|
عفوا - كهربا وفتحي هم الافضل ! http://forum.kooora.com/user.aspx?id...Besm_salam.gif السلام عليكم ورحمة الله وبركاته -- http://banatmisr.com/up3/uploads/1460620900361.gif لو إتنين زمايل في الثانوي ومع بعض دايما وخلصو ثانوي ايه اللي بيميزهم عن بعض ؟ ان مثلا صاحب المجموع الاعلي هو اللي بيدخل كليه كويسه ده اللي نعرفه مش كده ولا ايه ؟؟ في كرة القدم وبالتحديد في نهاية الموسم مين بيكون البطل ؟؟ اللي نعرفه إن اللي بيكون البطل هو صاحب أعلي عدد نقاط وإن الهداف بيكون هو صاحب أعلي عدد أهداف مش كده ولا ايه ؟؟؟ رمضان صبحي كما قال الاعلام المصري وكما قال جمهور الاهلي هو أحسن وأفضل لاعب موجود في مصر طيب احنا هنعمل مع بعض مقارنه بسيطه كده مابين رمضان صبحي ومابين لاعبي الزمالك وزي ماقولنا فوق إن الاحصائيه هي اللي بتبين صح ؟؟ لو جينا مع بعض نعمل مقارنه بين رمضان صبحي وكهربا هنلاقي إن رمضان صبحي لعب مع الاهلي في الدوري 19 مباراه وسجل 3 أو 4 أهداف ومع المنتخب صنع هدف جميل جدا وسجل هدف في وسط الزحمه وهنلاقي كمان إن كهربا لعب مع الزمالك في الدوري 18 مباراه وسجل 7 أو 8 أهداف ومع المنتخب صنع هدف وسجل هدف هنا هنلاقي إن محمود كهربا يتفوق علي رمضان صبحي بالاحصائيات ومش انا اللي بقول كده الارقام واضحه وتأثير كهربا مع الزمالك أفضل واحسن ولكن الاعلام قال إن رمضان أفضل ! طيب رمضان بقي أحسن وافضل لاعب في مصر نظرا للمهاره والتحرك بالكره وبدون الكره والاختراق والكلام اللي احنا عارفينه ده تمام كده ؟؟ طيب لو جينا نحسبها مع بعض برضه ونعمل مقارنه بسيطه بين رمضان صبحي ومصطفي فتحي رمضان لعب 19 مباراه في الدوري وسجل 3 أو 4 أهداف مصطفي فتحي لعب 19 مباراه وسجل 4 أهداف ولكن هنا يتضح الفرق مصطفي فتحي في كل مباراه لعبها مع الزمالك كان له تأثير واضح إما في التحرك بدون كره أو بالكره أو صناعة الاهداف أو الاختراق والفتك بالمنافسين مش كده ولا ايه ؟؟ طيب هل رمضان في كل مباراه يلعبها مع الاهلي بيكون مؤثر ؟؟ ولا مباراه أه واتنين لا ؟؟ الكلام ده للي متابع مش لأي حد يدخل يهاجم وخلاص انا لا بدافع عن لاعبي الزمالك ولا بهاجم رمضان أنا بتكلم بالإحصائيه ! طيب بأي منطق نقول رمضان صبحي هو افضل لاعب في مصر والاحصائيات بتقول غير كده ؟؟ لو ع المهاراه والكلام ده ف نقول من ينكر مهارة صناع لعب الزمالك أيمن حفني ومصطفي فتحي وكهربا ماهو الا حاقد أو شامت فقط لاغير ! وعلي فكرة اللي هيطلع ويقولي كهربا ضايع الفتره الاخيره يبقي ماشافش كهربا في المباراه الاخيره بعد العوده من الغياب :06: عرفتو بقي دور الاعلام هنا في ايه ؟؟ وفي النهايه يطلع واحد يقولي أصل الاعلام مش مع الاهلي ! ملحوظه بسيطه عشان الناس اللي هتهاجم لمجرد الهجوم وخلاص ! رمضان صبحي ك موهبه مفيش شك ومن يشكك في قدرات وإمكانيات رمضان ماهو الا حاقد عليه ولكن انا هنا بوضح الاحصائيه بتقول ايه والموضوع للنقاش ومن حق أي حد الرد علي الموضوع واللي هيرد برد خارج الموضوع بشكل عام ولا كأنه قال حاجه بالمقارنه بين رمضان صبحي وكهربا ومصطفي فتحي الاحصائيات تقول بأن كهربا وفتحي يتفوقان علي رمضان الفيديو ده لكل واحد هيدخل ويقول رمضان بقي أحسن لاعب في مصر لانه الاكتر مهاره في مصر بشكل عام https://www.youtube.com/watch?v=OnOvE7izI18 http://forums.banatmasr.net/imgcache...506alsh3er.jpg تحياتي للجميع محمود الصاروخ http://l.yimg.com/lo/api/res/1.2/fxz...s/xcR12773.png |
مشكلتك انك مش بتبص غير ع الكلام اللى ملوش لازمه اصلا وبتوجع دماغك به يا محمود محدش قال ان رمضان هو افضل لاعب ولكنه من افضل اللاعبين رمضان كان العضو الاساسى اللى تسبب في تخطى المنتخب لمعضلة نيجيريا في الذهاب والاياب يوم ما تتكلم عن المنتخب الاهلى والزمالك بيتركنوا ع جنب لان في المنتخب بتلعب باسم البلد مصطفي فتحي لو كان متميز كان ظهر اداءه مع المنتخب هو لاعيب مهاري ومستقبل للمنتخب بس لما ياخد فرصته ويستغلها هيتألق وعن كهربا من اللاعبين الانانيين داخل الملعب حتى رمضان لاعيب انانى بس بيعرف يتحكم ف الكوره بفضل قوة جسمه والسيطره والاستحواذ رمضان هو من افضل لاعبي العرب استخلاص للكوره وارسالها داخل الـ 18 وصنع الفارق ولكن يبقى للاعيبين ظروفهم لان الطبيعي بان الاداء مش هيكون متميز طول الوقت ولكن المهم انك تستطيع صنع الفوارق وقت الازمات وبالتوفيق للثلاث لاعبين في مسيرتهم محدش ينكر انهم مهاريين ولما بيكونوا فق حالتهم بيأثروا لصالح أنديتهم |
اقتباس:
هداف البطوله وليه بنحدد أحسن لاعب وليه بيتوزع جوائز أحسن لاعب ؟؟ معلش ايه اللي يثبت في موضوعي إن بتكلم علي المنتخب بشكل عام ؟؟ انا بتكلم علي الكره المصريه بما فيها دوريها ومنتخبها وذكرت هدف رمضان في المنتخب لانه من ضمن أهدافه فقط ومش لحاجه تانيه طيب رمضان كان العضو الاساسي ازاي طيب مفهمتش ؟ انت معلوماتك ايه ؟؟؟ طيب سؤال بسيط ياغالي ! لو كانت كورة حماده طلبه في مباراة الذهاب دخلت جول والمنتخب خسر مباراة الذهاب وكسب العوده ؟؟ كان المنتخب اتأهل ؟؟ ولا كان له أي لزمه عموما لو كنت خسرت ماتش الذهاب وخصوصا بعد انسحاب تشاد مش كده ولا ايه ؟؟؟ بخصوص مصطفي فتحي ياغالي مصطفي شارك في مباراة تشاد صح ؟؟ طيب مين كان هو نجم المباراه ؟؟ هل مصطفي فتحي ولا غيره ؟؟ لو فاكر يعني ؟؟ طيب انت معندكش معلومه ان مصطفي فتحي كان انضم للمنتخب ولكن اتصاب قبل المباراه وخرج من القائمه ؟؟ طيب انت بتتكلم في المنتخب ليه دلوقتي وانا ماتكلمتش عن المنتخب عموما ؟؟ في قدامك إحصائيه بتقول مين الافضل طيب ياغالي ماهو معلش برغم ان الاهلي متصدر دلوقتي منا ممكن اقولك مش هو الافضل وفيه الاسماعيلي بيلعب احسن منه ولكن هنا الاحصائيه بتقول ان الاهلي متفوق مش كده ولا ايه ؟؟؟ بخصوص كلامك عن رمضان والاختراقات والكلام ده انت قرات الاحصائيه كويس طيب ؟؟؟؟ كلامي ممكن يكون ملوش لزمه بالنسبالك ياغالي ولكن انا بحكم ان بشجع كوره بشكل عام ف بهتم بكل تفاصيلها سواء كبيره أو صغيره يبقي السؤال الاهم لانك اتكلمت حوالين الموضوع فقط بالاحصائيه من الافضل ؟؟؟ وعلي فكرة انت لو تابعت الاعلام بعد المباريات بشكل جيد هتلاقي اللي بقولك عليه ده حصل ف راجع المعلومات الاول ياغالي منورني يامعلم |
هايل جدااااااااااااااااااااااااااااا |
اقتباس:
عسل انت يا محمود عيبك انك مش بتشوف غير نفسك ودايما شايف ان اللى قدامك دا مش متابع ولا عنده معلومه ودا مش اسلوب مناقشين عموما عشان لازم تحترم الطرف الاخر وعشان كده عمرك ما هتلاقي موضوع ليك انتهى بنقاش فيه تراضي ! الكلام اللى ملوش لازمه دا بخص به الاعلام المصري عشان انت اللى قولت فوق بان الاعلام المصري هو اللى قال ان رمضان افضل لاعب ارجع لكلامك قبل ما تخش وتتكلم !! وعن المنتخب ياراجل ما انت اللى عامل مقارنه فوق بين كهربا وصبحي وقايل دا جاب هدف ودا جاب هدف دا حتى صورة الموضوع لكهربا وفتحي وهما لابسين زي المنتخب :18: وعن حماده طلبة انت مجيبتش سيرته عشان نتكلم عنه اصلا انت اللى بتطلع بره موضوعك وبتجيب سيرة ناس محدش اتكلم عنها اهوو ! ولو رجعت وقريت كلامي كويس هتعرف اني بقول لو مصطفي فتحي اخد فرصته كامله هيتألق وهو ماخدش الفرصه كامله عشان زي ما انت قولت كده الاصابات ومظهرش مع المنتخب وعن الاداء مع الانديه الاحصائيه دلوقت بتقول ان الاهلى هو المتصدر اما نوصل لاخر الموسم هنشوف بقى الاحصائيات ومين الهداف ومين احسن لاعب ومين صاحب الدورى ومين ومين وكلنا هنبارك لاصحاب الاحصائيات ولكل مجتهد نصيب |
اقتباس:
من الرد علي حد بشكل عام خصوصا في الكوره لان مش زي غيرنا بنهرب وقت مايكون فيه نقاش حقيقي وده اللي بيحصل في المواضيع اللي انت بتقول عليها مبيكونش فيها تراضي - طيب هسألك سؤال بسيط ياغالي انا لما بطرح موضوع هنا في القسم بتكلم بلغة ايه ؟؟ بتكلم بالقانون وبالاحصائيات صح ؟؟ طيب هاتلي واحد هنا بيدخل يتناقش بالقانون والاحصائيات ؟؟ انا مش بحترمك ليه طيب مع ان النيه مفيش فيها كده عموما وده نقاش عادي طيب بما انك متابع معلومات زي مابتقول وده علي حسب كلامك هرجع واسألك سؤال واحد برضه - بالاحصائيه مين الافضل ؟؟ ولو لاحظت فوق هتلاقيني بقول الاعلام والاهلاويه مش الاعلام فقط مش كده ولا ايه ؟؟ مين فينا اللي بيشوف علي مزاجه ؟؟ إرجع انت للموضوع قبل ما ترد وتتكلم يامعلم بخصوص موضوعي هو انا لما عملت مقارنه بينهم عملت مقارنه بين الدوري والمنتخب صح ؟؟ بس الاكتر ايه الدوري ده اللي اتكلمت عليه اكتر مش كده ولا ايه ؟؟ أما بخصوص طلبه ف الرد بـ حماده طلبه لسبب انك قولت رمضان كان السبب الرئيسي ف بقولك لا حماده طلبه هو السبب الرئيسي في صعود المنتخب .. عرفت بقي مين فينا اللي مش متابع ياكبير ؟؟ والغرض من الموضوع أخيرا هو الرد علي الاحصائيه وتقول مين الافضل بالاحصائيات بمعني أصح انك تكدب الاعلام ! ومعلومه بسيطه في كل مواضيعي اللي بتنتهي بعدم التراضي دي دايما الاداره بتتهمني بالتعصب فيها للزمالك وهما في نفس الوقت مؤيدين للمواضيع اللي بتنزل للاهلي وهجوم واتهام لمجرد هجوم وخلاص ولكن - هاتلي نقاش حقيقي مع حد ؟؟ |
اقتباس:
ولكن اقدر اتعامل بشكل اصعب هيخليك تزعل مني عشان انت بتلمح اننا بنهرب من النقاشات !! ودا خلي عندك ثقه بانه عمره ما بيحصل الا اذا كان محور المناقشه تعبان وانا واحد من الناس اللى لما ادخل ف مناقشه باقول اللى عندي ومادام خلصت خلاص كده بتبقى خلصت القصه فا خد الامور ببساطه انت مش موجود في موقع كروي عشان تتعامل بالورقه والقلم ! كل المشجعين بيشجعوا فرقهم وانا عشان اجيب احصائيات للاهلى مش هاقولك زمالك ولا اى فريق تاني لكن بردوا مش هاجيبها رغم ان لو دورت هاعرف اجيب بس هي مسألة مزاج وانا مش ف دماغي ادور والف واجيب تفاصيل بيكفي المعلومات اللى اعرفها وانا كده ماشى في الحياد مع كل الفرق عموما اى نعم العبد لله اهلاوي و برشلوني ولكن وقت ما الزمالك بيلعب كوره حلوه بنعترف بدا واتحداك تلاقي حاجه ليا مش مدي فيها اى فريق حقه ! وعن الاعلام والاهلاوي مش هتفرق اصلا انت مسكت ف راي اهلاويه ما احنا قدامك اهلاويه ومحدش قال ولا عمل مقارنات بين لاعيب والتانى زي ما انت عملت ! لان لكل لاعيب اسلوبه ومش هيوصل الى باجتهاده الذاتي داخل المستطيل الاخضر واللى بيهم ان الكل بيلعب باسم المنتخب حماده طلبه رمضان كهربا فتحي اى حد كلهم عندهم انتماء لزى المنتخب وواجب عليهم الدفاع ومحدش قلل من حد ع حساب حد تاني زي ما انت عملت ! انا كلامى خلص بقى كده الحوار بسيط مش مستاهله ربنا معاك يا معلم |
اقتباس:
انت نفسك عمرك اتهمتني بالتعصب ؟ اكيد لا وده ان دل ف يدل علي إن الكلام مش موجه ليك شخصيا مش كده ولا ايه ؟؟ الكوره معناها ورقه وقلم يامعلم وقوانين واحصائيات وتحليل وكلام من ده مش مجرد فرحه بهدف وخلاص ! وان كانت الكوره عندك حاجه تانيه ف دي حاجه ترجعلك انت انا طارح موضوع للنقاش ومش عاجبك ف مش مشكلتي برضه اتناقش علي الموضوع أقصد صلب الموضوع نفسه وصلب الموضوع هو الاحصائيه ! غير كده خلصانه |
رمضان أفضل لاعب في الأهلي .. هتتكلم عن أفضل لاعب في مصر فأكيد ولا لاعب من الأهلي ولا الزمالك الدليل إن متصدر الهدافين لاعب سموحة وماشي عارفين إن كهربا وفتحي وأيمن حفني وحمادة طلبة والشناوي بيلعبو كويس وحلوين بس في الأخير انا أهلآوية وميهمنيش غير الأهلاوي :) |
اقتباس:
من صناع اللعب ؟ طيب ده مهاجم صريح وده صانع العاب ولا هو أحسن لاعب في مصر بيقتصر علي المهاجم فقط ؟؟ لو هنقول أفضل مهاجم في مصر واللي يستحق فرصه في المنتخب هو حسام باولو ومفيش كلام في كده بس ده في مركز المهاجم ولكن في مركز صناعة الالعاب الزمالك يمتلك كتيبه من صناع اللعب ينقصهم فقط التوظيف السليم من المدرب يكفي القول بوجود هيما وفتحي وشيكا وحفني وكهربا وحمودي بالاضافه لـ معروف الفكره مش فكرة انهم بيلعبو كويس ! الفكره انكو طلعتو رمضان ك أفضل لاعب في مصر ولكن الاحصائيات بتقول غير كده ولما قولتلك الكلام ده قولتيلي رمضان يختلف عشان المهاره تقريبا أو الحركه من غير كورة والكلام ده طيب تقدري تشوفي فيديو لمصطفي فتحي أو ايمن حفني ! الفكره هنا مش إن بهاجم رمضان برضه ! الفكره ان كل لاعب ياخد حقه سواء اهلاوي أو زملكاوي والحق واضح قدامنا ووقت مانقول الحق يبقي نقول الاحصائيات بتقول ايه ! بالاضافه اللي الشناوي اللي ذكرتي اسمه ف هو مش مجرد لاعب كويس ضيفي لـ كلامك إن هو حارس مصر الاول بلا منازع :a_009: منوراني سلمي |
| الساعة الآن 01:52 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب