|
حبّتيـه؟ حبتيه؟ ولا لسه بتفهميه يعنى ناويه تكملى ولا شايفه صورتى فيه؟ بتكلميه؟ شايفه شوقه اللى ف عنيه بتسمعيله وانتى ساكته ولا بتردى عليه؟ مش بلومك أو بعاتبك عارف انك مجبره واللى وقعنى فى حبك مش هنرجع بيه ورا بس قبل ما تقبلى.... لازم حبيبتى تعرفيه ..................... قوليله كان ماضى وراح حب ف حياتى وانتهـى واطلبـى منه السماح على حاجة عدّى وقتها وإن مكنشى هيقبلك..... أحسن ما تبقى بتخدعيه ............................ ساكته ليه؟ يعنى شوقك بتداريه ولا عايزه تفكرى وحبى لازم تبعديه؟ رافضه وجودى ويّا قربه وحاجات كتير متلخبطه مش قابله حبى جنب حبه وخلاص بقيتى محبطه والقلب اللى غاب عن دنيتى.... أنا لسه حاسس باللى فيه. ........................... حبيته؟ ولا لسه بتفهميه يعنى ناويه تكملى ولا شايفه صورتى فيه؟ |
رااائع الحرف دائما يا دكتور تسلم ايديك :m36: |
تساؤل فى محله يادكتور وتحديد الأمور اقصر الطرق للنجاح تحياتى |
ههههههههههه اضحكتنى اخي رغم ان كلماتك فيها اشتياق لما تاتحدث عنها تبعث عتاب وتزكرها بنفسك رغم انك تركتها ولكن عوز تعرف ليه سبتينى وذهبتى اليه هل في شئ مميز عنى ام بتلقي في حديثه هل يشبهنى ام يتفنن من ذكرياتى التى حدثيه عنى يلكا من ماكر بس جميله جدا جدا اسعدنى المكوس بين سطورك |
جميلة كلمات فى رسالة فى قصة سلمت دكتورنا |
احاسيس فعلا متلخبطه هتلاقيها دايما محبطه بين ماض وحاضر بين صورتك وصورته الاكيد صعب يكون الحب صوره متكرره ولا مشاعر متبروزه منتظره الماضى بصوره متجدده لقلمك ابداع متجدد احترامى |
القلب دة ما فكرش كدة ولا يجمع فى قلبة دة ودا وال انا منة متاكدة ان حبك لسة فية. اصل قولى واية يمنع قلوب انها تقول انى بدوب وحتى لو فية عيوب الحب بيسامح كل دة وال تقارن بين اتنين اكيد بعد المشرقين ويبقي ولا دة ولا دا احترامي سيدي |
حيرة غرامية لذيذة وإعصار في المشاعر فيضان رائع .. أعجبنى الحب ليس بحيرة ساكنة بل هو هذا العاصفة قلبها متردد في هذا التعبير حبتيه؟ ولا لسه بتفهميه يعنى ناويه تكملى ولا شايفه صورتى فيه؟ ولكن القضية محسومة لصالح البداية الجديدة مجرد أن تسمح الأنثي بفتح نافذة جديدة فهذا يعنى أنها افرغت كل مساحة القلب قبل أن تفتحها على عكس الرجل يستطيع أن يفتح أكثر من نافذة على الأغلب |
ههههههههههههه وطلب السماح حبيبي قولت سماح حبيبي ورجعلي نادم عالي راح |
واااااو ::: القصيدة راقيه ومحسوسة آوي وكل معني خارج بصدق بتآثر آوي بجد بآي حد بيكتب باللسان قلبه وآحساسه مش مجرد حشو كلام وخلاص القصيدة دي نقدر نقول عليها هي رؤية وروايه ف قلب سطور بيجملها وبيداعبها لحن التناغم والآحساس يعني آنا شخصياً لو بعزف ..هعملها آغنية ^^ روعة يادوك ..آنا من النوع اللي مش برد علي حاجة ف الآدبي بالآخص غير لما تكون لمست فيا حاجة بحييك والله |
| الساعة الآن 02:45 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب