يوم القيامة
 

وجع قلوبنا.. زاد لما شوفنا
البراءة بتتقتل برعاية الاوباش
شيخ وحلل.. اعلامي هلل
عاش ياملك.. اضرب متستناش
دول خوارج.. لازم يموتو
اطفال عجايز.. شيبها صوتو
افتي ياشيخنا بالقتل جايز
الموت يكونلك فايدة ومنفعة
واكفر مذاهبك الاربعة
نفس الطريقة البايخة.. اللي بتحكمنا هيا
نفس الغباء بالظبط.. ونفس المسرحية
ناس تموت والعذر واضح
ليهم اجندة.. ليهم مصالح
ومفيش قضية....
وهيا هيا
سوريا زي العراق.. علي النهج مكملين
نفس المشاهد.. وفي ليبيا دول سابقين
والام حاضنة الوجع.. واسمها فلسطين
يمكن نسينا.. او اتعمينا
ولا مات شعورنا فينا
مش دي القضية
كربونة هيا
في سكة ضياع المسلمين
اهون شعوب الارض.. بقينا
في الجهل نمرة
وفي الاسوة احنا عدينا
في الخليج عايشين خيال
سباق خيول وساعات جمال
مش فارقة صوت صرخة عيال
ماهو ده المصير
لما نكون حاكمانا بغال
ولا ضمير ولا فيه كرامة
ولا نخوة لسه ولا استقامة
هادعي عليكم في سجدة
وبكايا شاهد يوم القيامة

وبجد
مات الكلام
ومفيش توقيع

مذابح ترتكب فى حق المسلمين ولا حياة لمن تنادي
بالعكس بيدعموا او نهار ما يتحركوا يشجبوا
غباء ما بعدة غباء .مفكرين ان مش هييجي عليهم
الدور ...وساعتها نفس ردة الفعل من الاخر
حسرة ما بعدها حسرة ولله المشتكي
(إِنَّ بَطْشَ رَبِّكَ لَشَدِيدٌ*إِنَّهُ هُوَ يُبْدِئُ وَيُعِيدُ ﴾.
سلم يا رب سلم ...واللهم لا تؤاخذنا بما فعل السفهاء منا

ومفيش امضاء

والله الواحد مش عارف يرد ازى
العجز صعب لاعارفين نساعد ولا نجاهد .
..
ولا نعمل اى شئ غير الدعاء ..اللهم الطف باهل سوريا
..
يارب
..

يموت الكلام امام موت الابرياء

ويصمت اللسان امام خذلان الحكام

ولا نشعر بالراحه والامان طالما المسلم يهان

لكن الى متى هذا الذل والهوان

سؤال لن نجد له اجابهالا برحمة من الله

سلم قلمك

مشكورين جميعا
وربنا يصلح الاحوال ونرجع لكرامتنا من جديد
تحياتي