمان وماأحلى الذكريات وماأجمل الهمس مبدعنا د عبدالله سلمت يمناك بالتوفيق فى المسابقة تحياتى وودى |
اسلوب سهل وبسيط اخي عبد الله عامية جميلة موفق ان شاء الله |
الله عليك لحروفك طابع خاص بها كلمات راقيه موفق ان شاء الله |
كلمات راقيه اخى الكريم تسلم ويسلم نبض قلبك وقلمك تقبل فائق احترامى |
ما شاء الله كلمات غاية في الروعة تحياتي لسموك المبدع |
كلمات جميلة متناغمة وبمنتهى الاحساس عبرت عن الفكرة تسلم دكتور موفق |
وكان يا ما كان كان ناس عايشين بامان بيصحوا على نور الصبح ويناموا على شط حنان كانوا كتير راضيين ولا من شيء خايفين وعدت كدة سنين لكن ياعينى مين ال ايامة على طول حلوين استكتروا الفرح عليهم وفى وسط الضلمة رموهم وينزل دمع عنيهم والقلب ملية حرمان لكن الناس رافضين يعيشوا مكسورين وعلى رجليهم واقفين وكتافهم اهم شايلين دفاتر فيها كاتبين دعوات بتقول يا معين الطريق منين ولففين واكيد مش ساكتين وفي يوم هيكونوا راسيين ان شاء الله احترامي لحضرتك |
وتقول مليش ف العاميه!! مممم بصراحه سلاسه وتعبيرات رائعه بالفعل سلمت يمينك ايها الراقي |
رائع اخى عبد الله ابدعت جميل هو نبضك سلمت وبالتوفيق لك إن شاء الله |
| الساعة الآن 10:46 AM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب