منتديات بنات مصر

منتديات بنات مصر (https://forums.banatmasr.net/)
-   منتدي عالم حواء (https://forums.banatmasr.net/f96/)
-   -   نوادر حواء في الحياه ومكرها (https://forums.banatmasr.net/msryat551553/)

حازم34 05-02-2016 04:28 PM

نوادر حواء في الحياه ومكرها
 


حواء لها من النوادر الكثير والكثير

هبدا النوادر بنكته علي الماشي


واحده مره بتقول لزوجها يا ريتني اخدت ابليس ولا اخدتك


رد عليها وقال ما ينفعش

قالت ليه يا معلم بقيت مفتي كمان

قال لها هو ينفع المره تجوز اخوها

مكر حواء ونودارها بالحياه كثيره خالص

بس هذكر اتنين بس علشان ما تزعلوا

واقول كمان عن حواء والمطبخ

مره حواء جالس مع راجالها وايه علي الحب والدلال

قالت له ياابو حميده قالها امري امر قالت اسالك بالله ثلاثا

ان مت قبلك لاتتزوج حتي قبري يجف يكون ناشف

الراجل اقسم بالله ثلاثا يمين مغلظ انه لايمكن يتزوج

حتي قبرها يجف

وكل يوم يروح بعد العصر يلاقي قبرها رطب

كل يوم

فات علي كدا سنتين

قال يا واد ان هجلس عند قبرها لايمكن

ليه ما بيجف

لقي اخوها قبل العصر بشوي جاي بكم جردل مايه ويرش

علي قبرها

قاله مسكتك ومين قال كدا قال اختي قبل ما تموت قالت لي رش

القبر مايه كل يوم لحد ما زوجي يموت

شفتم

كيد النسا ههههههه


مره واحده جالسه مع زوجها وقال لها ان كيد الرجال اقوي من كيد النسا

قال له نشوف

كان زوجها رجل له معارف والناس بتشهد ليه وبيحبوه

وان رايه سديد وحكيم

وكان الراجل في الصيف يروح هو ومراته البحر يجلسوا لحد ما الجو يبرد

وفي البرد

يرحوا يعملوا خيمه في البر

ويجلسوا

ففي يوم مراته وهما بالبحر اصطادت سمكه وخبتها عنه

وراحت البر وحطتها في مكان بعيد وتسقيها وتاكلها كبرت السمكه بسرعه

واجت في يوم وفي يدها السمكه

بيسالها قالت له كنت بتمشي في البر الصحرا يعني لقيت السمكه

اصطادتها

الراجل استعجب وراحل قال للرجاله ال يعرفهم كدا

قالوا له انت اجننت

طيب لو انت صادق اعزمنا

والسمكه كانت كبيره

وعزم الرجال

والمراه اجت ساعه تقديم الكل حطت الخبز

وطبخ عادي وما جابت السمك

قال لها رجلها وين السمك قالت انت اجننت هو فيه سمك في البر

الناس قالوا فعلا الظاهر في عقله شئ

وقاموا

وهما لسه خارجين قال لها هموتك اما طلعتي السمك

صوتت رجعوا الرجاله حكت لهم انه عاوز يقتلها لازم تربطوه بعمود الخيمه

فعلا ربطوه

وومشيوا جابت السمك وفضلت تاكل

وهو مربوط وقالت ايه رايك
بقي

في كيد النسا

هههههههههه


في المطبخ حدث ولا حرج

كتير كتير كتير


مره واحده كل يوم تعمل لزوجها اكل سليق

الراجل زهق وقال ايه ده كل يوم سليق

غيري لحسن اطلقك

جت وعملت سليق وحطت عليه جلاكسي

والراجل قالها ايه دا قالت عكرشه

يعني سمنها زايد شويه

هههههههههه

مره واحده

كل يوم تقول لزوجها اطبخ ايه

الراجل زهق يا وليه اعملي حاجه من دماغك

ففي يوم هو كان جايت شويه زفت فكانت حاطه الطبليه

للغدا

وعبله الزفت وقعت علي الطبليه

حطت عليها صنيه مش فاضيه ملخومه بالغدا

رجع الراجل ونسيت وقالت تاكل ايه

قال لها زفت

افتكرت قالت اهو يا حبيبي علي الطلبيه اهو

ههههههههههه

واحده كانت عروسه لسه جديده

المهم زوجها جاب لها كرنب وورق عنب

وقال لها نفسي في المحشي

المهم كل ما تعمل اصبع محشي
يتفك

جابت بكره خطيط
دخل زوجها لقي ما شاء الله

الاصابع كلها ملفوفه

بالخيط

ههههههههههههههههه


واحده شاطره كانت بتغسل المكرونه قبل ما تسلقها





العاشق الذى لم يتب 05-02-2016 06:57 PM

والله ماقصرت
عملت المطلوب وزيادة
بس انااشوف بعض مكرحواء ضرورى ومهم
ولكن ليس مكرهايصيرمنهجا
سلمت ودمت دكتورناالراقى
تحياتى

ندوشه 2011 05-02-2016 07:31 PM

ههههههههههههههههه يخرب بيت اللي يكرهك انت دماغك دي ايه

أميرة محمود 05-02-2016 07:38 PM

ههههههه
ايه دا ايه دا
؟؟؟
ايه كل الشر دا
كلنا هنعمل ضدك ثورة
ههههههه
بس هو ال سليق دا ؟

حازم34 05-02-2016 08:04 PM

اقتباس:

المشاركة الأصلية كتبت بواسطة العاشق الذى لم يتب (Post 5005638)
والله ماقصرت
عملت المطلوب وزيادة
بس انااشوف بعض مكرحواء ضرورى ومهم
ولكن ليس مكرهايصيرمنهجا
سلمت ودمت دكتورناالراقى
تحياتى




اهلين اهلين اهلين وهلا وغلا ومرحبا اخي الحبيب وشاعرنا الجميل


الكاتب المميز المبدع

نورت وانرت والله

اسعدني مرورك وردك القيم الذي يسعدني دائما

بعض المكر مطلوب


لك مني خالص التحيه والتقدير


مرور جميل اعتز به



حازم34 05-02-2016 08:07 PM

اقتباس:

المشاركة الأصلية كتبت بواسطة ندوشه 2011 (Post 5005668)
ههههههههههههههههه يخرب بيت اللي يكرهك انت دماغك دي ايه



يا ربي ههههههههههههههه


يدوم الابتسامه والسعاده يارب


حلو الدعاء دا جميل خالص

واولهم انتي

هههههههههههههه


اهلين اهلين اهلين

بالملكه والطيبه والمرور الجميل

الاخت الغاليه والله ندي 2011


ما بحب اسم ندوش ههههه


نورتي وانرتي

اسعدني مرورك وردك العسل دا

لكي مني خالص التحيه والتقدير الجميل

ربي يسعدك

مرور جميل احبه


حازم34 05-02-2016 08:13 PM

اقتباس:

المشاركة الأصلية كتبت بواسطة أميرة محمود (Post 5005674)
ههههههه
ايه دا ايه دا
؟؟؟
ايه كل الشر دا
كلنا هنعمل ضدك ثورة
ههههههه
بس هو ال سليق دا ؟


ههههههههههههههههههههه


يدوم يارب الابتسامه

ايوا تقفوا في وسط المنتدي

وتقولوا مطالبكم وهي

رفع اسم حازم كليا من عند حوا

وتجيبوا موافقه انجي ومونا والسفيره عزيزه


وتجلسوا شهر كدا في قاعه الميدان تبع المنتدي

وهكون مبسوط اني اشوفكم

وهتلاقوني كل يوم اكتب حاجه تانيه هههههههههههههه


علي العموم نورتي ايها الفكر الراقي والقلم الجميل المبدع حقيقه


انطلاق بسرعه الصاروخ


اسعدني مرورك وردك الجميل

سليق عند ابن ام باميه

تعني ان لايحتوي الاكل علي شئ متحمر زي البصل لما نضعه

في الزيت ويتحمر ونحط ملح وحاجات كتير

وعندي انا

السليق هو

نحضر الفرخه ونضعها في الماء

ومعها حبه طماطم

وبصله

وجزره

وكوسايه

وايه تاني خضار بقي

وتستوي الدجاجه

وتكلي بالهنا يارب

اي خدمه هاتي خمسه دولار بقي

لكي مني خالص التحيه والتقدير

مرور جميل اسعد به

ربي يسعدك


الساعة الآن 10:01 AM

Powered by vBulletin® Version 3.8.7
Copyright ©2000 - 2024, vBulletin Solutions, Inc.
Content Relevant URLs by vBSEO 3.6.0 RC 1
منتديات بنات مصر . منتدى كل العرب

a.d - i.s.s.w