|
رسالة موجهة لبعض اعضاء المنتدى السلام عليكم ورحمة الله انا حبيت اكتب الكلمتين دول لبعض اعضاء المنتدى انا ملاحظة انه في ناس مش بتحب تشارك في قسم عالم حواء مش عارفة ليه ؟ سعات ابعت رابط لعضو عن توبيك من قسم عالم حواء يرد عليا يقول لي هو انا بنت هدخل القسم ده ؟ انتي اجننتي عيزاني ارد في مواضيع زي دي ليه ؟ كان قسم حواء ده خط احمر وعيب اي عضو محترم يدخلوا يا اخي انت مش عندك حواء في حياتك يعني ؟ انت في اكيد في حياتك امك واختك ومراتك وبنتك مش انت سعات بتكون ماشي في السوق تعجبك اي حاجة حريمي تقوم مشتريها لها ؟ امال ليه بتحسسوني اني بطلب منكم حاجة عيب لما بطلب منكم تشتركو في القسم او تقولو رايكم ؟ يا اخي احنا في سنة 2016 والفكر الرجعي ده ماااااات واندفن من زمان واحنا مش بنعمل حاجة غلط في قسم حواء هي توبيكات بتزل و بتتعرض زي باقي اقسام المنتدى اكسر الحاجز ده يا اخي وكلمة عيب انا راجل ادخل اعمل ايه في قسم حواء احنا هنا كلنا بنقضي وقت وبنتسلى وبنتثقف اه عالم حواء قسم كباقي الاقسام مش فاتحاه انا كباريه والناس كل لما اقول لها تعالي اشتركي تقول لك يلهوي عيب يا ناس ده قسم مفهوش اي حاجة عيب ورجولتك مش هينقص منها حاجة لما تدخل تشارك في قسم حواء وخلاص كده وتحية لكل الرجال الجدعان الي بيدخلو وبيشاركو في القسم الناس الي بتحترم المراة بجد تحية لاخي حاازم ، رفعت ، الفيلسوف ، الماجيك عشان ديما بيشجعوني في القسم وبيشاركو شكرا لكم والسلام ./. . .. . |
كباريه دا حتي قسم كله اناقه ورقي ممكن الاعضاء الشباب مش ميالين للحاجات دي زي مثلا انا مبحبش اقسام الرياضه والسيارات والحاجات دي فاهمه الفكره.. مساله ميول ربنا يسعدك يانوجه |
اهلا وسهلا باانجى شعله نشاط المنتدى انا ساعات بستغرب يعنى ايه ماادخل مسابقه كلنا بنرتقى والارتقاء عقول وانا شايف اننا كلنا بنساعد بعض واعتزر انى ساعات بقصر ياانجى بس شغلك خقيقى ومجهودك لايمكن انكاره واكيد طبعا تحيه للمراه فهى نصف الدين وطالما انى الوجود وفق تعاليم واسس لايوجد شى خطا |
دي مشكلة العالم الإفتراضي مفيهوش غير ملايكة بس وكله بيتجمل وكله بيدّعي المثالية جداااا لدرجة تغيظ طبعا إلا من رحم الله ويحسسوا اللي عايش على الشبكة بوش واحد من غير أقنعة ، وعايش حياو سوية زي اللي عايشها في الواقع لا بيتجمل ولا بينافق ولا بيلبس أقنعة ، يحسسوه إنه شاذ وإن أيه ده ، يا لهوي عيب أوي ، يا مااامي ، ياااااي ربنا يكون في عونك |
انجي انا بضم صوتي لصوتك والله انا كمان ف القسم كده ياعني حته القسم مش بيتكلم عن المدرن والازياء بيتكلم عن طفوله امومه والاباء واكنه فعلا مدفون ولا العيب فيا بقي مش عارفه بجد بس فعلا التوبيك ده جيه ف وقته تسلمي تحياتي ...... |
شكرا ليكم يا اصحاب على التفاعل والمرور |
ماتزعليش سنسن كل واحد له تفكيره ولكن لو انامش عاوز اخش قسم عيب مايصحش اقول كلام فاضى ويزعل الناس اتمنى من كل واحديراعى شعورالاخرين وكل قسم له متابعينه ومشجعينه واللى بيحبوه ويستفادوا منه اشكرك لمجهودك تحياتى |
بصى يا نوجا هو كل حد حر بس اعتقد ان الصور لو بتبقى مطموسة مش هيبقى فيه اى مجال للاحراج او الكسوف |
اقتباس:
ليه فيها ايه قسم جميل وفيه ذوق راقي وفعلا من اجمل الاقسام عارفه من كم يوم اشتريت كم قطعه حريمي كانت تجنن بس للاسف لو بعرف انزلها كنت نزلتها مشاركه الاخوات شئ طيب ومش احنا بنمشي في المولات ونشوف كل شئ هنا ارقي واحسن كتير وفعلا يسلموا فكر الاخوات الراقي الجميل اسال الله ان يسعدهم يارب وتسلمي يارب انجي شعله الاناقه والجمال وكذلك الاخت مووووونا ربي يحفظكم ويسعدكم |
كسرتي زجاجتي واندفق مائي على فرش بساط من الحرير فانا الخباز ان قل صبري فيحترق الشواء مع الفطير فاعلمي ان جل الناس صنعا لصبع الخبز او قطع الشطير فحواء ليس وحدها بالطبيخ فليست صاحبة الغزل الكثير فان قل مزاري رمت حبا فحواء هي انعم من حرير |
| الساعة الآن 08:09 PM |
Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب