منتديات بنات مصر

منتديات بنات مصر (https://forums.banatmasr.net/)
-   ابداعات الاعضاء العامية (https://forums.banatmasr.net/f241/)
-   -   ده يرضي مين.. (https://forums.banatmasr.net/msryat551233/)

مارد الغضب 04-28-2016 10:38 PM

ده يرضي مين..
 
ليه انا
عايش كأني مش هنا
و ليه عنيا مغمضين
مع اني شايف حلمنا
ضاع مننا
ولا احنا ضاعين من سنين
ولحد امتي حكون كدا
لحد مأنول الرضا
و ابقي عبد للبيادة
او ادوق طعم الشهادة
او اعيش مهموم حزين
ده يرضي مين
اعيش اديا مكتفين
و لساني ممنوع م الكلام
و تبقي عيشة و السلام
ده يرضي مين
اني اكون ماشي تمام
مشدود علي فمي اللجام
ياخدوني ليه ولاد الحرام
و اكون سجين
ده يرضي مين
اني لو رحت الميدان
اصبح مدان
و تبات ايديا مكلبشين
ده يرضي مين
الظابط اللي معاه سلاح
دمي ليه يكون مباح
و لو صرخت او شكيت
اندم و اقول مليون يا ريت
و لو انتهيت
ياخد وسام
و شعب تاني يبتسم و يقول تمام
طاب اعمل ايه و انا ضعيف
يا دوب بهابش ع الرغيف
ده يرضي مين

ندوشه 2011 04-29-2016 06:01 AM

ودا يرضى مين تنفع اغنيه هههههههه طب اسمع دي ..ودا يرضى مين اعيش حزين من كتر الاهات طول عمرى في المواجع مش عارف أمتي راجع علي فكره دي اغنيه وعلي فكره بقي انا فاهمه قصدك بالله عليك خلينا في حالنا احنا مش قدهم. ..واسمع وافهم كلامي ظابط ومخبر وحرامي وايييييييييييييييه دونيا

صمتى كلام 04-29-2016 09:02 AM

يامارد
..
العمر لو راح فدا وطنى ..مايهمنيش
..
على ايدى اشيل كفنى ..وهو يعيش.
..
اعتراضى على القيادة ..مش ع الجيش
..
تحياتى

ندوشه 2011 04-29-2016 09:05 AM

اقتباس:

المشاركة الأصلية كتبت بواسطة صمتى كلام (Post 5002927)
يامارد
..
العمر لو راح فدا وطنى ..مايهمنيش
..
على ايدى اشيل كفنى ..وهو يعيش.
..
اعتراضى على القيادة ..مش ع الجيش
..
تحياتى

وعجبي هههههههههههههههههههههههههه

بنت خديجة 04-29-2016 12:46 PM

ميرضيش حد
بس كلماتك جعلتنا نرضى

راقي جدا مارد

أحمد الجمل 04-29-2016 02:38 PM

يا صاحبي ...
أنت شاعر راااائع بحق
أعجبتني القصيدة جداااا ، فكرا ونسجا ونظما
سلمت وسلم قلبك ولسانك
تحيتي وخالص مودتي

حازم34 04-29-2016 04:47 PM



الله الله علي جميل ما عبرت

هذا هو ديدنك دائما

حب الحق واهله

وملاحقه الباطل اينما وجد

ما اجمل النسج بجمال الابيات

وصدقها

الله عليك

اقول لك لاتحزن ان الله يسمع ويري

ودوله الباطل ساعه

ودوله الحق الي قيام الساعه

الحق ابلج والباطل لجج

تسلم علي

الابداع وبارك الله فيك



دمعه حائره 04-29-2016 04:50 PM

مايرضيش حد ولايرضى ربنا
ربنا يولى من يصلح
تسلم اخى

ندوشه 2011 04-29-2016 05:21 PM

اقتباس:

المشاركة الأصلية كتبت بواسطة حازم34 (Post 5003173)


الله الله علي جميل ما عبرت

هذا هو ديدنك دائما

حب الحق واهله

وملاحقه الباطل اينما وجد

ما اجمل النسج بجمال الابيات

وصدقها

الله عليك

اقول لك لاتحزن ان الله يسمع ويري

ودوله الباطل ساعه

ودوله الحق الي قيام الساعه

الحق ابلج والباطل لجج

تسلم علي

الابداع وبارك الله فيك



الله أكبر. .وادي شيخ المنتدي وصل اهوت يرضيك كدا يا عم الشيخ

۩۩ elMagic ۩۩ 04-29-2016 05:32 PM

ميرضيش حد بقى
ربنا يهدي الجميع
إن غداً لناظره قريب
تسلم أ/مارد
دام نبضكـ


الساعة الآن 02:28 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w